1. Hafan
  2. Y Brifysgol
  3. Astudio
  4. Astudio, Gweithio a Haf Dramor
  5. Cyfleoedd Byd Eang i Fyfyrwyr
  6. Prifysgolion Partner Astudio Dramor
  7. Canada
  8. Prifysgol Brock
  9. Stori Myfyriwr

Stori Myfyriwr

PRIFYSGOL BROCK

Treuliodd Amelia semester yn 2019 yn astudio ym Mhrifysgol Brock fel rhan o'i gradd mewn Hanes yr Henfyd ac Eifftoleg ym Mhrifysgol Abertawe. Dyma rai o'r sylwadau a wnaeth am ei phrofiad:

Amelia Frasle

Prifysgol Brock

"Treuliais gyfnod o fis Ionawr i fis Ebrill 2019 yng Nghanada ym Mhrifysgol Brock, fel semester dramor fel rhan o'm hail flwyddyn yn y brifysgol. Es i i ddosbarthiadau, gwnes i  ysgrifennu traethodau ac astudio, wrth ddarganfod y diwylliant newydd, y bwyd ac ardal Ontario gyda'm ffrindiau....Roeddwn i'n gallu astudio dosbarthiadau nad oeddent ar gael imi yn fy mhrifysgol gartref, a chanolbwyntio ar leoedd eraill o'r henfyd nad oeddwn wedi'u hystyried o'r blaen."

Hoff Atgof

"Y daith i Raeadrau Niagra oedd fy antur gyntaf yng Nghanada. Taith ar gyfer y myfyrwyr cyfnewid oedd hi, felly cwrddais â llawer o bobl a oedd yn yr un sefyllfa â mi, sef pobl a oedd wedi dod o bedwar ban byd. Roedd gweld Rhaeadrau Niagra yn anhygoel, ac mae'n wych rhoi tic ar bwys rhywbeth sydd ar fy rhestr bwced teithio."

 

Amelia Niagara Falls

Goresgyn Heriau

"Gwnaeth y daith hon fy helpu i oresgyn pryderon personol ynghylch symud i rywle newydd, cwrdd â ffrindiau newydd, a bod mor bell i ffwrdd o'm ffrindiau a'm teulu. Mae byw mewn lle newydd â diwylliant gwahanol wedi gwneud imi ddysgu i ofyn am gymorth gan ddieithriaid, sy'n rhywbeth y byddwn i wedi ceisio fy ngorau glas i'w osgoi gwneud cyn mynd i Ganada.Pethau fel sut i stopio'r bws, gan imi sylweddoli'n gyflym nad oedd botymau i'w pwyso. Neu ofyn am gyfeiriadau pan fyddwch ar goll, sy'n rhywbeth na fu'n rhaid imi ei wneud erioed o'r blaen oherwydd diolch i ffonau clyfar a data, doeddwn i erioed wedi bod ar goll."

Myfyrio

"Mae'r profiadau a'r gwersi bywyd rydw i wedi'u dysgu ar y daith hon yn hynod werthfawr. Mae'r daith hon wedi helpu i feithrin fy hunanhyder a'm hyder yn fy mhenderfyniadau, ac rydw i'n hynod ddiolchgar am gael y cyfle hwn. Ni allwn ei argymell digon."