Ers i ni gael ein sefydlu ym 1920, mae ein gwerthoedd wedi bod yn seiliedig ar ein cyfrifoldeb dinesig. Mae cyfoethogi bywydau ac arferion ein cymuned amrywiol wrth wraidd yr hyn rydym yn ei wneud. Drwy ein hymchwil sy'n arwain y ffordd yn fyd-eang ac yn rhagori'n rhyngwladol, a'n gweithgareddau cyfnewid gwybodaeth a gweithio mewn partneriaeth, rydym yn helpu i wella a llywio sefydliadau, unigolion a grwpiau o bob math, gan gynnwys: elusennau, busnesau a llywodraethau, gan ddathlu ein cymuned a'n diwylliant Cymreig, sy'n destun balchder i ni.
O brosiectau tymor byr i gydweithrediadau ymchwil tymor hwy, gall gweithio gydag ymchwilwyr o'r radd flaenaf mewn amrywiaeth o sectorau arbenigol eich helpu i ddatblygu atebion creadigol i heriau sefydliadol.
Wrth wraidd ein cryfder ymchwil y mae rhwydwaith o fentrau rhyngddisgyblaethol, a chanolfannau rhagoriaeth, a sefydlwyd i alluogi staff sy'n arbenigo mewn meysydd gwahanol i archwilio cysyniadau newydd radical, gan ganolbwyntio ar anghenion arloesi sefydliadau yn y sector preifat, y sector cyhoeddus a'r sector gwirfoddol.
