Amodau a Thelerau

Amodau a Thelerau ar gyfer y Cynnig Tocyn Bws am Ddim

1. Pwy sy'n gymwys?

Mae'r cynnig hwn ar gael i fyfyrwyr sy'n astudio ar Gampws Parc Singleton yn unig.
I fod yn gymwys ar gyfer y tocyn bws am ddim, rhaid i fyfyrwyr fod wedi cyflwyno cais am lety ar Gampws y Bae neu yn true Swansea ar ôl 15 Awst 2024.

2. Manylion y Cynnig

Mae'r tocyn bws am ddim yn galluogi myfyrwyr i deithio am ddim ar y bws rhwng Campws y Bae, llety true Swansea a Champws Parc Singleton.
Mae'r tocyn bws yn ddilys i'w ddefnyddio ar rwydwaith UniBws, sy'n cysylltu canol y ddinas â'r ddau gampws.
Mae gwasanaethau'n rhedeg tan 4am yn ystod yr wythnos, gan gynnig hyblygrwydd ar gyfer teithio rhwng campysau ac o amgylch y ddinas.

3. Dilysrwydd

Mae'r tocyn bws yn ddilys drwy gydol contract llety'r myfyriwr ar Gampws y Bae neu yn true Swansea.
Nid oes modd trosglwyddo'r tocyn bws a dim ond y myfyriwr y mae ei enw wedi'i gofrestru gyda'r llety a gaiff ei ddefnyddio.

4. Actifadu a Defnyddio

Bydd myfyrwyr yn cael eu tocyn bws drwy e-bost i gyfrif prifysgol y myfyrwyr ar ôl iddynt gyrraedd a mewngofnodi ar Gampws y Bae neu yn llety true Swansea.
Rhaid dangos y tocyn bws wrth fynd ar unrhyw wasanaeth UniBws. Os bydd myfyriwr yn methu dangos y tocyn, efallai bydd yn rhaid talu'r pris safonol.

5. Terfynu'r Cynnig

Os bydd myfyriwr yn terfynu ei gontract llety yn gynnar, bydd y tocyn bws am ddim yn cael ei ddadactifadu ac ni fydd yn ddilys i'w ddefnyddio mwyach.
Mae Prifysgol Abertawe'n cadw'r hawl i dynnu'r cynnig yn ôl neu ei addasu ar unrhyw adeg heb rybudd ymlaen llaw.

6. Cyfyngiadau

Ni ellir cyfnewid y tocyn bws am ddim am arian parod na'i ddefnyddio ar y cyd ag unrhyw ddisgowntiau neu gynigion teithio eraill.
Mae'r tocyn yn ddilys ar gyfer teithio ar wasanaethau UniBws yn unig ac ni ellir ei ddefnyddio ar rwydweithiau trafnidiaeth gyhoeddus eraill.

7. Atebolrwydd

Nid yw Prifysgol Abertawe a'r darparwyr llety (Campws y Bae a true Swansea) yn gyfrifol am unrhyw docyn bws sydd wedi'i golli, ei ddwyn neu ei ddifrodi. Efallai y bydd ffi i ddarparu tocyn newydd.
Nid yw Prifysgol Abertawe yn atebol am unrhyw oedi, amhariadau, neu newidiadau yn amserlen gwasanaethau UniBws.

8. Cyffredinol

Drwy dderbyn y tocyn bws, mae myfyrwyr yn cytuno i'r amodau a thelerau hyn.
Bydd unrhyw anghydfodau sy'n deillio o ddefnyddio’r tocyn bws am ddim yn ddarostyngedig i gyfreithiau Cymru a Lloegr.

9. Gwybodaeth Gyswllt

Ar gyfer unrhyw gwestiynau neu bryderon ynghylch y tocyn bws neu'r llety, e-bostiwch accommodation@abertawe.ac.uk.

Edrychwch ar ein Llety

myfyrwyr yn cerdded o lety campws y Bae

Gwneud Cais Llety

Dwy fyfyrwraig mewn llety prifysgol

Cysylltu â'r tîm llety

Nôl i'r dudalen Llety