Sut i ddod o hyd i ni

Mae Campws Parc Singleton mewn parcdir a gerddi botaneg, ac yn edrych allan ar draeth Bae Abertawe. Mae Campws y Bae hefyd ar draeth, a hynny ar yr ochr ddwyreiniol i Abertawe.

Mae disgwyl i Gampws y Bae, datblygiad gwerth £450 miliwn, greu effaith economaidd o fwy na £3 biliwn dros gyfnod o 10 mlynedd.

Gallwch gyrraedd ein campysau’n hwylus ar gludiant cyhoeddus ac yn y car. Gallwch gael rhagor o wybodaeth am deithio i Brifysgol Abertawe isod.

Map a Chyfeiriadau i’r Campws

Campws Parc Singleton

Wrth deithio tua’r gorllewin ar yr M4, gadewch y draffordd yng Nghyffordd 42 a dilynwch yr arwyddion i Abertawe ar yr A483 (Ffordd Fabian).

Wrth groesi’r afon Tawe, mae’r A483 yn newid i’r A4067. Parhewch ar hyd y ffordd hon tua’r gorllewin, gan fynd heibio i Archfarchnad Sainsbury’s ar ochr chwith y ffordd. Ar ôl oddeutu 1.5 milltir, y mae pompren dros y ffordd.

Mae prif fynedfa’r Brifysgol ychydig cyn y bompren, ac fe’i rheolir gan oleuadau traffig. Wrth i chi nesáu at y goleuadau, gwnewch yn siŵr eich bod yn y lôn dde, a byddwch yn barod i droi i’r dde i mewn i’r Brifysgol.

Mae parcio ar y campws yn gyfyngedig, felly mae’r Brifysgol yn argymell bod ymwelwyr yn parcio ar y Rec ar Heol y Mwmbwls, sydd gerllaw’r campws drwy daith gerdded fer drwy Barc Singleton.

Neu mae safleoedd Parcio-a-Theithio mawr ym Mhort Tennant ac ar yr A483 tua dwyrain Abertawe; yng Nglandŵr, ar yr A4067 tua gogledd y ddinas. Mae pob safle ar agor rhwng 7.00 am a 7.00 pm, o ddydd Llun i ddydd Sadwrn.

Campws Y Bae

Wrth deithio ar yr M4, gadewch y draffordd yng Nghyffordd 42 a dilynwch yr arwyddion i Abertawe ar yr A483 (Ffordd Fabian). Mae Campws y Bae ar ochr chwith Ffordd Fabian, a rheolir y fynedfa gan oleuadau traffig. Mae parcio i ymwelwyr yn gyfyngedig ar Gampws y Bae, ond mae cyfleuster Parcio a Theithio mawr ar Ffordd Fabian, sydd heb fod ymhell i ffwrdd o Gampws y Bae.

Campws Parc Dewi Sant

Mae Campws Parc Dewi Sant yn Nghaerfyrddin yn un o'n campysau cysylltiol. Ar y safle hwn, rydyn ni'n cynnig Nyrsio Oedolion ac ystod o fodiwlau ôl-gofrestru ac ôl-raddedig. Mae Parc Dewi Sant yn cynnig profiad addysgol o safon uchel i fyfyrwyr yng ngorllewin Cymru mewn lleoliad hygyrch.

Mae Parc Dewi Sant yn cynnwys ystafelloedd ymarfer, ystafelloedd efelychu, ystafell OCSE, darlithfa, ac ystafelloedd dosbarth yn ogystal ag ystafelloedd cyfarfod a'n canolfan adnoddau dysgu gan gynnwys mynediad at gyfrifiaduron a chymorth llyfrgellydd.

Cyfeiriadau i'r Ysgol Iechyd a Gofal Cymdeithasol, Adeilad 3

O gylchfan Pensarn ar ddiwedd yr A48, cymerwch yr allanfa dros Bont Lesneven tuag at Sanclêr.

Wrth y gylchfan nesaf (B&Q), cymerwch yr ail allanfa (ar y dde) tuag at ganol tref Caerfyrddin.

Wrth y gylchfan nesaf, cymerwch yr allanfa gyntaf ac ewch heibio siop Tesco. Teithiwch yn syth ymlaen wrth y goleuadau traffig.

Wrth y gylchfan fach, cymerwch yr allanfa gyntaf; ewch heibio Cofeb Picton a pharhewch i oleuadau traffig Tre Ioan. Trowch i'r dde wrth y goleuadau i Heol Ffynnon Jôb.

Ewch yn syth ymlaen - bydd Parc Dewi Sant ar yr ochr chwith ar frig y bryn (ceir arwyddbost).

Google Map: https://goo.gl/maps/8pRYjLQ1oLSewY6o7

Cyfeiriad: Parc Dewi Sant, Heol Ffynnon Jôb, Caerfyrddin, SA31 3HB