"Cyfieithu Proffesiynol (Estynedig, gydag Université Grenoble Alpes)", MA

Trosolwg o'r Cwrs

Mae'r radd MA ddwbl hon mewn Cyfieithu Arbenigol yn cael ei chynnig drwy bartneriaeth unigryw rhwng ysgolion cyfieithu uchel eu parch Prifysgol Abertawe ac Université Grenoble Alpes (UGA), sef trydedd brifysgol fwyaf Ffrainc. Mae’n rhoi cyfle i chi astudio a hyfforddi ar gyfer ymarfer proffesiynol mewn dau amgylchedd academaidd gwahanol, a fydd yn datblygu eich rhwydweithiau cyfieithu yn y ddwy wlad.

Mae'r radd MA Ddwbl hon ar gael i ymgeiswyr â chymhwysedd ieithyddol brodorol yn Saesneg ac yn Ffrangeg yn unig, neu i’r rhai sy’n agos at y safon honno, ac mae'n cyfuno elfennau allweddol o radd MA mewn Cyfieithu Proffesiynol Abertawe (Blwyddyn 1) a gradd Meistr LEA parcours Traduction spécialisée Université Grenoble Alpes (Blwyddyn 2), y cynlluniwyd y ddwy ohonynt i gyflawni'r ystod gyflawn o gymwyseddau proffesiynol a amlinellwyd yn Fframwaith Cymwyseddau 2017 yr EMT. Mae'r radd MA Ddwbl ar gael i ieithyddion rhagorol, p'un a yw eu cymwysterau yn gysylltiedig ag ieithoedd neu mewn meysydd pwnc eraill lle maent yn cynllunio datblygu arbenigedd cyfieithu. Wrth gwblhau'r rhaglen yn llwyddiannus, bydd myfyrwyr yn graddio â graddau Meistr o'r ddwy brifysgol. Yn ogystal â'r Saesneg a'r Ffrangeg, gall myfyrwyr hefyd ddewis astudio cyfieithu yn naill ai'r Almaeneg neu'r Sbaeneg, mewn cyfuniad â'r Saesneg ym Mlwyddyn 1 a'r Ffrangeg ym Mlwyddyn 2.

Nifer gyfyngedig iawn o leoedd sydd a chânt eu dyrannu ar sail teilyngdod gan Fwrdd Astudiaethau ar y Cyd, ar sail y ffurflen gais a'r trawsgrifiad(au), geirdaon a chyfweliad (yn ôl yr angen). Caiff ffioedd eu talu ar gyfradd bresennol myfyrwyr y DU, Ewrop neu ryngwladol i’r sefydliad lle rydych chi'n astudio ar y pryd (h.y. i Abertawe ym Mlwyddyn 1, i UGA ym Mlwyddyn 2).

Pam "Cyfieithu Proffesiynol (Estynedig, gydag Université Grenoble Alpes)" yn Abertawe?

Mae gan Brifysgol Abertawe enw da’n rhyngwladol am gyfieithu a chyfieithu ar y pryd proffesiynol. Roeddem yn un o aelodau-sefydlu'r Rhwydwaith Ewropeaidd Graddau Meistr mewn Cyfieithu (2009-2020), sef nod ansawdd a sefydlwyd gan y Comisiwn Ewropeaidd i annog lledaenu arfer gorau mewn hyfforddiant i gyfieithwyr. Mae ein rhaglenni ôl-raddedig wedi bod yn destun datblygu a diweddaru parhaus ers lansio'r MA mewn Cyfieithu gyda Thechnoleg Iaith yn 2020. Mae gennym ni gyfleusterau o'r radd flaenaf (sef labordai cyfieithu gyda'r feddalwedd ddiweddaraf, ac ystafell cyfieithu ar y pryd mewn cynadleddau sy’n gydnaws â safon y proffesiwn). Rydym ni'n perthyn i raglenni academaidd cwmnïoedd sy’n cynhyrchu offer cyfieithu â chymorth cyfrifiadur o safon y proffesiwn megis Trados, Memsource, memoQ a Lilt, y mae'r ddwy gyntaf yn cynnig profion Ardystio am ddim i'n myfyrwyr mewn perthynas â'u meddalwedd nhw, yn ogystal â'r Gymdeithas Defnyddwyr Awtomeiddio Cyfieithu a'r Gymdeithas Globaleiddio a Lleoleiddio. Rydym ni'n cydweithio'n agos â chyrff proffesiynol y DU sef Sefydliad Siartredig yr Ieithyddion (mae ein modiwl cyfieithu ar y pryf ar gyfer Iechyd yn eich paratoi i sefyll eu Diploma mewn Cyfieithu ar y Pryd yn y Gwasanaethau Cyhoeddus) a'r Sefydliad Cyfieithu a Chyfieithu ar y Pryd. Rydym ni hefyd yn gweithio gyda llawer o ddarparwyr gwasanaethau iaith mawr a bach yn y DU ac yn Ewrop i sefydlu a monitro interniaethau myfyrwyr.

Mae Cyfadran y Dyniaethau a’r Gwyddorau Cymdeithasol wedi'i lleoli ar ein campws bywiog ym Mharc Singleton, mewn parcdir trawiadol sy'n edrych dros Fae Abertawe a'i draeth pum milltir o hyd. Mae opsiynau llety, cyfleusterau chwaraeon a chyfleoedd cymdeithasol rhagorol yn golygu y gall Abertawe gynnig profiad perffaith i ôl-raddedigion.

Mae gradd Meistr Langues étrangères appliquées, parcours Traduction spécialisée multilingue Université Grenoble Alpes hefyd yn un o aelodau-sefydlu’r Rhwydwaith EMT. Mae'r UFR de Langues Etrangères yn cynnwys tua 2,500 o fyfyrwyr ar bob lefel sy’n astudio am amrywiaeth o raddau mewn ieithoedd, llenyddiaeth, gwareiddiad, busnes rhyngwladol etc. yn ogystal â chyfieithu, a rhyw 170 o staff addysgu. Mae gan yr Adran gyfleusterau technegol rhagorol ar gyfer Astudiaethau Cyfieithu, a llyfrgell Ieithoedd Modern â chasgliad helaeth o lenyddiaeth Cyfieithu. Mae hefyd yn cynnal cysylltiadau gwaith cryf â'r Société Française des Traducteurs, a llawer o gwmnïoedd cyfieithu yn ardal Grenoble a'r tu hwnt yn Ffrainc.

Eich Profiad "Cyfieithu Proffesiynol (Estynedig, gydag Université Grenoble Alpes)"

Blwyddyn 1, Abertawe (120 o gredydau/60 ECTS)

Modiwlau Gorfodol: Mae gwaith cyfieithu uwch yn Ffrangeg a Saesneg (gallwch ddewis Almaeneg neu Sbaeneg a Saesneg hefyd ) wedi'i ategu gan hyfforddiant mewn offer Cyfieithu â Chymorth Cyfrifiadur (CAT) o safon y proffesiwn (MLRM03). Mae'r modiwl 'Sylfeini (MLTM05) yn cynnwys damcaniaeth cyfieithu a chyfieithu ar y pryd, gan ddarparu trosolwg o sefyllfa gyfredol y diwydiant gwasanaethau iaith a'i rolau proffesiynol.

Opsiynau: Gallwch ddewis arbenigo mewn cyfieithu ar y pryd ar gyfer gwasanaethau cyhoeddus (MLTM07), cyfieithu clyweledol (MLTM19), technolegau cyfieithu gan gynnwys offer meddalwedd lleoleiddio (MLTM11) neu reoli terminoleg (MLTM18). Yn y modiwl Efelychu Swyddfa Gyfieithu (MLTM17), rydych chi'n sefydlu ac yn cynnal cwmni cyfieithu realistig, gan weithio gyda darparwr gwasanaethau iaith (LSP) lleol a myfyrwyr MA eraill ledled Ewrop yn y rhwydwaith INSTB. Gallwch hefyd astudio cwrs iaith dwys ar lefel Dechreuwyr neu Ganolradd. Fel arall, mae Dysgu ac Addysgu Iaith â Chymorth Technoleg (ALEM28) yn darparu sgiliau addysgeg iaith y mae galw mawr amdanynt.

Blwyddyn 2, Grenoble (60 ECTS/120 o gredydau)

Mae cyrsiau gorfodol a dewisol yn dod o raglen Blwyddyn 2 UGA (M2) (mae myfyrwyr heb ail iaith dramor yn cymryd dosbarthiadau M1 yn lle’r cyrsiau cyfieithu hynny). Mae UGA yn arbenigo mewn cyfieithu Technegol, Cyfreithiol a Busnes a therminoleg, wedi’i ategu gan seminarau Gwyddoniaeth a'r Gyfraith.

Lleoliad gwaith rhan-amser 3-6 mis (o fis Ebrill), wedi'i asesu yn UGA gan adroddiad interniaeth ac arholiad llafar (yn Ffrangeg neu'n Saesneg).

Cyfleoedd Cyflogaeth "Cyfieithu Proffesiynol (Estynedig, gydag Université Grenoble Alpes)"

Bydd y radd MA alwedigaethol mewn Cyfieithu Proffesiynol yn gwella eich rhagolygon gyrfa ym maes cyfieithu yn sylweddol. Yn ystod eich astudiaethau, neu eich interniaeth, gallwch wneud cysylltiadau pwysig ar gyfer eich gwaith yn y dyfodol.

Mae graddedigion o’r cwrs hwn yn cyflawni amrywiaeth o rolau cyfieithu a chyfieithu ar y pryd gwahanol. Mae llawer hefyd yn gwneud graddau ymchwil ac yn dilyn gyrfa academaidd.

Modiwlau

Byddwch yn astudio nifer benodol o fodiwlau gorfodol a dewisol 20 credyd ar gyfieithu a dehongli uwch, cyn astudio modiwl 60 credyd ar ddau gyfieithiad estynedig, neu draethawd hir academaidd, neu interniaeth 13 wythnos mewn cwmni cyfieithu.

Mae'r modiwlau'n cwmpasu cyfieithu a dehongli uwch ar gyfer nifer o ieithoedd gwahanol mewn cyd-destunau a diwydiannau gwahanol. Ceir modiwlau arbenigol ar gyfer dehongli busnes, iechyd a'r gyfraith.

FHEQ 7 Taught Masters / PGDip / PGCert

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Heb ddod o hyd i un

Modiwlau Opsiynol

Compulsory modules

Dewiswch Uchafswm o 80 o gredydau o'r Modiwlau a ganlyn:

SYLWER :ALL STUDENTS MUST TAKE MLTM03 AND MLTM05. You MUST TAKE ONE Advanced Translation Module. You may if you wish take a SECOND Advanced Translation module, as an OPTIONAL MODULE. ( You would therefore only select two modules from the optional module box below)

Enw'r Modiwl	Hyd y Modiwl	Credydau	Cod y Modiwl
Advanced Translation (English-Arabic)	September-June (TB1+2)	20	MLAM01
Advanced Translation (French)	September-June (TB1+2)	20	MLFM01
Advanced Translation (English - French)	September-June (TB1+2)	20	MLFM30
Advanced Translation (German )	September-June (TB1+2)	20	MLGM01
Advanced Translation (Italian)	September-June (TB1+2)	20	MLIM30
Advanced Translation (Spanish)	September-June (TB1+2)	20	MLSM01
Translation Tools	September-January (TB1)	20	MLTM03
Foundations of Translation and Interpreting	September-January (TB1)	20	MLTM05
Advanced Translation (Welsh)	September-June (TB1+2)	20	MLWM01
Advanced Translation (Chinese)	September-June (TB1+2)	20	MLZM01

AND

Optional module choices

Dewiswch Uchafswm o 60 o gredydau o'r Modiwlau a ganlyn:

SYLWER :Please select sufficient modules to total 120 credits over all. MLTM25 (Spanish, Mandarin, Chinese) MLTM07 (Arabic, French, German, Italian)

Enw'r Modiwl	Hyd y Modiwl	Credydau	Cod y Modiwl	Canllawiau
Beginners French for Postgraduate Students	September-June (TB1+2)	20	MLFM06
Beginners German for Postgraduate Students	September-June (TB1+2)	20	MLGM06
Intermediate German for Postgraduate Students	September-June (TB1+2)	20	MLGM07
Italian for Starters	September-January (TB1)	20	MLIM33
Language, Translation and Interpreting Research Skills	September-June (TB1+2)	20	ML-M20
Beginners Spanish for Postgraduate Students	September-June (TB1+2)	20	MLSM06
Terminology Management	September-January (TB1)	20	MLTM18
Conference Interpreting	September-January (TB1)	20	MLTM25	Spanish, Mandarin, Chinese
Technology Enhanced Language Teaching and Learning	January-June (TB2)	20	ALEM28	Module from the Dept of English Language available subject to capacity
Catalan for Starters	January-June (TB2)	20	MLCM33
Intermediate French for Postgraduate Students	January-June (TB2)	20	MLFM07
Intermediate Spanish for Postgraduate Students	January-June (TB2)	20	MLSM07
Healthcare Interpreting	January-June (TB2)	20	MLTM07	Arabic, French, German, Italian, Spanish
Simulated Translation Bureau	January-June (TB2)	20	MLTM17	Arabic, French, German, Italian
Audiovisual Adaptation	January-June (TB2)	20	MLTM19

FHEQ 7 Taught Masters Dissertation

Mae myfyrwyr yn dewis 120 o gredydau o'r opsiynau canlynol:

Modiwlau Gorfodol

Heb ddod o hyd i un

Modiwlau Opsiynol

Year Abroad Modules

Dewiswch Yn union 120 o gredydau o'r Modiwlau a ganlyn:

SYLWER :Students take the following two modules in their second year.

Enw'r Modiwl	Hyd y Modiwl	Credydau	Cod y Modiwl	Canllawiau
Semester Abroad - UGA (Grenoble)	September-January (TB1)	60	MLTM91
Semester Abroad - UGA (Grenoble)	January-June (TB2)	60	MLTM91A

Gofynion Mynediad

Y gofyniad mynediad arferol yw 2.1 gradd mewn (Ffrangeg - Saesneg) Cyfieithu, (Ffrangeg - Saesneg) Iaith neu bwnc cysylltiedig (neu gyfwerth dramor). Rhaid bod yn siaradwr Ffrangeg rhugl neu'n gallu dangos gallu yn yr iaith Ffrangeg. Ar gyfer ymgeiswyr nad Saesneg yw eu hiaith gyntaf, mae angen IELTS 6.5 yn gyffredinol (gyda lleiafswm o 5.5 ym mhob cydran) neu brawf Saesneg cyfatebol.

Sut byddwch chi'n cael eich dysgu

Nid yw'r rhaglen hon ar gael yn y modd rhan-amser.

Blwyddyn 1 - Mae myfyrwyr yn cymryd tri modiwl 20 credyd (10 ECTS) ym mhob un o ddau semester academaidd. Mae tri modiwl gorfodol: Sylfeini Cyfieithu a Chyfieithu ar y Pryd, Offer Cyfieithu, ac un modiwl Cyfieithu Uwch o'r ystod o barau iaith a restrir uchod. Yna mae myfyrwyr yn dewis tri modiwl dewisol.

Blwyddyn 2 - Mae myfyrwyr yn dilyn pedwar cwrs yn UGA gwerth cyfanswm o 30 ECTS y semester.

Fel rhan o'r modiwl Cyfieithu â Chymorth Technoleg, byddwch chi'n dysgu sut i ddefnyddio rhaglenni cyfieithu â chymorth cyfrifiadur allweddol megis Trados Studio a Phrase.

MFL Partner Logos

Darpariaeth Gymraeg

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffet ti roi gwybod i ni bod gennyt ddiddordeb mewn dilyn elfen o'r cwrs trwy gyfrwng y Gymraeg yna e-bostia astudio@abertawe.ac.uk i nodi hynny gan nodi'r flwyddyn mynediad ac fe wnawn ein gorau i weld beth sy'n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar dy gyfer, ac mae cefnogaeth ar gael i ti trwy Academi Hywel Teifi:

Cyfweliad trwy gyfrwng y Gymraeg wrth wneud cais am le.
Gohebiaeth bersonol yn Gymraeg, yn Saesneg neu'n ddwyieithog.
Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
Tiwtor Personol Cymraeg ei iaith.
Cefnogaeth un i un i wella dy sgiliau Cymraeg academaidd.
Cyfle i ennill cymhwyster ychwanegol sy'n dystiolaeth o dy allu yn y Gymraeg i gyflogwyr y dyfodol.
Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau myfyrwyr.

Cwrdd â'ch Darlithwyr

Addysgir ein graddau gan arbenigwyr sydd â gwybodaeth helaeth iawn i’w rhannu â’n myfyrwyr.

Mae rhagor o wybodaeth am ein harbenigedd academaidd ar ein tudalennau staff.

Ffioedd Dysgu

Dyddiad Dechrau	D.U.	Rhyngwladol
Medi 2024	£ 6,000	£ 13,050
Medi 2025	£ 6,300	£ 13,700

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Ariannu ac Ysgoloriaethau

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae myfyrwyr nad ydynt yn ddinasyddion Ffrainc yn gymwys i wneud cais am Ysgoloriaeth Meistr ‘Initiative d’excellence’ (IDEX) i dalu ffioedd a chostau byw am ail flwyddyn yr MA Dwbl yn Grenoble. Am fanylion pellach, gweler https://bourses-etudes-en-france.net/bourses-idex-universite-grenoble-alpes-en-france-2021/ .

Costau Ychwanegol

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

Teithio i'r campws ac oddi yno
Costau argraffu, llungopïo, rhwymo, deunydd ysgrifennu ac offer (e.e. ffyn USB)
Prynu llyfrau neu werslyfrau
Gwisgoedd ar gyfer seremonïau graddio

Gyrfaoedd a Chyflogadwyedd

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
Cyngor ac arweiniad unigol gan Ymgynghorwyr Gyrfaoedd proffesiynol
Cymorth i chwilio am swyddi, interniaethau, lleoliadau gwaith a chyfleoedd gwirfoddoli
Mynediad i adnoddau gwybodaeth am amrywiaeth eang o bynciau rheoli gyrfa
Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cymorth Academaidd

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

Ysgrifennu academaidd
Mathemateg ac ystadegau
Meddwl critigol
Rheoli amser
Sgiliau digidol
Sgiliau cyflwyno
Cymryd nodiadau
Technegau adolygu, dysgu ar gof ac arholiadau
Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Sut i wneud cais

Sylwch: rhaid i bob ymgeisydd ar gyfer yr MA Dwbl hwn gwblhau ffurflenni cais ar-lein y DDAU sefydliad dyfarnu.

Ar gyfer Prifysgol Abertawe: gwnewch gais trwy system ymgeisio ganolog y Brifysgol.

Am arweiniad pellach ewch i'n tudalennau ar sut i wneud cais am astudiaeth ôl-raddedig.

Myfyrwyr yr UE - mae gwybodaeth fisa a mewnfudo ar gael a bydd yn cael ei diweddaru'n rheolaidd ar ein tudalen gwybodaeth i fyfyrwyr yr UE.

Ar gyfer Université Grenoble Alpes, crëwch gyfrif ar y system eCandidat.

Dyddiadau Cau Ymgeisio

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Gwybodaeth Ychwanegol

Fel arfer gallwn dderbyn myfyrwyr ar sail eu ffurflen gais a thystlythyrau yn unig, ond rydym yn cadw'r hawl i gynnal cyfweliad ychwanegol (o bell neu wyneb yn wyneb) yn ôl yr angen.