1. Hafan
  2. Y Brifysgol
  3. Astudio
  4. Astudio, Gweithio a Haf Dramor
  5. Cyfleoedd Byd Eang i Fyfyrwyr
  6. Prifysgolion Partner Astudio Dramor
  7. Unol Daleithiau America
  8. Prifysgol Talaith Efrog Newydd yn Albany
  9. Stori Myfyriwr

Stori Myfyriwr

Stori myfyriwr

Treuliodd Steffan flwyddyn academaidd (2016-2017) yn astudio ym Mhrifysgol Talaith Efrog Newydd yn Albany fel rhan o'i radd Astudiaethau Americanaidd. Dyma rai o'i sylwadau am ei brofiad: 

Prifysgol Talaith Efrog Newydd yn Albany

"Roeddwn i'n teimlo y byddai ymgymryd â rhaglen cyfnewid myfyrwyr yn fy ngwneud i'n berson llawer mwy hyderus a doeth. Roedd ymgymryd â blwyddyn o addysg o dan system addysg uwch America yn brofiad gwerth chweil, gan ei fod wedi fy annog i ymgymryd â thasgau na fyddwn fel arfer yn disgwyl eu hwynebu yn ystod fy nghyfnod ym Mhrifysgol Abertawe."

Steffan Lewis

Heriau

"Roeddwn i'n ei chael hi braidd yn anodd sefydlu cyfeillgarwch agos gyda rhai o'r myfyrwyr Americanaidd eraill. Efallai bod hyn o ganlyniad i'r ffaith mai ar gyfer myfyrwyr yn eu 3edd flwyddyn neu'n uwch oedd fy llety a’m dosbarthiadau, ac felly roedd llawer ohonynt yn barod wedi creu eu grwpiau a'u cylchoedd ffrindiau eu hunain, ac roedd hi’n anodd i rywun nad yw’n berson naturiol hyderus fel fi dorri i mewn i’r grwpiau hynny. Er hyn, llwyddais i ddod i adnabod llawer o fyfyrwyr Americanaidd yn eithaf da, ac roedd y myfyrwyr cyfnewid eraill yr oeddwn wedi gwneud ffrindiau â nhw ymhlith rhai o’r ffrindiau agosaf yr wyf wedi eu cael, gan ein bod wedi gallu profi popeth newydd gyda'n gilydd, a lwyddodd i’n gwneud ni’n ffrindiau agos iawn."

"Roedd dod i arfer â system addysg uwch America yn her i ddechrau. Mae ganddi nifer sylweddol o brofion, cwisiau ac arholiadau drwy gydol y semester o’i chymharu â'r DU. Roedd rhaid i mi ymroi llawer mwy o’m amser fy hun i astudio a pharatoi ar gyfer dosbarthiadau. Yn ogystal â hyn, un agwedd fach a achosodd ychydig o ben tost oedd y gwahaniaeth mewn sillafu rhwng y DU ac UDA."

Prif Uchafbwyntiau

"Fe wnes i ymweld â 15 o daleithiau, a hefyd Canada hyd yn oed, sy'n rhywbeth na wnes i hyd yn oed ei ystyried cyn gadael ar gyfer fy mlwyddyn dramor. Rwyf wedi mwynhau teithio'n fawr ac yn sicr bu’n uchafbwynt y cyfle hwn."

"Roedd treulio bron i flwyddyn yn America yn golygu fy mod yn gallu profi nifer diddiwedd o wyliau a thraddodiadau nad ydynt fel arfer yn cael eu dathlu yn y DU. O wyliau mawreddog a digwyddiadau fel ' diolchgarwch ' a'r ' Superbowl ' i'r gwyliau llai fel ' Diwrnod Llafur '. Yn sicr, rydych chi'n cael profiad o ystod eang o ddigwyddiadau na fyddech chi'n eu cael yn y DU."

"Mae'r llun yn gynrychiolaeth berffaith o’m amser yn America, oherwydd er mwyn cyrraedd y lleoliad lle cafodd y llun ei dynnu (yn union fel fy amser yn America), roedd rhai heriau ar y ffordd, ond yn y pen draw ar ddiwedd y cyfan mae wedi bod yn brofiad anhygoel ac yn un na fydda i'n ei anghofio am amser hir."