Biocemeg, BSc (Anrh)

Mae’r gofynion mynediad ar gyfer y BSc 3 blynedd yn cynnwys:

Safon Uwch/Bagloriaeth Sgiliau Cymru Uwch: AAB-BCC. Cemeg yn hanfodol, ynghyd ag o leiaf un wyddor arall (Bioleg fel arfer)

IB: 32-34 i gynnwys graddau Lefel Uwch mewn Cemeg, ynghyd ag o leiaf un wyddor arall (Bioleg fel arfer)

BTEC: Fel arfer Rhagoriaeth i Ragoriaeth Dwbl ynghyd â Lefel A Gradd B mewn Cemeg

Lefelau T: Rydym yn croesawu ymgeiswyr â lefelau T. Bydd ymgeiswyr yn cael eu hasesu fesul achos.

Yn ogystal ag un o'r mathau uchod o gymwysterau, mae angen i ymgeiswyr:

TGAU: Saesneg/Cymraeg a Mathemateg o leiaf Gradd C Cymru (Lloegr Cyn 2017) neu Radd 4 (Lloegr ar ôl 2017)

Rydym yn derbyn cymwysterau cyfwerth a gymeradwyir gan Brifysgol Abertawe.

Ar gyfer ymgeiswyr nad Saesneg yw eu hiaith gyntaf, mae angen sgôr IELTS gyffredinol o 6.0 (neu gyfwerth) o leiaf a dim llai na 5.5 ym mhob cydran.

Beth am ystyried cwrs gradd Sylfaen?

Os yw’r cwrs hwn o ddiddordeb i chi ond nid ydych chi’n meddu ar y cymwysterau mynediad gofynnol ar gyfer ymuno â’n rhaglen radd BSc, gellir ystyried ein rhaglen radd BSc gyda Blwyddyn Sylfaen.  

Yn ystod pob blwyddyn o’ch gradd, bydd rhaid i chi astudio 120 credyd, sy’n gyfuniad o fodiwlau gorfodol a dewisol.

Caiff y broses o ddysgu ei hwyluso gan ddefnyddio dull sy’n cynnwys darlithoedd, sesiynau ymarferol yn y labordy a grwpiau bach. Er y bydd y rhaglen yn drylwyr yn academaidd, bydd cefnogaeth oddi wrth Fentoriaid Academaidd Personol sydd wedi’u hymrwymo i’ch helpu i lwyddo yn eich astudiaethau a’ch gyrfa yn y dyfodol ym maes gwyddoniaeth a meddygaeth.   

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i anghenion penodol eich cwrs. Ar wahân i nifer fach o gyrsiau ar-lein, mae'r rhan fwyaf o'n cyrsiau'n cynnwys addysgu wyneb yn wyneb ar y campws, gan alluogi ymgysylltiad llawn â'ch darlithwyr a'ch cyd-fyfyrwyr.

Mae sesiynau sgiliau ymarferol, seminarau gwaith labordy, a gweithdai yn bennaf yn cael eu cynnal wyneb yn wyneb ar y campws, gan ganiatáu gweithio mewn grŵp ac arddangosiadau. Rydym hefyd yn gweithredu labordai rhithwir ac Amgylcheddau Dysgu Efelychol a fydd yn hwyluso mwy o fynediad at gyfleoedd hyfforddi yn y dyfodol. Fodd bynnag, mae ein dulliau addysgu hefyd yn cynnwys defnyddio rhywfaint o ddysgu ar-lein i gefnogi a gwella addysgu wyneb yn wyneb traddodiadol.

Gall dysgu ar-lein ddigwydd ‘yn fyw’ gan ddefnyddio meddalwedd fel Zoom, sy'n eich galluogi i ryngweithio â'r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailedrych ar ddeunydd, i adolygu at asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol ar Canvas, megis fideos, sleidiau a chwisiau sy'n galluogi astudiaeth hyblyg bellach.

O leiaf 40 credyd

Mae'n bosib astudio o leiaf 40 credyd o'r cwrs hwn trwy gyfrwng y Gymraeg. Mae Academi Hywel Teifi yma i'ch cefnogi trwy gydol eich amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau hael ar gyfer astudio trwy gyfrwng y Gymraeg.
• Mynediad at fodiwlau a addysgir yn gyfan gwbl neu'n rhannol yn Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Lawrlwythwch yr ap am ddim drwy'r App Store a Google Play.
• Tiwtor Personol Cymraeg ei iaith.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi.

I ddysgu mwy am yr uchod a'r holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Caiff myfyrwyr Biocemeg eu haddysgu gan amrywiaeth o ymchwilwyr sydd gyda’r gorau yn y byd, sydd wedi’u lleoli yn yr Ysgol Feddygaeth, gan roi mynediad dihafal i addysg am ein gwaith ymchwil biocemeg diweddaraf.

Prif staff addysgu ar gyfer rhaglen Biocemeg yw:

• Cyfarwyddwr Cyrsiau: Dr Ed Dudley 
• Tiwtor Derbyn:Dr Aled Roberts
• Dr Hugh Jones
• Yr Athro Paul Dyson
• Dr Geertje van Keulen
• Dr Mathew Hitchins

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr UE/Rhyngwladol Israddedig yn cynyddu 3% ar gyfer pob blwyddyn ddilynol o astudio.

Yn ystod blwyddyn ryngol (e.e. blwyddyn mewn diwydiant, blwyddyn dramor neu flwyddyn lleoliad), bydd ffi is yn gymwys. Am ragor o wybodaeth ewch i'n tudalen ffioedd dysgu.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mentor Academaidd Personol:

Byddwch yn cael Mentor Academaidd a fydd yn un o gronfa o bersonél hyfforddedig sy’n aelodau staff academaidd yr Ysgol Feddygaeth, neu staff clinigol o Fyrddau Iechyd ar gyfer Meddygaeth i Raddedigion a Chydymaith Meddygol. 

Y Mentoriaid Academaidd Personol yw eich pwynt cyswllt cyntaf tra’n astudio yn yr Ysgol Feddygaeth a gallant roi cymorth ac arweiniad ar faterion amrywiol a allai effeithio ar eich lles, eich presenoldeb a’ch cynnydd academaidd. Gall Mentoriaid Academaidd Personol hefyd eich helpu wrth gynllunio datblygiad personol a rhoi cyngor ar yrfaoedd.  Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.  

Swyddog Bywyd Myfyrwyr:

Mae ein Swyddog Bywyd Myfyrwyr yn canolbwyntio ar gymorth myfyrwyr ac adnabod myfyrwyr a allai fod angen cael eu cyfeirio at wasanaethau tu fewn i’r Brifysgol a thu allan ohoni, a chyd-weithio â’r myfyrwyr hyn i sefydlu cynllun i leoli eu lles.  Mae’r swyddog wedi’i hyfforddi i ddelio â materion amrywiol, o adnabod arwyddion cam-drin domestig a throsedd casineb i hiraeth am adref a materion bugeiliol eraill.

Swyddfa Wybodaeth yr Ysgol Feddygaeth:

Mae ein tîm o weinyddwyr a chydgysylltwyr gwybodaeth myfyrwyr wrth law i roi cymorth gyda’ch ymholiadau academaidd a’ch cyfeirio at wasanaethau ychwanegol lle bo angen. 

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

Gwnewch gais nawr - myfyrwyr y DU, UE a rhyngwladol.

Cewch wybod mwy drwy ymweld â'n tudalen ar sut i wneud cais

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.