Gwleidyddiaeth a Pholisi Cymharol (CPP)

Ganolfan Ymchwil Gwleidyddiaeth a Pholisi Cymharol (CPP)

Mae'r Ganolfan Ymchwil Gwleidyddiaeth a Pholisi Cymharol (CPP) yn ymroddedig i astudiaeth empirig a seiliedig ar ddamcaniaeth o sefydliadau, prosesau, cyfryngwyr ac ideolegau gwleidyddol yn y Deyrnas Unedig a thu hwnt. Gan ddefnyddio amrywiaeth o ddulliau meintiol ac ansoddol, mae ei haelodau'n mynd ar drywydd ymchwil wreiddiol ar heriau cyfoes ym meysydd cyfranogiad democrataidd ac ymddiriedaeth, llywodraethu aml-lefel, technolegau digidol, amlddiwylliannaeth, ymfudo, poblyddiaeth a gwleidyddiaeth bleidiol, hawliau dynol a diogelu'r amgylchedd. Yn ogystal â galluogi cydweithredu mewnol, mae'r Ganolfan yn gwahodd siaradwyr allanol yn rheolaidd ac yn ymgysylltu ag ymarferwyr mewn llywodraeth, cymdeithas sifil a phroffesiynau amrywiol. Mae'r aelodau'n cynnwys ymchwilwyr ar bob cam o'u gyrfaoedd yn Adran Gwleidyddiaeth, Athroniaeth a Chysylltiadau Rhyngwladol Prifysgol Abertawe, yn ogystal â phartneriaid mewn sefydliadau eraill.

Yn gysylltiedig â:

Pobl

Cyd-Gyfarwyddwr

Mae Dr Dilling yn ysgolhaig gwleidyddiaeth gymharol sy'n ymchwilio i pam a sut mae pleidiau gwleidyddol yn newid a beth mae hyn yn ei olygu i gadernid democratiaeth. Mae ei ymchwil unigol a chydweithredol wedi cael ei ariannu gan, ymhlith eraill, y John Fell Fund, y Gymdeithas Ryngwladol ar gyfer Astudio Gwleidyddiaeth yr Almaen, ac Adran Gwleidyddiaeth a Chysylltiadau Rhyngwladol Prifysgol Rhydychen.

Dr Matthias Dilling

Cyd-Gyfarwyddwr

Mae Dr Dupont yn ysgolhaig ar wleidyddiaeth hil, ethnigrwydd a chrefydd. Mae'n ymchwilio i bolisi gwrth-wahaniaethu, anghydraddoldebau cyflogaeth ac addysg, a hawliadau hawliau dynol. Ymhlith prosiectau eraill, ar hyn o bryd mae'n cwblhau monograff o'r enw Anti-racism, multiculturalism and human rights, o dan gytundeb â Palgrave.

Dr Pier-Luc Dupont

Aelodau Staff

Aelodau Staff	Cefndir
Dr Dion Curry: https://www.swansea.ac.uk/cy/staff/d.s.d.curry/	Mae Dr Curry yn Athro Cyswllt mewn Gwleidyddiaeth a Pholisi Cyhoeddus, yn gweithio ar ymddiriedaeth wleidyddol, cyfreithlondeb gwleidyddol, llywodraethu, arbenigedd/cymunedau epistemig, a thechnolegau aflonyddgar. Mae hefyd yn gwasanaethu fel Arweinydd Ymchwil Ysgol Gwyddorau Cymdeithasol Abertawe a Dirprwy Arweinydd Amgylchedd yr uned ar gyfer REF'28. Ymhlith prosiectau eraill, ar hyn o bryd mae'n ymchwilio i seiliau seicolegol canfyddiadau dinasyddion o ymddiriedaeth mewn arbenigedd, gyda chefnogaeth Grant Uwchgynhadledd MASI dan arweiniad Dr Gabi Jiga-Boy (yr Ysgol Seicoleg), ac effaith a llywodraethu technoleg cadwyn flociau.
Dr Bettina Petersohn: https://www.swansea.ac.uk/cy/staff/b.petersohn/	Mae Dr Petersohn yn Uwch Ddarlithydd mewn Gwleidyddiaeth, yn gweithio ar ffederaliaeth gymharol, cydlynu rhynglywodraethol, a democratiaeth leol. Mae hi'n gwasanaethu fel Cyd-arweinydd Gweithgor Cydlynu Llorweddol IGCOORD (Cydlynu Rhynglywodraethol o Lywodraethu Lleol i Lywodraethu Ewropeaidd). Ymhlith prosiectau eraill, mae ei hymchwil ar hyn o bryd yn canolbwyntio ar gydlynu llywodraeth leol yn y DU, gan ganolbwyntio'n benodol ar y berthynas rhwng ffactorau gwleidyddol ac economaidd, homoffili gwleidyddol, a phwysau problemau. Yn ogystal, mae Dr Petersohn yn gweithio gydag ysgolheigion o'r DU ac yn rhyngwladol ar brosiect arolwg o gynghorwyr trefol yn Ewrop, gan ganolbwyntio ar eu hannibyniaeth, eu dylanwad ar bolisi a chanfyddiad y cyhoedd ar draws cyd-destunau sefydliadol.
Dr Caner Sayan: https://www.swansea.ac.uk/cy/staff/r.c.sayan/	Mae Dr Sayan yn Ddarlithydd mewn Dadansoddi Polisi sy'n arbenigo yng ngwleidyddiaeth dŵr, cyfiawnder amgylcheddol, llywodraethu dŵr a newid hinsawdd. Mae ganddo ddiddordeb arbennig mewn addasu i newid hinsawdd yn Affrica, Twrci, a'r Dwyrain Canol. Ymhlith prosiectau eraill, mae ar hyn o bryd yn gweithio ar allu tyddynwyr yn Kenya i wrthsefyll sychder a dŵr a rhanbarthiaeth yn Nalgylch Afon Ewffrates-Tigris. Mae Dr Sayan yn gwasanaethu ar bwyllgor llywio Sefydliad Ymchwil Gweithredu Hinsawdd Abertawe a Rhwydwaith Ymchwil Gweithredu Hinsawdd y Gyfadran.
Dr Kristan Stoddart: https://www.swansea.ac.uk/cy/staff/k.d.stoddart/	Mae Kristan Stoddart yn Athro Cyswllt ar gyfer Bygythiadau Seiber yn Ysgol y Gwyddorau Cymdeithasol ac mae hefyd yn gweithio gydag Ysgol y Gyfraith Hillary Rodham Clinton. Mae'n aelod o'r Prosiect ar Faterion Niwclear yn y Ganolfan Astudiaethau Strategol a Rhyngwladol yn Washington DC ac yn Gymrawd y Gymdeithas Hanesyddol Frenhinol. Yn 2022 fe'i gwnaed yn Gymrawd Cymdeithas Frenhinol y Celfyddydau (FRSA). Mae wedi cwblhau tri llyfr yn ddiweddar, gan gynnwys Cyberwar: Threats to Critical Infrastructure (Palgrave/Springer, 2022). Yn achos y ddau arall, mae’r naill yn archwilio ymosodiadau seiber Rwsia yn erbyn y Gorllewin a’r llall yn edrych ar sut mae Tsieina wedi mabwysiadu ysbïo seiber ymosodol. Yn ogystal, mae'n cymryd rhan mewn prosiect ymchwil a ariennir gan yr Undeb Ewropeaidd sy'n archwilio i ba raddau gall yr UE wrthsefyll rhyfela hybrid.
Dr Jack Tudor: https://wiserd.ac.uk/cy/people/jack-tudor-cy/	Ar ôl cwblhau ei PhD mewn Gwleidyddiaeth yn ddiweddar, mae Dr Tudor bellach yn gweithio fel Cynorthwy-ydd Ymchwil yn yr Adran Economeg ym Mhrifysgol Abertawe. Mae'n gweithio ar becyn gwaith 'Populism, Conflict, and Political Polarisation' Sefydliad Ymchwil a Data Cymdeithasol ac Economaidd Cymru (WISERD) a ariennir gan ESRC. Mae ymchwil Dr Tudor yn ceisio deall yn well natur gwallau polau pleidleisio cyn etholiad yng Nghawcasws a Chanolbarth Asia. Y tu hwnt i hyn, nod ei waith parhaus yw mapio gwallau polau pleidleisio yn fwy cywir fel ffenomen aml-lefel a dadansoddi natur pegynu gwleidyddol o amgylch uchelgeisiau Ewro-Iwerydd gwlad Georgia.
Dr Matthew Wall: m.t.wall@swansea.ac.uk	Mae Dr Wall yn Athro Cyswllt mewn Gwleidyddiaeth ac yn Bennaeth yr Adran Gwleidyddiaeth, Athroniaeth, a Chysylltiadau Rhyngwladol. Mae ei ymchwil ar wleidyddiaeth gymharol, etholiadau a barn y cyhoedd, darogan etholiadau, rhaglenni cyngor pleidleisio a systemau etholiadol. Cefnogwyd ymchwil Dr Wall gan, ymhlith eraill, Gronfa Robert Carr, yr Academi Brydeinig ac Ymddiriedolaeth Leverhulme, a Chymdeithas Ddysgedig Cymru. Mae ei brosiectau presennol yn canolbwyntio ar wleidyddiaeth ddigidol, gan gynnwys defnyddio newydd-bethau amhleidiol fel rhaglenni cyngor ar bleidleisio mewn ymgyrchoedd etholiadol, darogan etholiadau amser real, ac ymgysylltu democrataidd.

Aelodau Myfyrwyr

Myfyrwyr	Cefndir
Louis Bromfield: https://wiserd.ac.uk/people/louis-bromfield/	Mae Louis yn ymchwilydd ymgysylltu gwleidyddol, gêmeiddio, darogan gwleidyddol a chyfranogi gwleidyddol. Mae ganddo radd BA mewn Gwleidyddiaeth ac MSc mewn Cyfrifiadureg o Brifysgol Abertawe, ac mae yng nghanol proses arholi ei PhD, a ariennir gan Ysgoloriaeth Rhagoriaeth Ymchwil Prifysgol Abertawe. Yn 2022 defnyddiodd gronfa UKRI Challenges gwerth £12,932 i gynnal arbrawf maes gyda 500 o gyfranogwyr yn defnyddio ei wefan darogan ei hun. Ei nod yw parhau â'i ymchwil ar ddarogan gwleidyddol ag elfennau gêmeiddio, gyda’r nod o gynnwys mwy o etholiadau i ychwanegu at ffocws ei PhD ar Etholiadau Lleol y DU ym mis Mai 2023.
Keiron Burgess	Mae Keiron yn fyfyriwr PhD ym Mhrifysgol Abertawe, ac mae ei ymchwil yn canolbwyntio ar y cydadwaith rhwng Argyfyngau Iechyd ar Lefel Pandemig (PLHC) a llwybr democrataidd cyfundrefnau gwleidyddol hybrid. Mae'n codi'r ddadl bod PLHCs yn chwalu’r cydbwysedd ac mae angen ymateb gwleidyddol drwy bolisïau o fewn y broses rheoli argyfwng, gydag ymatebion o'r fath yn meddu ar y gallu i ddarparu llwybrau gwneud penderfyniadau canolog neu gyfethol gwleidyddol. Mae hyn yn agor y drws i’r traethawd ymchwil drafod elfennau mewnbwn ac allbwn cyfreithlondeb a'u pwysigrwydd tuag at ddemocrateiddio, neu awtocrateiddio, posibl cyfundrefnau hybrid.

Myfyrwyr

Cefndir

Louis Bromfield:

https://wiserd.ac.uk/people/louis-bromfield/

Mae Louis yn ymchwilydd ymgysylltu gwleidyddol, gêmeiddio, darogan gwleidyddol a chyfranogi gwleidyddol. Mae ganddo radd BA mewn Gwleidyddiaeth ac MSc mewn Cyfrifiadureg o Brifysgol Abertawe, ac mae yng nghanol proses arholi ei PhD, a ariennir gan Ysgoloriaeth Rhagoriaeth Ymchwil Prifysgol Abertawe. Yn 2022 defnyddiodd gronfa UKRI Challenges gwerth £12,932 i gynnal arbrawf maes gyda 500 o gyfranogwyr yn defnyddio ei wefan darogan ei hun. Ei nod yw parhau â'i ymchwil ar ddarogan gwleidyddol ag elfennau gêmeiddio, gyda’r nod o gynnwys mwy o etholiadau i ychwanegu at ffocws ei PhD ar Etholiadau Lleol y DU ym mis Mai 2023.

Keiron Burgess

Mae Keiron yn fyfyriwr PhD ym Mhrifysgol Abertawe, ac mae ei ymchwil yn canolbwyntio ar y cydadwaith rhwng Argyfyngau Iechyd ar Lefel Pandemig (PLHC) a llwybr democrataidd cyfundrefnau gwleidyddol hybrid. Mae'n codi'r ddadl bod PLHCs yn chwalu’r cydbwysedd ac mae angen ymateb gwleidyddol drwy bolisïau o fewn y broses rheoli argyfwng, gydag ymatebion o'r fath yn meddu ar y gallu i ddarparu llwybrau gwneud penderfyniadau canolog neu gyfethol gwleidyddol. Mae hyn yn agor y drws i’r traethawd ymchwil drafod elfennau mewnbwn ac allbwn cyfreithlondeb a'u pwysigrwydd tuag at ddemocrateiddio, neu awtocrateiddio, posibl cyfundrefnau hybrid.

Prosiectau PhD

Keiron Burgess

Keiron Burgess: Input and Output Legitimacy. The Varying Democratic Trajectory of Hybrid Regimes in the Face of Pandemic-Level Health Crises.

Mae Keiron Burgess yn fyfyriwr PhD ym Mhrifysgol Abertawe ac mae ei ymchwil yn canolbwyntio ar y cydadwaith rhwng Argyfyngau Iechyd ar Lefel Pandemig (PLHC) a llwybr democrataidd cyfundrefnau gwleidyddol hybrid. Mae'n codi'r ddadl bod PLHCs yn chwalu’r cydbwysedd ac mae angen ymateb gwleidyddol trwy bolisïau o fewn y broses rheoli argyfwng, gydag ymatebion o'r fath yn meddu ar y gallu i ddarparu llwybrau gwneud penderfyniadau canolog neu gyfethol gwleidyddol. Mae hyn yn agor y drws i’r traethawd ymchwil drafod elfennau mewnbwn ac allbwn cyfreithlondeb a'u pwysigrwydd tuag at ddemocrateiddio, neu awtocrateiddio, posibl cyfundrefnau hybrid.

Louis Bromfield

Louis Bromfield: Investigating the impact of gamified forecasting on political engagement.

Mae'r traethawd ymchwil rhyngddisgyblaethol hwn yn archwilio effaith defnyddio gwefan o'r enw Fantasy Forecast, platfform darogan gwleidyddol ar-lein. Cafodd y wefan ei gêmeiddio - cymhwyso elfennau chwarae gemau fideo i gyd-destunau nad ydynt yn gemau fideo, i geisio creu profiad ysgogol i ddefnyddwyr, gan eu hannog i ddefnyddio rhagor ar y wefan. Cafodd cyfranogwyr eu recriwtio i ddarogan Etholiadau Lleol 2023 y DU (gyda 1,368 o ragfynegiadau wedi'u cyflwyno). Mae'r canfyddiadau'n cynnwys y nodweddion ymgysylltu (gwybodaeth, diddordeb ac effeithiolrwydd) sy'n anodd eu newid yn y tymor byr, gwybodaeth hunanasesedig uwch sy'n arwain at hyder darogan mwy eofn, a lefel defnydd a pherfformiad y safle sy'n cael effeithiau sylweddol ar foddhau anghenion seicolegol.

Garrett King

Garrett King: The Peanut Kingdom: People & Policy in Caddo County, Oklahoma 1938-2002.

Mae Garrett King yn fyfyriwr PhD ym Mhrifysgol Abertawe ac yn Is-lywydd Datblygiad Sefydliadol yn ogystal â Phennaeth Staff y Llywydd ym Mhrifysgol De-orllewin Talaith Oklahoma. Mae traethawd ymchwil King yn archwilio cynnydd ac esblygiad y polisi rheoli cyflenwad cwota pysgnau ffederal yn ystod cyfnod y New Deal ac esblygiad y polisi nes iddo gael ei ddiddymu yn 2002. Helpodd y cwota pysgnau, ynghyd â thechnolegau a thechnegau dyfrhau gwell a phridd tywodlyd Caddo County, i hwyluso twf ffermio pysgnau yng nghefn gwlad Oklahoma yn ystod y cyfnod wedi'r rhyfel. Gan ddefnyddio hanesion llafar a ffynonellau cynradd nas cyhoeddwyd, mae King yn adrodd hanes sut yr effeithiodd polisi cyhoeddus ar fywyd cymunedol dros sawl degawd.

Cyhoeddiadau Academaidd Dethol

Bettina Petersohn

“Territorial Politics and Institutional Change: A Comparative-Historical Analysis.” Rhifyn arbennig Publius: The Journal of Federalism, 2017, 48 (1): 1 – 25 (golygydd gwadd gyda Jörg Broschek a Simon Toubeau), https://doi.org/10.1093/publius/pjx059
“Negotiating territorial change in multinational states: Party preferences, negotiating power and the role of the negotiation mode.” Publius: The Journal of Federalism, 2015, 45 (4): 626 – 652 (gyda Nathalie Behnke ac Eva Maria Rhode), https://doi.org/10.1093/publius/pjv016
“Between Autonomy and Interdependence: The Challenges of Shared Rule after the Scottish Referendum.” Political Quarterly, 2015, 86(2): 192 – 200 (gyda Nicole McEwen), https://doi.org/10.1111/1467-923X.12162

Caner Sayan

“Barriers to powering past coal: Implications for a just energy transition in South Africa.” Energy Research & Social Science, 2023, 101: 103122 (gyda Pegah Mirzania, Joel A. Gordon, Nazmiye Balta-Ozkan, a Lochner Marais), https://doi.org/10.1016/j.erss.2023.103122
“The co-constitution of regional politics and massive infrastructures in the Transaqua water project.” Tiriogaeth, Gwleidyddiaeth, Llywodraethu, 2022 ar-lein yn gyntaf: 1 – 21 (gyda Nidhi Nagabhatla), https://doi.org/10.1080/21622671.2022.2043178
“Water and ‘imperfect peace’ in the Euphrates–Tigris river basin.” International Affairs, 2021, 97(1): 139 –155 (gydag Aysegül Kibaroglu), https://doi.org/10.1093/ia/iiaa161.

Dion Curry

Network approaches to multi-level governance: Structures, relations and understanding power between levels. Palgrave: https://link.springer.com/book/2015/9781137295170-3-030-97299-8 .
“A Bibliometrics Approach to Understanding Conceptual Breadth, Depth and Development: The Case of New Public Management.” Political Studies Review, 2018, 16(2): 113-124 (gyda Steven van de Walle), https://doi.org/10.1177/1478929916644869.
“The Question of EU Legitimacy in the Social OMC Peer Review Process.” Journal of European Social Policy, 26(2): 168-182, https://doi.org/10.1177/0958928716637141.

Jack Tudor

“A moving target? An analysis of the impact of electoral context on polling error variation in both British and international general elections.” Journal of Elections, Public Opinion and Parties, 2024, 34(1): 18-40 (gyda Matt Wall), https://doi.org/10.1080/17457289.2021.1972305.

Kristan Stoddart

Cyberwarfare: Threats to Critical Infrastructure. Cham: Springer/Palgrave, 2022, dolen: https://link.springer.com/book/10.1007/978-3-030-97299-8 .
“Edward Snowden and PRISM: Negotiating the Post 9/11 ‘Surveillance State’.” In Contextualizing Security: A Reader, golygyddion Tobias T. Gibson a Kurt W. Jefferson, Athens, GA: University of Georgia Press, 2022.
The British Nuclear Experience: The Roles of Beliefs, Culture and Identity. Rhydychen: Oxford University Press, 2015 (gyda John Baylis), https://doi.org/10.1093/acprof:oso/9780198702023.001.0001

Matthias Dilling

Parties under pressure. The politics of factions and party adaptation. Chicago: Chicago University Press, 2024 (ar ddod; dolen i ddilyn).
“Analyzing failed institutional change attempts.” Political Research Quarterly, 2022, 75(1): 203-2015 (gyda Sukriti Issar), https://doi.org/10.1177/1065912921989442.
“Denominational Conflicts and Party Breakthrough: The Negative Case of the All-German People’s Party.” Social Science History, 2022, 46(3): 505-529, https://doi.org/10.1017/ssh.2022.1.

Matthew Wall

“The ties that bind: How the dominance of WeChat combines with guanxi to inhibit and constrain China’s contentious politics.” New Media & Society, 2019, 21(8), 1714-1733 (gyda Yan Wu), https://doi.org/10.1177/1461444819830072
“Internet Effects in Times of Political Crisis.” Public Opinion Quarterly, 2016, 80(2), 411-436 (gyda Leonardo Baccini a Laura Sudulich), https://doi.org/10.1093/poq/nfv055
“Wired Voters: The Effects of Internet Use on Voters’ Electoral Uncertainty.” British Journal of Political Science, 2015, 45(04), 853-881 (gyda Laura Sudulich a Leonardo Baccini), https://doi.org/10.1017/S0007123413000513

Pier-Luc Dupont

“The relation between multiculturalism, interculturalism and cosmopolitanism in UK diversity politics.” Identities, 2023, 30(6): 785-804 (gyda Thomas Sealy a Tariq Modood), https://doi.org/10.1080/1070289x.2023.2186622 .
“Religious governance and the politics of equality in education.” Ethnic and Racial Studies, 2022, 45(5): 966-987, https://doi.org/10.1080/01419870.2021.1905863 .
“Perpetuating Anti-Muslim Discrimination through the Interpretation of Religious Equality in the European Court of Human Rights.” Journal of Muslims in Europe, 2018, 7(1): 27-46, https://doi.org/10.1163/22117954 .

Newyddion

Cynhadledd

Ar 31 Mai 2023, cynhaliodd y grŵp ymchwil gynhadledd undydd ar y pwnc "Cadernid Democrataidd ac Arloesi Democrataidd" ar Gampws Singleton Abertawe. Gyda democratiaethau ledled y byd dan bwysau i ymateb i heriau mawr, gan gynnwys newid hinsawdd, argyfyngau iechyd, cynnydd y dde eithafol, a mwy o anghydraddoldeb cymdeithasol, daeth y gynhadledd ag ysgolheigion o bob rhan o Ysgol Gwyddorau Cymdeithasol Abertawe ynghyd i drafod ac edrych ar y camau a'r datblygiadau arloesol sydd wedi dechrau dod i'r amlwg mewn ymateb i'r blynyddoedd diweddar o gythrwfl cymdeithasol, economaidd a gwleidyddol. Gellir dod o hyd i raglen y gynhadledd PAG Resilience and democratic programme

Sesiwn syniadau ymchwil cynnar Sesiwn dysgu gan gymheiriaid Grŵp darllen dulliau Grantiau ac ysgrifennu cynigion

Gwleidyddiaeth a Pholisi Cymharol (CPP)

Ganolfan Ymchwil Gwleidyddiaeth a Pholisi Cymharol (CPP)

Pobl

Cyd-Gyfarwyddwr

Cyd-Gyfarwyddwr

Prosiectau PhD

Cyhoeddiadau Academaidd Dethol

Newyddion

Cysylltwch â Gwleidyddiaeth a Pholisi Cymharol (CPP)

Diddordeb mewn Rhaglenni Ymchwil Ôl-raddedig?