YR HYN RYDYM YN EI WNEUD
Ers 30 i 40 mlynedd, mae Peirianneg Deunyddiau ym Mhrifysgol Abertawe wedi gweithio gyda Rolls-Royce. Mae gwaith ymchwil a wnaed yma wedi arwain yn uniongyrchol at ddylunio cydrannau.
Mae Canolfan Dechnoleg y Brifysgol ar gyfer Deunyddiau Rolls-Royce yn aelod allweddol o'r Bartneriaeth Ddeunyddiau â phrifysgolion Birmingham a Chaergrawnt.
Mae Rolls-Royce wedi creu canolfannau technoleg mewn prifysgolion ledled y byd, gan ymdrin â gofynion technoleg peiriannau amrywiol.
Cenhadaeth y bartneriaeth hon yw manteisio ar arbenigedd academaidd i fynd i'r afael â gofynion deunyddiau rheng flaen ar gyfer peiriannau tyrbinau nwy Rolls-Royce. Mae'r ymchwil sylfaenol hon i ddeunyddiau'n angenrheidiol er mwyn gwella effeithlonrwydd a chynaliadwyedd amgylcheddol peiriannau tyrbinau nwy.
