Gweithio gyda’n gilydd i ddatblygu graddedigion talentog

Mae myfyrwyr Peirianneg Baglor a Meistr yn cael cyfle i ymgymryd â lleoliad blwyddyn mewn diwydiant â thâl gyda Tata Steel cyn blwyddyn olaf eu hastudiaethau.

Drwy gydol y lleoliad, mae myfyrwyr yn gallu gwella’u dealltwriaeth o’r busnes, dysgu’r sgiliau technegol ac annhechnegol sydd eu hangen arnynt ar gyfer y swydd, a datblygu eu rhwydwaith o gysylltiadau yn y diwydiant dur sydd i gyd yn gweithio i wella eu gobaith derbyn swydd ar ôl graddio.

Diwrnod profi pan fydd cynrychiolwyr o faes Peirianneg ac Adnoddau Dynol Tata Steel yn mynd i Gampws y Bae er mwyn siarad â myfyrwyr am gyfleoedd i raddedigion a chyfleoedd am leoliadau ac yn cynnal cyfweliadau anffurfiol gyda nhw gyda’r bwriad o’u rhoi ar lwybr carlam i’r cwmni.

Mae’r Coleg Peirianneg yn cynnal Diwrnod Sgiliau Peirianneg unwaith y flwyddyn, yn gweithio’n agos gyda Tata Steel er mwyn rhoi i fyfyrwyr amrywiaeth o sgiliau cyflogadwyedd a chyfleoedd i rwydweithio. Mae’r diwrnod yn cynnwys trafodaeth panel, cyfweliadau ffug a sesiynau rhwydweithio lle gall myfyrwyr ymgysylltu â chynrychiolwyr y cwmni drwy gydol y dydd. Am y tro cyntaf, yn 2019 gwnaeth Tata Steel arwain canolfan asesu ffug hefyd.

Ar ddechrau pob blwyddyn academaidd, mae cynrychiolwyr o Tata Steel yn cynnal eu cyflwyniad blynyddol gan y cyflogwr lle gall myfyrwyr glywed gan reolwyr peirianneg Tata Steel, graddedigion diweddar a myfyrwyr Blwyddyn mewn Diwydiant (o’r gorffennol a’r presennol), a rhwydweithio â nhw.

Hefyd, trefnir trafodaeth banel o bryd i’w gilydd lle mae siaradwyr o Tata Steel a busnesau eraill yn trafod thema a bennwyd ymlaen llawn ar gyfer cynulleidfa o fyfyrwyr.

Mae Tata Steel yn mynychu Ffair Yrfaoedd Flynyddol Prifysgol Abertawe lle gall myfyrwyr siarad â rheolwyr peirianneg a chyn-raddedigion sydd bellach yn gweithio i Tata Steel.

Mae Prifysgol Abertawe’n gweithio’n agos gyda Tata Steel er mwyn hybu cyfleoedd i raddedigion ar draws amrywiaeth o ddisgyblaethau Peirianneg gan gynnwys Peirianneg Fecanyddol, Drydanol ac Electronig, a Chemegol, gan helpu i gyfathrebu cyfleoedd, casglu ceisiadau a threfnu cyfweliadau.

Mae Tata Steel yn aelod o baneli cyswllt diwydiannol gwahanol ar gyfer peirianneg er mwyn cyfathrebu’r sgiliau y mae eu hangen arnynt, er mwyn llunio’r cwricwlwm. Mae hyn yn sicrhau bod cyrsiau’n parhau i fod yn gyfredol ac yn berthnasol, gan roi ein myfyrwyr yn y safle gorau ar gyfer cael swydd.

Mae Tata Steel yn cynnal ymweliadau â’r safle yn rheolaidd yng ngweithfeydd dur Port Talbot lle gall myfyrwyr peirianneg gael taith o’r cyfleusterau a dysgu am weithrediadau pob dydd y gwaith dur yn y cnawd.