Ymchwil y Clasuron, Hanes yr Henfyd ac Eifftoleg

Cerflun neoglasurol o Plato (athronydd o Roeg hynafol)

Mae ein hymchwil yn ymestyn dros sawl mileniwm, o Hen Deyrnas yr Aifft hyd y presennol, yma a nawr.

Mae ein staff yn ymwneud â nifer o grwpiau ymchwil

Mae Adran y Clasuron, Hanes yr Henfyd ac Eifftoleg yn amgylchedd ymchwil ffyniannus sydd wedi'i gynnwys mewn rhwydweithiau cenedlaethol a rhyngwladol o ysgolheigion. Mae dau grŵp ymchwil o fewn yr Adran: Canolfan Ymchwil Llenyddiaeth Naratif Hynafol (KYKNOS); a Dehongli Gorffennol yr Aifft yng Nghymru a'r Byd (InEPWW). Ein cryfderau ymchwil yw: llenyddiaeth Roegaidd a Lladin; Hanes ac Archeoleg Groeg a Rhufain; Archeoleg, Hanes a Diwylliant yr Aifft a Nubia; Athroniaeth yr Henfyd; Diogelu Eiddo Diwylliannol mewn Parthau Gwrthdaro.

Mae staff y Clasuron, Hanes yr Henfyd ac Eifftoleg yn ymwneud â nifer o grwpiau ymchwil, gan gynnwys:

KYKNOS
InEPWW
Grŵp Ymchwil Gwrthdaro, Ailadeiladu a Chofio (CRAM)
Y Ganolfan Ymchwil Canoloesol a Modern Cynnar (MEMO)

Y Ganolfan Ymchwil Rhywedd mewn Diwylliant a Chymdeithas (GENCAS)

Prosiectau Ymchwil Mawr

Diwylliant a Gwrthdaro

Mae Nigel Pollard yn gweithio ar ddiogelu, difrod a derbyniad safleoedd archeolegol a chofebau yn yr Ail Ryfel Byd a gwrthdaro mwy diweddar.

Mae rhagor o wybodaeth am archif Nigel Pollard ar ei wefan.

Demonoleg yr Aifft Hynafol

Mae'r prosiect a ariennir gan Ymddiriedolaeth Leverhulme yn archwilio demoniaid o'r ail fileniwm Cyn Oed Crist (y Deyrnas Ganol i'r Teyrnasoedd Newydd). Nodau penodol y prosiect hwn yw dosbarthu demoniaid yr Aifft Hynafol a phetheuach perthynol o'r ail fileniwm Cyn Oed Crist ar sail data.

Mae rhagor o wybodaeth yma!

Hanes lleol a byd-eang y cynfyd hwyr (200-800 Oed Crist)

Mae'r prosiect hwn yn cynnig ymagwedd fyd-eang gwbl newydd tuag at y cyfnod yn hanes ardal Môr y Canoldir a elwir 'y cynfyd hwyr' (200-800 Oed Crist).

Ideolegau Llywodraethwyr y Cynfyd (3,000 Cyn Oed Crist i 500 Oed Crist)

Prosiect ymchwil dan arweiniad Dr Fritz-gregor Herrman sy'n ceisio egluro natur, tarddiad a datblygiad ideolegau'r Llywodraethwr yng nghyd-destun systemau rheoli, brenhiniaeth a phŵer yr elît yn ardal Môr y Canoldir a'r Dwyrain Agos o'r pedwerydd mileniwm Cyn Crist i'r Cynfyd Hwyr, gan ganolbwyntio ar yr Aifft, Groeg a Rhufain.