AIA Cymorth i Fyfyrwyr

Pwy ydyn nhw

Mae'r llysgenhadon uniondeb academaidd yn dîm o fyfyrwyr gwirfoddol sydd â'r nod o hyrwyddo diwylliant o uniondeb academaidd ar draws y brifysgol mewn ffordd a fydd yn taro deuddeg gyda myfyrwyr eraill. maen nhw'n gwneud hyn drwy greu a mynychu digwyddiadau i ymgysylltu â myfyrwyr a rhannu gwybodaeth am uniondeb academaidd. maen nhw hefyd yn creu adnoddau ac yn cyfeirio myfyrwyr atynt i'w helpu i ddeall disgwyliadau'r brifysgol am uniondeb academaidd yn well.

Mae'r tîm yn gweithredu fel modelau rôl a ffynonellau gwybodaeth am uniondeb academaidd y gall myfyrwyr uniaethu â nhw, gan ddarparu cysylltiad rhwng staff a myfyrwyr. cliciwch ar y dolenni isod i weld sut gall y tîm eich helpu chi.

Ar gyfer myfyrwyr sy'n chwilio am gymorth:

Mae'r tîm llysgenhadon uniondeb academaidd yn fyfyrwyr, yn union fel chi, felly eu rôl yw eich helpu i ddeall uniondeb academaidd yn well, mewn ffordd gyfeillgar a chefnogol. gallan nhw eich helpu i ddod o hyd i adnoddau a chael cymorth gan y gyfadran, staff a gwasanaethau myfyrwyr. maen nhw hefyd yno i wrando arnoch chi!

Os hoffech chi wybod sut gall y llysgenhadon uniondeb academaidd eich cefnogi chi, gallwch gysylltu â nhw yn: academicintegrityambassadors@abertawe.ac.uk

Ymunwch â thîm y llysgenhadon uniondeb academaidd

Pam ymuno â thîm y llysgenhadon uniondeb academaidd?

manteision bod yn llysgennad uniondeb academaidd gwirfoddol:

datblygu dealltwriaeth a gwerthfawrogiad dyfnach o uniondeb academaidd
dangos uniondeb i ddarpar gyflogwyr
gwella eich cv
ehangu eich rhwydwaith
meithrin sgiliau arweinyddiaeth
datblygu'ch sgiliau cyfathrebu
hyfforddi ar gyfer siarad yn gyhoeddus
ennill profiad o farchnata a rheoli digwyddiadau
gwella'ch sgiliau trefnu
manteisio ar gyfleoedd datblygu
gwneud ffrindiau newydd ac ymuno â chymuned o fyfyrwyr

Cymwysterau

Rhaid i chi fod yn fyfyriwr ym mhrifysgol abertawe. rhaid bod myfyrwyr israddedig wedi cwblhau o leiaf un semester yn eu hastudiaethau. gall myfyrwyr ôl-raddedig gyflwyno cais ar unrhyw adeg yn ystod eu hastudiaethau.

I ddod yn llysgennad uniondeb academaidd rhaid i chi ddangos:

Parodrwydd i ddysgu am uniondeb academaidd a gallu i ddod i sesiynau hyfforddiant
Sgiliau cyfathrebu a rhyngbersonol da
Hyder ar gyfer siarad yn gyhoeddus a digwyddiadau ymgysylltu
Nrwdfrydedd, dibynadwyedd, prydlondeb ac ymrwymiad i'r rhaglen
Y gallu i weithio fel rhan o dîm

Fel llysgennad uniondeb academaidd byddwch yn:

Cymryd rhan mewn sesiwn hyfforddiant i'ch helpu i ddeall eich rôl ac i roi i chi ddealltwriaeth ehangach o uniondeb academaidd
Mynychu cyfarfodydd o'r llysgenhadon bob yn ail fis.
Paratoi, trefnu a chynnal gweithdai dan arweiniad myfyrwyr ar bynciau mewn cysylltiad ag uniondeb academaidd
Cefnogi a mynd i ddigwyddiadau am uniondeb academaidd drwy gydol y semester
Ymweld â dosbarthiadau, darlithoedd a thiwtorialau i gyflwyno rhaglen y llysgenhadon a chodi ymwybyddiaeth o uniondeb academaidd
Cynorthwyo wrth ddatblygu adnoddau ysgrifenedig, cynnwys ar gyfer y cyfryngau a/neu ddeunydd fideo am uniondeb academaidd
Cymryd rhan mewn gweithgareddau a mentrau hyrwyddo y bydd tîm y llysgenhadon yn penderfynu arnynt ar ôl iddynt gael eu recriwtio.