Canolfan Ymchwil y Dyniaethau Meddygol (MHRC)

Mae Canolfan Ymchwil y Dyniaethau Meddygol (MHRC) yn meithrin ymchwil ar draws y maes y dyniaethau meddygol.

Mae Canolfan Ymchwil y Dyniaethau Meddygol (MHRC) ym Mhrifysgol Abertawe yn meithrin ymchwil amlddisgyblaethol ar draws cyfadrannau a sefydliadau ym maes y dyniaethau meddygol. Wedi’i chyfarwyddo ar y cyd gan Dr Laura Kalas (Llenyddiaeth Saesneg) a Dr Michael Bresalier (Hanes), mae gan y ganolfan ddiddordeb yng nghroestorfannau ymchwil iechyd, lles, salwch, clefydau, diwylliant, llenyddiaeth a hanes. Gan ryng-gysylltu meysydd y dyniaethau, meddygaeth, iechyd, gwyddoniaeth a chelf, mae ein hymchwil yn archwilio’r heriau mwyaf brys sy’n wynebu iechyd a lles pobl ledled y byd.

Mae themâu ymchwil MHRC yn cynnwys:
Cadernid mewn iechyd a salwch Iechyd Menywod Anabledd, trawma a’r corff Pŵer, gwybodaeth a gofal iechyd Cleifion, gweithwyr proffesiynol a naratifau Rhywedd a rhywioldeb Iechyd, clefyd a’r byd naturiol Safbwyntiau byd-eang ar feddygaeth, iechyd a chlefydau

Ein Prosiectau

Heneiddio ar y Sgrin

Heneiddio ar y Sgrin ar ôl #MeToo: rhyw, oedran, enwogion (2023-4)

Mae’r prosiect hwn (PI Lisa Smithstead) yn archwilio’r gynrychiolaeth o heneiddio a menywod hŷn yn sinema gwledydd Prydain ac America yn sgil #MeToo a #TimesUp – mudiadau sydd wedi newid y drafodaeth ynghylch menywod a diwylliant ffilm yn aruthrol ers 2017. Mae’n holi sut mae’r mudiadau hyn wedi effeithio ar sut mae profiadau menywod o heneiddio a chymeriadau benywaidd hŷn yn cael eu cynrychioli yn y sinema, ymateb cynulleidfaoedd sy’n heneiddio, a’r diwylliannau cynhyrchu y tu ôl i’r llenni sy’n siapio trafodaethau newydd am oedran a rhyw. Mae’r prosiect yn taflu goleuni ar lle – ac ym mha ffurfiau – mae cymeriadau benywaidd hŷn ac sy’n heneiddio yn ymddangos yn rhai o ffilmiau sinema amlycaf y DU ac America mewn blynyddoedd diweddar. Gan dynnu sylw at amrywiaeth o astudiaethau achos arloesol sy’n ystyried oedran a genre, cynrychiolaeth o heneiddio a dementia, a gwaith ymarferol gyda chynulleidfaoedd sy’n heneiddio, mae’r prosiect yn creu darlun newydd o fenywod sy’n heneiddio mewn diwylliant ffilm poblogaidd i ganfod sut olwg allai fod ar ddyfodol gwell a mwy disglair i fenywod hŷn sy’n heneiddio a menywod hŷn ar y sgrin.

Anghyfiawnder Epistemig “Un Iechyd” yn y Cenhedloedd Unedig ‘Cadernid, her a newid: Dysgu o brofiad bywyd nyrsys' Sgrinio Dementia Iechyd Menywod

Pobl

Cyd-gyfarwyddwr

Mae Dr Michael Bresalier yn hanesydd meddygaeth fodern, ac rwy'n arbenigo yn yr ymagweddau cymdeithasol, diwylliannol, economaidd a gwleidyddol iechyd ac afiechyd. Dr Bresalier yn trefnu gweithdai, seminarau a chynadleddau ar themâu ymchwil craidd, gan gynnwys gwydnwch o ran gofal iechyd ac iechyd, clefydau a byd natur.

Dr Michael Bresalier

Cyd-gyfarwyddwr

Mae Dr Laura Kalas yn arbenigo mewn llenyddiaeth merched ganoloesol. Mae hi’n ymddiddori’n benodol mewn ymchwil sydd yn croesi disgyblaethau, a’r ffordd y mae trafodaeth am feddygaeth yn y canol oesoedd yn cynnig lens ddefnyddiol er mwyn ystyried delweddaeth o’r corff, o’r synhwyrau ac o’r ysbryd.

Dr Laura Kalas

Aelodau Staff

David Turner (Hanes)
Owen Sheers (Ysgrifennu Creadigol)
Sarah Wydall (Troseddeg)
Helen Yu (Busnes)
Ryan Sweet (Llenyddiaeth Saesneg)
Lisa Smithstead (Astudiaethau Ffilm)
Tess Fitzpatrick (Ieithyddiaeth Gymhwysol)
Alexia Bowler (Ieithyddiaeth Gymhwysol)
Richard Fern (Y Cyfryngau)
Alison Williams (Ieithoedd Modern)
Kirsti Bohata (Llenyddiaeth Saesneg)
Mel Kohlke (Llenyddiaeth Saesneg)
Sarah Crook (Hanes)
Christoph Laucht (Hanes)
Rowena Jenkins (Ysgol Feddygaeth)
Hugh Upton (Cyfraith a Moeseg Gofal Iechyd)
Caroline Jones (Cyfraith a Moeseg Gofal Iechyd)
David Britton (Ysgrifennu Creadigol)
Francesca Rhydderch (Ysgrifennu Creadigol)
Chris Pak (Llenyddiaeth Saesneg)
Clive Weston (Ysgol Feddygaeth)
Brigid Haines (Ieithoedd Modern)
Alan Bilton (Ysgrifennu Creadigol)
Roberta Magnani (Llenyddiaeth Saesneg)
Gemma Almond

Aelodau Emeritws:

Liz Herbert McAvoy (Llenyddiaeth Saesneg)

Trish Skinner (Hanes)

Cymdeithion Ymchwil Anrhydeddus:

Theresa Tyers (Hanes Meddygol / Llenyddiaeth Saesneg)

Cyhoeddiadau Academaidd

Dr Laura Kalas

*Enw*	Disgrifiad
Margery Kempe’s Spiritual Medicine: Suffering, Transformation and the Life-Course (Cambridge: D.S. Brewer, 2020)	Yr astudiaeth dyniaethau meddygol lawn gyntaf o’r fenyw weledigaethol ganoloesol, Margery Kempe, wedi’i strwythuro o amgylch cwrs bywyd. Mae’r monograff hwn yn archwilio nodweddion meddygol ac ymgorfforedig ysbrydolrwydd Kempe, gan ddadlau dros ei hymwneud gweithredol â thrafodaethau o’r fath a’i gweithrediadau rhyweddol fel ‘dirprwy poen’.
‘The Swetenesse of Confection: A Recipe for Spiritual Health in London, British Library, Additional MS 61823, The Book of Margery Kempe’, Studies in the Ages of Chaucer, 40 (2018), 155-90.	Mae’r erthygl hon yn datgelu deunydd archifol newydd ar ffurf rysáit sydd wedi pylu o lawysgrif ganoloesol ‘The Book of Margery Kempe’. Mae’r rysáit yn cael ei thrawsgrifio am y tro cyntaf, gan ddefnyddio technoleg delweddu amlsbectrol. Mae’r erthygl yn defnyddio cynnwys y ryseitiau, fel losin neu cwmffets meddyginiaethol, fel trosiad ar gyfer ‘gyffaith’ Kempe gyda Duw, yng nghyd-destun syniadau defosiynol a synhwyraidd canoloesol o felyster ac iachâd.
'Foreword' to Journal Special Issue: 'Gender, Science, and the Natural World: Essays on Medieval Literature from the 2020 Gender and Medieval Studies Conference', ed. Linda Mitchell and Daisy Black, Medieval Feminist Forum: A Journal of Gender and Sexuality, 58:1 (2022), 7-9	Mae’r argraffiad arbennig o’r cyfnodolyn hwn yn deillio o gynhadledd 2020 ym Mhrifysgol Abertawe a drefnwyd gan Dr Laura Kalas ar ‘Rywedd, Gwyddoniaeth a’r Byd Naturiol’. Cyhoeddiad arall a gynhyrchwyd o’r gynhadledd yw Gender and the ‘Natural’ Environment in the Middle Ages, gol. Patricia Skinner a Theresa Tyers (Caerdydd: Gwasg Prifysgol Cymru, 2023), yr ysgrifennodd Dr Kalas y Rhagair iddo hefyd.
‘Embodying Medieval Holy Women: Science, Technology and Medicine’, in Women in Christianity in the Medieval Age, 1000-1500, ed. by Laura Kalas and Roberta Magnani (London and New York: Routledge, forthcoming)	Mae’r bennod hon, o gasgliad o draethodau a gyd-olygwyd gan Laura Kalas hefyd, yn archwilio’r sut y cafodd cyrff menywod eu hystyried, eu hysgrifennu a’u haddasu yn yr Oesoedd Canol.

Dr Michael Bresalier

*Enw*	Disgrifiad
Modern Flu: British Medical Science and the Viralisation of Influenza, 1890-1950 (Palgrave Macmillan, 2023).	Yr astudiaeth systematig gyntaf o fframio’r ffliw fel clefyd firaol a sut y gwnaeth gwybodaeth firolegol ail-lunio polisïau ac arferion meddygol, epidemiolegol ac iechyd cyhoeddus ddechrau’r ugeinfed ganrif.
Animals and the Shaping of Modern Medicine: One Health and its Histories (Palgrave 2018) with A. Woods, A. Cassidy, R. Mason Dentinger.	Mae’r llyfr hwn yn torri tir newydd trwy leoli anifeiliaid a’u clefydau wrth wraidd meddygaeth fodern. Wrth ddangos eu harwyddocâd hanesyddol fel pynciau a llunwyr meddygaeth, mae’n cynnig dealltwriaeth bwysig o fywydau anifeiliaid yn y gorffennol, ac yn datgelu bod yr hyn a ystyriwn yn feddygaeth ‘ddynol’ yn hynod o sŵolegol mewn gwirionedd.
‘From healthy cows to healthy humans: Integrated approaches to world hunger, 1930-65’, in A. Woods, M. Bresalier, A. Cassidy and R. Mason Dentinger Animals and the Shaping of Modern Medicine: One Health and its Histories (Palgrave, 2018)	Mae’r bennod hon yn archwilio sut y daeth gwartheg llaeth heintiedig heb faeth digonol i gael eu hystyried yn achos, ac yn ateb i, newyn yn “y byd sy’n datblygu”. Mae’n archwilio sut y cafodd gwyddoniaeth faethol a meddygaeth filfeddygol eu defnyddio i fynd i’r afael ag argyfwng bwyd y byd ac, wrth wneud hynny, yn cysylltu cyrff dynol a gwartheg. Wedi’u hymrestru gan y Cenhedloedd Unedig a’i asiantaethau mewn ymgyrchoedd yn erbyn newyn a diffyg maeth, gwartheg oedd ffocws y strwythurau iechyd newydd i wella eu cynhyrchiant. Daeth arbenigwyr mewn meddygaeth ddynol a milfeddygol a gwyddor amaethyddol at ei gilydd i gynllunio a threfnu ymyriadau a fyddai’n creu cyrff buchol newydd ac arbenigwyr newydd i gefnogi eu rôl wrth wella iechyd a maeth dynol.

Dr Lisa Smithstead

*Enw*	Disgrifiad
Smithstead, L. (2022). ‘There’s more to middle age than a saggy belly’: gender, ageing, and agency in Kate Winslet’s post Weinstein star image. Celebrity Studies, https://doi.org/10.1080/19392397.2022.2157296

Yr Athro Owen Sheers

*Enw*	Disgrifiad
To Provide All People, a film-poem to mark the 70th anniversary of the NHS, broadcast on the BBC in 2018.	Roedd y ffilm farddonol hon, gyda Michael Sheen, Tamsin Grieg, Martin Freeman a Meera Syal yn ddrama deledu arloesol a gomisiynwyd i ddathlu 70 mlynedd ers sefydlu’r GIG. Mae’n olrhain map emosiynol ac athronyddol yr hyn sy’n diffinio’r GIG a’r profiadau personol sydd wrth wraidd y gwasanaeth; o gleifion i lawfeddygon, porthorion i fydwragedd.
he Two Worlds of Charlie F, a play about wounded and injured service personnel (2012)	Cafodd drama ‘The Two Worlds of Charlie F’ ei hysgrifennu gan Owen Sheers a’i chyfarwyddo gan Stephen Rayne, ac mae’n seiliedig ar brofiadau aelodau clwyfedig o’r lluoedd arfog, sef y rhan fwyaf o’r cast hefyd. Ariannwyd y ddrama, a gynhyrchwyd gan Alice Driver o gwmni theatr Masterclass ar gyfer y Theatre Royal Haymarket, gan y Lleng Brydeinig Frenhinol. Darlledwyd rhaglen arbennig gan BBC One Imagine am greu’r ddrama ym mis Mehefin 2012. Yn ystod haf 2012, aeth Bravo 22 Company ar daith gyda chynhyrchiad o ‘The Two Worlds of Charlie F’ i theatrau ym mhob cwr o’r DU. Enillodd ‘The Two Worlds of Charlie F[ Bravo 22 Company, wobr o fri ‘Freedom of Expression Award’ Amnesti Rhyngwladol yng Ngŵyl Ymylol Caeredin 2012.

Dr Ryan Sweet

*Enw*	Disgrifiad
“Toothy Tales: Dentures in the Writings of H. Rider Haggard and Rudyard Kipling.” Cultures of Oral Health, edited by Barry J. Gibson and Claire L. Jones, Routledge, 2022, pp. 83–95.	Mae’r traethawd hwn yn ymchwilio i’r defnydd cyfoethog o ddefnyddwyr dannedd ffug yng ngweithiau H Rider Haggard a Rudyard Kipling ar ddiwedd y bedwaredd ganrif ar bymtheg a dechrau’r ugeinfed ganrif. Mae’n dadlau bod gweithiau Haggard a Kipling yn darparu sylwebaethau metonymig ar addasrwydd ac ymarferoldeb dannedd ffug wrth ddefnyddio eu hyblygrwydd symbolaidd fel dyfeisiau i berfformio amrywiaeth o rolau, comedi ysgogol, myfyrdod personol, sylwebaeth gymdeithasol, a chwilfrydedd grotesg.
Prosthetic Body Parts in Nineteenth-Century Literature and Culture, Palgrave Macmillan, 2022.	Mae’r llyfr mynediad agored hwn yn ymchwilio i syniadaeth am freichiau neu goesau, llygaid, gwallt a dannedd artiffisial mewn ffynonellau llenyddol a diwylliannol Prydeinig ac Americanaidd o’r bedwaredd ganrif ar bymtheg a dechrau’r ugeinfed ganrif. Mae ‘Prosthetic Body Parts in Nineteenth-Century Literature and Culture’ yn dangos sut roedd portreadau o brosthesisau yn cymhlethu’r status quo corfforol cyfoes, a oedd yn mynnu ymddangosiad o gyfanrwydd corfforol yn gynyddol.
“Physical ‘Wholeness’ and ‘Incompleteness’ in Victorian Prosthesis Narratives.” Literature and Medicine in the Nineteenth Century, edited by Clark Lawlor and Andrew Mangham, Cambridge University Press, 2021, pp. 230–246.	Mae’r traethawd hwn yn ymchwilio i sut a pham y daeth “cyfanrwydd” corfforol yn amlwg yn ddiwylliannol yn y bedwaredd ganrif ar bymtheg, a sut y bu cynrychioliadau llenyddol o brostheteg yn ymwneud â’r hegemoni hwn. Gan ddefnyddio dwy astudiaeth achos ffuglennol sy’n cynrychioli defnyddwyr llaw artiffisial, "Lady Letitia’s Lilliput Hand" (1862) gan y bardd, y nofelydd, a’r dramodydd Saesneg Robert Williams Buchanan a "Prince Rupert’s Emerald Ring" (1895), awdur straeon byrion llai adnabyddus T. Lockhart mae’n dadlau bod cynrychioliadau llenyddol o brosthesisau yn aml yn ategu ac yn cymhlethu hegemoni “cyfanrwydd” corfforol ar yr un pryd.
“Pirates and Prosthetics: Manly Messages for Managing Limb Loss in Victorian and Edwardian Adventure Narratives.” The Victorian Male Body: The Diverse Embodiment of White Masculinity in the Nineteenth Century, edited by Joanne Parsons and Ruth Heholt, Edinburgh University Press, 2018, pp. 87–107.	Mae’r traethawd hwn yn ymchwilio i gymdeithas ddiwylliannol gyffredin môr-ladron a phrostheteg. Wrth olrhain gwreiddiau llenyddol y cysylltiad hwn, mae’n dadlau bod straeon dychmygol enwog o’r bedwaredd ganrif ar bymtheg a dechrau’r ugeinfed ganrif am fôr-ladron sydd wedi cael trychiad fel Long John Silver o ‘Treasure Island’ Robert Louis Stevenson (1881-82) a Captain Hook o ‘Peter Pan’ (1904), wedi cyflwyno’r cymeriadau hyn fel rôl fodelau i bobl anabl gorwrywaidd o fewn diwylliant a oedd yn rhoi bri ar agwedd “paid ag ildio”.
“‘Get the best article in the market’: Prostheses for Women in Nineteenth-Century Literature and Commerce.” Rethinking Modern Histories of Prostheses in Anglo-American Commodity Cultures, 1850–1960, edited by Claire L. Jones, Manchester University Press, 2017,pp. 114–136.	Mae’r traethawd hwn yn dangos sut roedd ysgrifennu ffuglennol yn elfen allweddol o ddisgwrs prosthesis y bedwaredd ganrif ar bymtheg, a oedd yn rhoi cyngor ymarferol i’w ddarllenwyr ar y mathau o brosthesis y dylid eu hosgoi at ddibenion cymdeithasol a swyddogaethol. Mae hefyd yn archwilio’r negeseuon penodol ar sail rhywedd am y math o brosthesis a’r defnydd a gyflëwyd trwy hysbysebion ac ysgrifennu llenyddol.

Dr Helen Yu

*Enw*	Disgrifiad
Yu, H. (2016). Redefining Responsible Research and Innovation for the Advancement of Biobanking and Biomedical Research, OXFORD JOURNAL OF LAW AND BIOSCIENCES, 3(3), 611-635
Yu H. (2018). The European Open Science Cloud and Commercialization, NATURE BIOTECHNOLOGY, 36, 1133-1134
Gerke, S., Minssen, T., Yu, H. and Cohen, I.G. (2019). A Smart Pill to Swallow: Ingestible Electronic Sensors, Cutting Edge Medicine, and Their Legal and Ethical Issues, NATURE ELECTRONICS, 1-6
Yu, H. (2021). Digital Health Technologies Under the New EU Medical Devices Regulation: Monitoring and Governing Intended vs Actual Use, BMJ INNOVATIONS, 7, 637-641
Yu, H. (2021). Responsible Use of Negative Research Outcomes – Accelerating the Discovery and Development of New Antibiotics, NATURE JOURNAL OF ANTIBIOTICS, 1-4

Myfyrwyr PhD sydd wedi cymryd rhan yn MHRC:

Myfyriwr PhD	Teitl	Crynodeb
Geraldine Gnych	Gender, Authority and the Mouth in Western Medieval Culture, 1100-1500	Nod y traethawd ymchwil hwn yw datgelu’r ffyrdd y gellir defnyddio’r geg i ddangos neu danseilio awdurdod, a sut y gall agweddau ar rywedd ddylanwadu ar y ffordd y mae’r geg ddynol yn cael ei chyflwyno a’i defnyddio mewn diwylliant canoloesol. Mae’r traethawd ymchwil yn canolbwyntio ar Orllewin Ewrop rhwng 1100 a 1500, gan ystyried deunydd ffynhonnell o bob rhan o drafodaethau gwahanol, gan gynnwys crefyddol, meddygol, llenyddol, artistig ac athronyddol. Mae’r traethawd ymchwil yn dilyn ei ymchwiliad drwy leferydd, harddwch, erchyllter, iacháu a chanu. Goruchwylwyr: Dr Laura Kalas a’r Athro David Turner
Megan Blackford	‘Pandemic Preparedness in Neoliberal Britain, 1980-2009’.	Astudiaeth hanesyddol hirdymor o bolisïau a chynllunio parodrwydd pandemig, o ddyfodiad HIV/AIDS i bandemig ffliw “moch” 2009. Goruchwylwyr: Dr Michael Bresalier
Milo Coffey	(ESRC DTP Studentship), Investigating lay understanding of medical terminology	Bydd yr astudiaeth hon yn gwella dealltwriaeth o’r graddau y gall pobl leyg ddeall termau meddygol, a bydd yn ymchwilio i ba ffactorau sy’n bwysig wrth benderfynu ar hyn. Mae astudiaethau blaenorol wedi mynd i’r afael â’r mater cyntaf, ond ychydig sydd wedi mynd i’r afael â’r olaf. Efallai bod hyn oherwydd bod llawer o’r llenyddiaeth bresennol wedi’i chyflawni o safbwynt meddygol yn hytrach na safbwynt ieithyddol. Bydd yr astudiaeth hon yn cyfuno dulliau sefydledig ar gyfer asesu dealltwriaeth lleyg o dermau meddygol â rhai newydd gan fanteisio ar ymchwil gyfredol mewn semanteg eirfaol. Y nod yw lleihau camddealltwriaeth mewn cyfathrebu meddygol a gwella dealltwriaeth cleifion o’u cyflyrau a’u triniaethau, gan arwain at ganlyniadau gwell yn sgil hynny. Goruchwylwyr: Dr Tess Fitzpatrick and Dr Alexia Bowler

Myfyriwr PhD

Teitl

Crynodeb

Geraldine Gnych

Gender, Authority and the Mouth in Western Medieval Culture, 1100-1500

Nod y traethawd ymchwil hwn yw datgelu’r ffyrdd y gellir defnyddio’r geg i ddangos neu danseilio awdurdod, a sut y gall agweddau ar rywedd ddylanwadu ar y ffordd y mae’r geg ddynol yn cael ei chyflwyno a’i defnyddio mewn diwylliant canoloesol. Mae’r traethawd ymchwil yn canolbwyntio ar Orllewin Ewrop rhwng 1100 a 1500, gan ystyried deunydd ffynhonnell o bob rhan o drafodaethau gwahanol, gan gynnwys crefyddol, meddygol, llenyddol, artistig ac athronyddol. Mae’r traethawd ymchwil yn dilyn ei ymchwiliad drwy leferydd, harddwch, erchyllter, iacháu a chanu.

Goruchwylwyr: Dr Laura Kalas a’r Athro David Turner

Megan Blackford

‘Pandemic Preparedness in Neoliberal Britain, 1980-2009’.

Astudiaeth hanesyddol hirdymor o bolisïau a chynllunio parodrwydd pandemig, o ddyfodiad HIV/AIDS i bandemig ffliw “moch” 2009.

Goruchwylwyr: Dr Michael Bresalier

Milo Coffey

(ESRC DTP Studentship), Investigating lay understanding of medical terminology

Bydd yr astudiaeth hon yn gwella dealltwriaeth o’r graddau y gall pobl leyg ddeall termau meddygol, a bydd yn ymchwilio i ba ffactorau sy’n bwysig wrth benderfynu ar hyn. Mae astudiaethau blaenorol wedi mynd i’r afael â’r mater cyntaf, ond ychydig sydd wedi mynd i’r afael â’r olaf. Efallai bod hyn oherwydd bod llawer o’r llenyddiaeth bresennol wedi’i chyflawni o safbwynt meddygol yn hytrach na safbwynt ieithyddol. Bydd yr astudiaeth hon yn cyfuno dulliau sefydledig ar gyfer asesu dealltwriaeth lleyg o dermau meddygol â rhai newydd gan fanteisio ar ymchwil gyfredol mewn semanteg eirfaol. Y nod yw lleihau camddealltwriaeth mewn cyfathrebu meddygol a gwella dealltwriaeth cleifion o’u cyflyrau a’u triniaethau, gan arwain at ganlyniadau gwell yn sgil hynny.

Goruchwylwyr: Dr Tess Fitzpatrick and Dr Alexia Bowler

Ein Newyddion a Digwyddiadau

Archwilio cysyniadau meddygol-ddiwylliannol o harddwch ar gyfer rhaglen The Idea BBC Radio Wales

Ym mis Mawrth 2023 fe wnaeth MHRC gyd-noddi sgwrs gyhoeddus gan Dr Laura Kalas o’r enw ‘Weaponising Beauty in the Middle Ages and Now’. Roedd y sgwrs yn archwilio syniadau am harddwch, lles a thrais, mewn cydweithrediad â rhaglen BBC Radio Wales, The Idea, a ddarlledwyd ym mis Ebrill 2023. Dilynwyd hyn gan erthygl gan Laura Kalas yn The Conversation, oedd yn trin a thrafod syniadau tebyg am agweddau modern a chanoloesol tuag at safonau a lles harddwch.

https://theconversation.com/beauty-ideals-were-as-tough-in-the-middle-ages-as-they-are-now-203751

Llyfr newydd Michael Bresalier!

Modern Flu: British Medical Science and the Viralization of Influenza, 1890-1950 Dyma’r hanes systematig cyntaf o sut y cafodd ffliw ei fframio fel clefyd firaol a sut wnaeth ffyrdd firolegol o wybod ail-siapio’r dulliau o reoli’r clefyd drwy’r ugeinfed ganrif.

Mwy gwybodaeth: https://link.springer.com/book/10.1057/978-1-137-33954-6

Arbenigwr i ymchwilio i hanes brechiadau TB fel rhan o brosiect ymchwil gofal iechyd mawr

Bydd hanesydd o Brifysgol Abertawe'n gwneud cyfraniad allweddol at brosiect sydd am ddefnyddio arbenigedd yn y dyniaethau a'r gwyddorau cymdeithasol er mwyn helpu i gynnwys lleisiau cleifion mewn ymchwil ac ymarfer gofal iechyd.

Bydd Dr Michael Bresalier, o'r Adran Hanes, Treftadaeth a'r Clasuron, yn gweithio mewn partneriaeth ag academyddion ym Mhrydain a'r Eidal ar y prosiect rhyngddisgyblaethol chwe blynedd o hyd, y dyfarnwyd grant gwerth £2.8m iddo gan Ymddiriedolaeth Wellcome.

Gwobrau a’n Grantiau

Grant Ymddiriedolaeth Wellcome (£2.8 miliwn) ar gyfer Epistemic Injustice in Healthcare (EPIC)

Mae’r bartneriaeth hon rhwng ymchwilwyr yn Abertawe, Bryste, Nottingham, Birmingham a phrifysgolion Ferrara a Bologna yn astudio sut mae gwahaniaethau mewn gwybodaeth gofal iechyd yn effeithio ar brofiadau iechyd, lles a chanlyniadau. Mae anghyfiawnder epistemig yn fframwaith ar gyfer archwilio sut y gall gwahaniaethau yn y wybodaeth sydd gan bobl neu maent yn ei chyfathrebu wrth negodi iechyd neu salwch (gan gynnwys brechu) gael eu heffeithio gan eu cefndir dosbarth, rhyw, ethnigrwydd, ac ati, a gall effeithio ar benderfyniadau a chanlyniadau gofal iechyd. Er enghraifft, mae rhai cleifion a chymunedau wedi dweud bod eu tystiolaethau a’u safbwyntiau’n cael eu hanwybyddu, eu diystyru, neu eu bychanu gan y proffesiwn gofal iechyd. Gellir dosbarthu’r profiadau hyn fel ‘anghyfiawnderau epistemig’ oherwydd, mewn rhai achosion, maen nhw’n seiliedig ar ragfarn a gallant beryglu gofal cleifion a thanseilio ymddiriedaeth mewn staff a systemau gofal iechyd.

http://epicproject.org.uk/

Canolfan Therapi ac Imiwnoleg Uwch Canolbarth Ewrop

Mae Dr Helen Yu yn bartner strategol PI ar y gyfraith, polisi a rheolaeth strategol ar brosiect canolfan ragoriaeth ryngwladol a rhyngddisgyblaethol a ariennir gan Horizon Europe, o’r enw Canolfan Therapi ac Imiwnoleg Uwch Canolbarth Ewrop (Central European Advanced Therapy and Immunology Centre), gan gynnwys partneriaid o Ysgol Feddygaeth Prifysgol Masaryk, Sefydliad Imiwnoleg Prifysgol Leipzig, Sefydliad Fraunhofer ar gyfer Therapi Celloedd ac Imiwnoleg, a Chyfadran y Gyfraith Prifysgol Copenhagen.

Cyfanswm y grant: €15 miliwn

Towards better computational approaches and responsible innovation strategies in early drug discovery

Mae Dr Helen Yu yn PI ar agwedd Ymchwil Gyfrifol ac Arloesi prosiect pedair blynedd rhyngddisgyblaethol, a ariennir gan Gyngor Ymchwil Norwy, Rhaglen BIOTEK 2021, Canolfan Bywyd Digidol Norwy, o’r enw ‘Tuag at ddulliau cyfrifiannol gwell a strategaethau arloesi cyfrifol wrth ddarganfod cyffuriau yn gynnar – sy’n berthnasol i wrthfiotigau a COPD’.

Cyfanswm y grant: NOK 20 miliwn

Collaborative Research Program in Biomedical Innovation Law

Dr Helen Yu yw’r ymchwilydd a’r Cyfarwyddwr Cyswllt sy’n gyfrifol am reoli prosiect ymchwil rhyngwladol pedair blynedd a ariennir gan Sefydliad Novo Nordise, o’r enw Rhaglen Ymchwil Gydweithredol mewn Cyfraith Arloesi Biofeddygol ar yr heriau cyfreithiol a moesegol o drawsnewid darganfyddiadau biofeddygol yn ddulliau arloesol. Ymhlith y partneriaid oedd Canolfan Petrie-Flom yn Ysgol y Gyfraith Harvard; y Rhaglen ar Reoleiddio, Therapiwteg a’r Gyfraith yn Ysgol Feddygol Harvard; Canolfan y Gyfraith, Meddygaeth a Gwyddorau Bywyd ym Mhrifysgol Caergrawnt; Ysgol y Gyfraith Prifysgol Michigan; Adran Economeg Bwyd ac Adnoddau Prifysgol Copenhagen; Cyfadran y Gyfraith ym Mhrifysgol Copenhagen

Cyfanswm y grant: DKK 35 miliwn

Richard Fern: Maternal And Pregnancy Health and Elevated Heat (MAGENTA): Ymddiriedolaeth Wellcome (£2.2m dros dair blynedd)

Mae Magenta yn brosiect trawsddisgyblaethol cysylltu data a samplu biolegol sy’n edrych ar effeithiau newid hinsawdd – yn enwedig tonnau gwres – ar iechyd mamau mewn cymunedau difreintiedig yn y DU. Mae’n adlewyrchu sawl astudiaeth arall mewn gwledydd eraill. Fel ysgolhaig y dyniaethau a’r gwyddorau cymdeithasol sy’n arbenigo yn y cyfryngau a chysylltiadau cyhoeddus, mae Dr Richard Fern yn edrych ar sut y gall pobl – rhieni yn yr achos hwn – gael eu grymuso i weithredu yn y maes cyhoeddus. Nod effaith ymchwil Dr Rhen yw mesur lefel y cyfranogiad mewn trafodaethau gwleidyddol ar newid hinsawdd yn gyntaf, ac yna datblygu cyfres o weithdai a fydd yn rhoi’r sgiliau i’r rhai sy’n bresennol i siarad â’r gwleidyddion, y cyfryngau newyddion, y rhai mewn grym ac eraill yn y maes cyhoeddus. Rydym yn gweithio gyda nifer o grwpiau fel bydwragedd, cyd-ysgolheigion yn UCL, grwpiau cymunedol ac Ymddiriedolaeth Wellcome.

Inclusive Board Game Project: AHRC Impact Acceleration

Nod "Inclusive Board Game Project" (Awst 2023-Awst 2024) Dr Ryan Sweet a ariannwyd gan Impact Acceleration Account AHRC yw creu gêm bwrdd gynhwysol wedi’i hysbrydoli gan ganfyddiadau ei lyfr ‘Prosthetic Body Parts in Nineteenth-Century and Culture’ a gyhoeddwyd yn 2022. Ail nod y prosiect yw creu cyfres o ganllawiau hygyrchedd ar gyfer dylunwyr a chyhoeddwyr gemau bwrdd. Er mwyn cyflawni’r nodau hyn, mae Dr Sweet yn cydweithio â’r cwmni gemau Focus Games Ltd a grŵp ffocws sy’n cynnwys aelodau o’r gymuned anabl (gan gynnwys unigolion a nodwyd trwy Celfyddydau Anabledd Cymru a’r Amputation Foundation).

Cyllid efrydiaeth PhD CDP4 gan AHRC

Mae tîm goruchwylio cydweithredol, sy’n cynnwys yr Athro David Turner a Dr Ryan Sweet o Brifysgol Abertawe a Manon Foster Evans a Lorena Troughton o’r Llyfrgell Genedlaethol, wedi sicrhau cyllid efrydiaeth PhD CDP4 llawn gan AHRC ar gyfer prosiect o’r enw "Y Celfyddydau, Gweithredu a Hygyrchedd: Celfyddydau Anabledd yng Nghymru, 1980 hyd heddiw". Bydd yr efrydiaeth yn cael ei hysbysebu ddiwedd gwanwyn 2024, a’r ymgeisydd llwyddiannus yn dechrau ym mis Medi 2024.

Cyllid RWIF (£14,924): Healthcare communication and health literacy (2021)

Nod eang y prosiect oedd mynd i’r afael â llesiant a hyder iechyd, a hyrwyddo ymgysylltiad effeithlon a phriodol â gwasanaethau gofal iechyd statudol. Yn benodol, roedd y prosiect yn archwilio dulliau o gyfathrebu a llythrennedd iechyd, trwy gynyddu effeithiolrwydd cyfathrebu ysgrifenedig a llafar mewn gwasanaethau cleifion allanol sydd dan bwysau. Gweithiodd tîm y prosiect gyda gweithwyr meddygol proffesiynol i graffu ar negeseuon cyfathrebu iechyd a’u diwygio gan gynnwys

Cyfathrebu ar bapur: canolbwyntio ar wybodaeth cleifion a ddosberthir o Uned Mân Anafiadau, Ysbyty Castell-nedd Port Talbot; asesu dealltwriaeth a dehongliad cyffredinol y cyhoedd o wybodaeth (yn adeiladu ar waith prosiect lleoliad gan Rabin a Davies, 2019)
Cyfathrebu ar lafar: canolbwyntio ar eiriau ac ymadroddion a ddefnyddir mewn ymgynghoriadau canser; nodi geiriau ac ymadroddion sydd â risg uchel o gamddehongli (yn adeiladu ar gasgliad data peilot gan Fitzpatrick, 2018)

Canolfan Ymchwil y Dyniaethau Meddygol (MHRC)

Mae Canolfan Ymchwil y Dyniaethau Meddygol (MHRC) yn meithrin ymchwil ar draws y maes y dyniaethau meddygol.

Ein Prosiectau

Pobl

Cyd-gyfarwyddwr

Cyd-gyfarwyddwr

Cyhoeddiadau Academaidd

Myfyrwyr PhD sydd wedi cymryd rhan yn MHRC:

Ein Newyddion a Digwyddiadau

Gwobrau a’n Grantiau

Cysylltu â Chanolfan Ymchwil y Dyniaethau Meddygol

Diddordeb mewn Rhaglenni Ymchwil Ôl-raddedig?