Yr Argyfwng Hinsawdd

Ein gweithredu ar yr argyfwng hinsawdd

Yn 2019, gwnaethom lofnodi Llythyr yr Hinsawdd Prifysgolion a Cholegau Byd-eang 2019, gan ddatgan argyfwng hinsawdd a chydnabod yr angen am newid cymdeithasol sylweddol i drechu bygythiad cynyddol newid yn yr hinsawdd.

O 2021 ymlaen, mae ein hymrwymiadau carbon a hinsawdd lefel uchaf yn cael eu cynnwys yn ein Strategaeth Cynaliadwyedd ac Argyfwng Hinsawdd ac maent yn rhan o System Rheoli Amgylcheddol y Brifysgol (ISO 14001) a gweithdrefnau rheoli gweithredol perthnasol ar gyfer ein Hamgylchedd Gwaith, Ein Hamgylchedd Naturiol, a'n Teithio.

Gallwch ehangu’r penawdau isod i gael gwybod rhagor am ein camau gweithredu ar yr hinsawdd:

Icon of a globe and a white thermometer against a green background.

Ymrwymedig i fod yn Ddi-garbon

Yn unol â'n Strategaeth Cynaliadwyedd ac Argyfwng Hinsawdd, mae Prifysgol Abertawe wedi ymrwymo i sicrhau sero carbon ar gyfer allyriadau uniongyrchol (cwmpas 1 a 2) erbyn 2035, gydag o leiaf gostyngiad o 70% erbyn 2030*. Gyda tharged Cwmpas 3 i gyflawni gostyngiad (ar gyfartaledd) o 2.5% flwyddyn ar ôl blwyddyn mewn allyriadau cwmpas 3, gostyngiad o 50% erbyn 2035 (35% erbyn 2030) o linell sylfaen y cytunwyd arni gan CCAUC yn 2015.

Ar hyn o bryd, mae'r Brifysgol yn pennu cyllideb ddatgarboneiddio flynyddol gwerth £3 miliwn sy'n cael ei hintegreiddio i gynllunio prosiectau Ystadau ac sy'n cyd-fynd â chyllideb Sero Net Cynllun Gweithredu Datgarboneiddio Prifysgol Abertawe, Ystadau a Gwasanaethau Campws. Mae Prif Swyddog Gweithredu a Chyfarwyddwr Ystadau a Gwasanaethau Campws y Brifysgol yn gyfrifol am y cynllun gweithredu datgarboneiddio. Caiff monitro perfformiad, adrodd a gweithredu ymyriadau datgarboneiddio eu rheoli gan dimau’r Gwasanaethau Cynaliadwyedd ac Isadeiledd.

Rydym yn adrodd yn gyhoeddus am allyriadau carbon pob cwmpas yn flynyddol ochr yn ochr â Sefydliadau Addysg Uwch eraill y DU ar wefan yr Asiantaeth Ystadegau Addysg Uwch (HESA) ac yn cyhoeddi Path to Zero Annual Performance Report 2022 - 2023 fel rhan o'n System Rheoli Amgylcheddol ISO14001. Caiff targedau a pherfformiad eu monitro drwy berfformiad cynlluniau blynyddol y brifysgol, yr Adolygiad Rheoli Amgylcheddol a'r Pwyllgor Cynaliadwyedd strategol.

* Caiff allyriadau eu holrhain yn unol â thargedau o'n blwyddyn waelodlin 2015/16 y cytunwyd arni gan CCAUC.

Rhoi'r gorau i danwyddau ffosil

Mae'r Brifysgol wedi ymrwymo i roi'r gorau i ddefnyddio tanwyddau ffosil.

Cydweithio ar gyfer Gweithredu ar Newid yn yr Hinsawdd ac Adfer Natur

Mae Prifysgol Abertawe'n cefnogi ymdrechion rhanbarthol ar y cyd ar garbon sero fel aelodau gweithredol o'r canlynol:

Grŵp Llofnodwyr Siarter Newid yn yr Hinsawdd a Gweithredu ar Natur. Cafodd ei sefydlu i fodloni ymrwymiad Sero Net 2050 Llywodraeth y DU a Llywodraeth Cymru ac mae'n cefnogi gwaith i adfer natur. Mae Grŵp Llofnodwyr y Siarter yn cynnwys ystod eang o sefydliadau gyda phresenoldeb Abertawe ar gyfer gweithredu ar yr hinsawdd a natur ac mae'n cefnogi gwaith Bwrdd Gwasanaethau Cyhoeddus Abertawe a'r Cynllun Lles Lleol.
Bae Abertawe Carbon Isel (LCSB). Prif ddiben hwn yw datblygu ymagwedd integredig, gynaliadwy wedi'i chydlynu at leihau allyriadau carbon ar draws yr holl sectorau yn Abertawe a de-orllewin Cymru.
Siarter Teithio Llesol Bae Abertawe. Rydym yn ymrwymedig i ddulliau cludiant iachach a mwy cynaliadwy. Rydym wedi llofnodi Siarter Teithio Llesol Abertawe ac yn cydweithio ar ei hymrwymiadau i gefnogi myfyrwyr, staff ac ymwelwyr i gerdded a beicio mwy, defnyddio cludiant cyhoeddus a newid i gerbydau trydanol.