"Dim dyfarnwr, dim gêm" - geiriau sy'n cael eu dweud yn aml gan nifer o hyfforddwyr, chwaraewyr a chefnogwyr rygbi. Serch hynny, nid yw hyn yn ein hatal 'ni' rhag mynegi ein hanfodlonrwydd gyda phenderfyniad diweddaraf y dyfarnwr.
Gan fabwysiadu ymagwedd wedi'i llywio gan athroniaeth a thynnu ar ymchwil Collins (2010), bydd Neil yn archwilio'r rôl unigryw a heriol hon, gan amlygu awdurdod ontolegol a braint epistemolegol y dyfarnwr.
Trafodir y cydbwysedd rhwng cyfiawnder/tegwch ac estheteg y gêm mewn perthynas â chysyniad 'sofanism' - yr arbenigwyr hollweledol, hollwybodus hynny sy'n dyfarnu'r gêm o'u cadeiriau breichiau.
Mae'r ddarlith gryno hon yn archwilio natur rygbi'r undeb a dyfarnu gemau rygbi. Yn ymuno â Neil bydd un o Gymrodorion er Anrhydedd y Brifysgol, Nigel Owens, y dyfarnwr sydd wedi dyfarnu'r nifer uchaf o gemau rhyngwladol yn y byd, a’r 'difyrrwr' a fydd yn rhannu ei brofiadau am sut i sicrhau trefn a 'llif' ac yn ateb eich cwestiynau!
Mae Nigel wedi bod yn ddyfarnwr elît ers dau ddegawd ac wedi dyfarnu cynifer o gemau pwysig a chofiadwy, gan gynnwys gêm derfynol Cwpan y Byd 2015 a nifer mawr o gemau terfynol Cwpan Pencampwyr Ewrop a Chwpan Her Undeb Rygbi Cymru.
