Sut i gysylltu cyfrifiadur Windows 10 i'r rhwydwaith Eduroam
Mae'r gwasanaeth wi-fi yn galluogi aelodau'r Brifysgol i gysylltu â rhwydwaith y Brifysgol a'r rhyngrwyd wrth ddefnyddio cyfrifiaduron a dyfeisiau personol ar draws gampysau a lletyau'r Brifysgol.
Mae'r canllaw hwn yn cynnwys cyfarwyddiadau ar gyfer cysylltu cyfrifiadur Windows â rhwydwaith diwifr eduroam.
Yn gyntaf dylech osod tystysgrif Prifysgol Abertawe.
Bydd angen cysylltu eich dyfais i'r rhwydwaith SwanseaUni-Setup er mwyn cael y dystysgrif.
![Windows 10 list of Wi-Fi networks with the SwanseaUni-Setup network highlighted](/media/Setup-Wi-Fi-menu.png)
Lawrlwythwch a gosodwch y dystysgrif:
1. De-gliciwch ar y ddolen isod, a dewiswch yr opsiwn 'Save link as' i gadw'r ffeil i'ch cyfrifiadur
Tystysgrif Prifysgol Abertawe - DER (Fformat deuaidd)
2. Ewch i'r lleoliad ar eich cyfrifiadur le rydych wedi cadw'r dystysgrif, a dwbl-gliciwch y ffeil 'swansea-ca.der'
3. Cliciwch y botwm i osod y dystysgrif
![The certificate Information window](/media/Certificate-Information.png)
4. Agorwch y ffeil
![The Open File Security Warning window](/media/Open-File-Security-Warning.png)
5. Dewiswch yr opsiwn ar gyfer peiriant lleol, a chliciwch y botwm 'Nesaf'
![The Certificate Import Wizard Window with Local Machine Highlighted](/media/Certificate-Import-Wizard-Window.png)
6. Dewiswch yr opsiwn i 'osod yr holl dystysgrifau yn y stôr canlynol'
7. Cliciwch y botwm i bori i'r stôr dystysgrifau o’r enw 'Trusted Root Certification Authorities'
8. Cliciwch y botwm 'Nesaf'
![The Certificate Import Wizard Window showing the store where the certificate is to be kept within the device.](/media/Certificate-Import-Wizard-Window-2.png)
9. Cliciwch i orffen
![The Certificate Import Wizard Window showing the finish option.](/media/Certificate-Import-Wizard-Window-3.png)
Ffurfweddu Eduroam
Nesaf bydd angen ffurfweddu'r cysylltiad ag eduroam, yn ôl y cyfarwyddiadau isod:
1. Agorwch flwch chwilio Windows trwy wasgu'r fysell Windows, neu trwy glicio'r eicon Windows yng nghornel chwith gwaelod y sgrin. Chwiliwch am 'Control Panel' a dewiswch yr opsiwn o'r ddewislen.
![A windows search for Control Panel.](/media/Control-Panel-Search.png)
2. Cliciwch yr opsiwn ar gyfer 'Rhwydwaith a Rhyngrwyd', ac ar y sgrin nesaf cliciwch yr opsiwn ar gyfer y 'Ganolfan Rhannu a Rhwydwaith.'
![The Control Panel home Screen Window with Network and Internet Highlighted.](/media/Control-Panel-home-Screen.png)
3. Wedi i'r Ganolfan Rhannu a Rhwydweithiau ymddangos, cliciwch yr opsiwn i 'osod rhwydwaith neu gysylltiad newydd i fyny.
![The Set up a new connection or network option highlighted.](/media/Set-up-a-new-connection.png)
4. Dewiswch yr opsiwn i gysylltu â rhwydwaith diwifr a llaw, fel y gweler isod:
![The Set up a new connection window with Manually connect to a wireless network highlighted.](/media/Set-up-a-new-connection-Window.png)
5. Bydd nawr angen mewnbynnu gwybodaeth ar gyfer y cysylltiad.
6. Mewnbynnwch 'eduroam' ar gyfer enw'r rhwydwaith.
7. Dewiswch 'WPA2 Enterprise' ar gyfer y fath o ddiogelwch.
8. Dewiswch 'AES' ar gyfer y fath o amgryptio.
9. Nawr cliciwch y botwm 'Nesaf.'
![The Manually connect to a wireless network window with the network information filled in.](/media/Enter-information-for-the-wireless-network.png)
10. Cliciwch yr opsiwn i 'Newid cysodiadau'r cysylltiad.'
![The Manually connect to a wireless network window with the change connection settings option.](/media/Change-connection-settings.png)
11. Sicrhewch fod yr opsiwn i 'Gysylltu'n awtomatig pan bod y rhwydwaith hwn o fewn cyrhaeddiad' wedi'i thicio.
12. Nawr, cliciwch ar y tab 'Diogelwch.'
![The eduroam Wireless Network Properties window.](/media/eduroam-Wireless-Network-Properties.png)
13. Sicrhewch fod y 'modd dilysu'r rhwydwaith' wedi'i osod i 'Microsoft: Protected EAP (PEAP).'
14. Sicrhewch fod y blwch ar gyfer cofio'ch credlythyrau defnyddiwr wedi'i thicio.
![eduroam Wireless Network Properties security tab with the settings button highlighted.](/media/eduroam-Wireless-Network-Properties-security.png)
15. Nawr cliciwch ar y botwm 'Cysodiadau'.
16. Sicrhewch fod yr opsiwn i 'Ddilysu'r gweinydd trwy wirio'r dystysgrif' wedi'i thicio.
17. Sicrhewch fod yr opsiwn i 'gysylltu â'r gweinyddion hyn' wedi'i thicio.
18. Mewnbynnwch y canlynol i mewn i'r blwch testun o dan yr opsiwn i 'gysylltu â'r gweinyddion':
radauth.swan.ac.uk;bouncer.swan.ac.uk;radius.swan.ac.uk
19. Sicrhewch fod y blwch yn erbyn 'Awdurdod Tystysgrif Prifysgol Abertawe' wedi'i thicio.
20. Sicrhewch fod yr opsiwn i 'beidio gofyn i'r defnyddiwr i awdurdodi gweinyddion neu awdurdodau tystysgrif ymddiriededig newydd' wedi'i osod.
21. Sicrhewch fod yr opsiwn i 'galluogi preifatrwydd adnabod' heb ei thicio.
22. Nawr cliciwch ar y botwm 'Ffurfweddu.'
23. Sicrhewch fod yr opsiwn i 'ddefnyddio fy enw mewngofnodi a chyfrinair Windows yn awtomatig' heb ei thicio.
24. Nawr cliciwch 'OK.'
25. Cliciwch 'OK' eto.
26. Cliciwch ar 'Cysodiadau uwch'.
27. Sicrhewch fod yr opsiwn i 'nodi'r modd ddilysu' wedi'i thicio.
28. Toglwch y gwymplen i'r opsiwn 'dilysiad defnyddiwr.'
29. Cliciwch ar y botwm i 'cadw'ch credlythyrau'.
30. Yn y ffenest mewngofnodi sy'n ymddangos, mewnbynnwch eich cyfeiriad e-bost y Brifysgol a'ch cyfrinair, a chliciwch 'OK'.
31. Cliciwch 'OK', cliciwch 'OK eto, a chliciwch 'OK' am y trydydd tro i gau'r ffenestri 'Priodweddau'r Rhwydwaith.'
32. Cliciwch ar y botwm 'Cau' i gau'r ffenest 'cysylltu â rhwydwaith diwifr a llaw.'
33. Agorwch eich rhestr o'r rhwydweithiau WiFi sydd ar gael, a chysylltwch ag eduroam.