Corau

Mae Cymdeithas Gorawl Prifysgol Abertawe yn cynnal côr deinamig, cyfeillgar, di-glyweliad, dan gyfarwyddyd myfyrwyr, ac yn canu ystod eang o gerddoriaeth. Maent yn perfformio'n rheolaidd yn Abertawe – mewn cyngherddau a digwyddiadau – ac yn canu yn yr Arddangosfa Flynyddol i Fyfyrwyr yn y Neuadd Fawr. Yn 2018, aethant yn rhyngwladol, gan ganu mewn Cyngerdd Gala yn Neuadd Carnegie, Dinas Efrog Newydd, i ddathlu pen-blwydd y Kings Singers yn 50 oed.

Dyma Gôr Sioe sy'n cyd-ganu, yn dawnsio, ac sydd wedi ennill gwobrau lu. Mae’n perfformio ystod o ganeuon, o bop a roc i theatr gerdd, gyda thraciau cefnogi, cerddoriaeth fyw ac acapella hyd yn oed. Ynghyd â dwy sioe flynyddol, yr uchafbwynt yw cystadleuaeth genedlaethol Meistri’r Corau Sioe, a enillodd Gôr Sioe Prifysgol Abertawe yn 2016.

Mae'r Gymdeithas Gorawl hefyd yn cynnal Côr Siambr llai: daw aelodaeth o'r prif gôr trwy glyweliad/gwahoddiad. Acapella yw repertoire y côr yn bennaf, ac fe'i dewisir o bob rhan o'r canrifoedd. Mae’r Côr Siambr yn cael ei gyfarwyddo ar y cyd gan y Cyfarwyddwr Cerdd ac Arweinydd sy’n fyfyriwr.

Mae Côr Staff Prifysgol Abertawe yn gôr di-glyweliad sy'n ymarfer yn ystod amser cinio bob dydd Mercher. Am fwy o wybodaeth, cysylltwch â Catrin Harris.