Y broses gwneud cais ar gyfer rhaglenni ôl-raddedig a addysgir

Israddedigion Abertawe yn eu blwyddyn olaf

Mae'r Swyddfa Derbyn Myfyrwyr yn cysylltu ag israddedigion Abertawe sydd yn eu blwyddyn olaf i'w gwahodd i gyflwyno cais am raglen ôl-raddedig a addysgir drwy ein proses Llwybr Carlam. Caiff gwahoddiadau eu hanfon i gyfrifon e-bost Abertawe, fel arfer ym mis Tachwedd a mis Mawrth. Anfonir e-bost ychwanegol pan gaiff canlyniadau eu rhyddhau ym mis Gorffennaf. Gan ein bod eisoes yn meddu ar wybodaeth am eich perfformiad academaidd, nid oes rhaid i chi ddarparu trawsgrifiad o'ch marciau hyd yma. Ein nod yw ymateb i'ch cais ymhen dau ddiwrnod gwaith.

Rhestr Wirio Dogfennau:

Caiff eich cais ei oedi (a'i dynnu'n ôl o bosib) os byddwch yn methu â darparu'r dogfennau canlynol (pan fo hynny'n briodol):

• copïau clir o gymwysterau rydych chi wedi'u cwblhau, e.e. tystysgrif a thrawsgrifiadau gradd Baglor (sy'n dangos rhestr o bynciau a astudiwyd a'ch graddau). Os ydych chi'n astudio o hyd, rhowch drawsgrifiad o'ch canlyniadau hyd yn hyn
• os yw eich cymwysterau mewn iaith ar wahân i'r Gymraeg neu’r Saesneg, rhowch gyfieithiadau swyddogol, yn ogystal â'r copïau o'r dogfennau yn eich iaith wreiddiol
• os nad Saesneg yw eich iaith gyntaf, rhowch dystysgrif prawf Saesneg a gydnabyddir gan Brifysgol Abertawe (os yw'n briodol), er enghraifft IELTS
• Llythyron o gefnogaeth/geirdaon agored, os ydynt ar gael. Fel arall, rhowch fanylion eich canolwyr enwebedig, gan gynnwys cyfeiriadau e-bost llawn a chywir, er mwyn i'r Swyddfa Derbyn Myfyrwyr allu anfon negeseuon atynt yn uniongyrchol.
• copi o lythyr gan eich noddwr/eich dyfarniad ysgoloriaeth (os yw'n briodol/ar gael)
• copïau o unrhyw ddogfennaeth arall i ategu eich cais megis CV, Datganiad Personol, Portffolio (MA Ysgrifennu Creadigol, er enghraifft)

I gyflwyno cais yn Gymraeg, cliciwch ar y tab 'Cymraeg'.

Os na allwch gyflwyno cais ar-lein, e-bostiwch postgraduate.admissions@abertawe.ac.uk

Os nad yw myfyrwyr rhyngwladol wedi bodloni'r gofynion mynediad uniongyrchol ar gyfer cwrs ôl-raddedig gallant gyflwyno cais i astudio rhaglen Cyn-Feistr yn y Coleg, Prifysgol Abertawe, sydd ar Gampws y Bae.

Gweler ein hadran gofyniad mynediad sy'n benodol i'r wlad ar gyfer gwybodaeth am raddau sy'n ofynnol o'ch gwlad chi. Gallwch hefyd ymweld â thudalen eich gwlad lle gallwch gael manylion am ffïoedd dysgu a symud i Abertawe.

Ceir rhagor o wybodaeth yn ein Hadran Ryngwladol.

Israddedigion Abertawe yn eu blwyddyn olaf

Mae'r Swyddfa Derbyn Myfyrwyr yn cysylltu ag israddedigion Abertawe sydd yn eu blwyddyn olaf i'w gwahodd i gyflwyno cais am raglen ôl-raddedig a addysgir drwy ein proses Llwybr Carlam.  Caiff gwahoddiadau eu hanfon i gyfrifon e-bost Abertawe, fel arfer ym mis Tachwedd a mis Mawrth. Anfonir e-bost ychwanegol pan gaiff canlyniadau eu rhyddhau ym mis Gorffennaf. Gan ein bod eisoes yn meddu ar wybodaeth am eich perfformiad academaidd, nid oes rhaid i chi ddarparu trawsgrifiad o'ch marciau hyd yma. Fel arfer, byddwch yn cael penderfyniad gennym ymhen dau ddiwrnod gwaith.

Rhestr Wirio Dogfennau:

Gallai eich cais gael ei oedi os byddwch yn methu â darparu'r dogfennau canlynol (pan fo hynny'n briodol):

• copïau clir o gymwysterau rydych chi wedi'u cwblhau, e.e. tystysgrif a thrawsgrifiadau gradd Baglor (sy'n dangos rhestr o bynciau a astudiwyd a'ch graddau). Os ydych chi'n astudio o hyd, rhowch drawsgrifiad o'ch canlyniadau hyd yn hyn
• os yw eich cymwysterau mewn iaith ar wahân i'r Gymraeg neu’r Saesneg, rhowch gyfieithiadau swyddogol, yn ogystal â'r copïau o'r dogfennau yn eich iaith wreiddiol
• os nad Saesneg yw eich iaith gyntaf, rhowch dystysgrif prawf Saesneg a gydnabyddir gan Brifysgol Abertawe (os yw'n briodol), er enghraifft IELTS
• Llythyron o gefnogaeth/geirdaon agored, os ydynt ar gael. Fel arall, rhowch fanylion eich canolwyr enwebedig, gan gynnwys cyfeiriadau e-bost llawn a chywir, er mwyn i'r Swyddfa Derbyn Myfyrwyr allu anfon negeseuon atynt yn uniongyrchol.
• copi o dudalen manylion personol eich pasbort
• copi o lythyr gan eich noddwr/eich dyfarniad ysgoloriaeth (os yw'n briodol/ar gael)
• copïau o unrhyw ddogfennaeth arall i ategu eich cais megis Curriculum Vitae, Datganiad Personol, Portffolio (MA Ysgrifennu Creadigol, er enghraifft)

Os na allwch gyflwyno cais ar-lein, e-bostiwch postgraduate.admissions@abertawe.ac.uk

Ceir gwybodaeth fanwl yn ein tudalennau A-Z o gyrsiau.

Mae gradd ôl-raddedig a addysgir yn radd astudio strwythuredig sy'n cynnwys nifer o fodiwlau mewn pynciau arbenigol a all baratoi myfyriwr at yrfa broffesiynol benodol.

• Dylunnir rhaglenni a addysgir i ddatblygu gwybodaeth mewn pynciau arbenigol a astudiwyd yn fwy cyffredinol eisoes.
• Mae rhai cyrsiau Meistr yn 'gyrsiau trosi', sy'n caniatáu i fyfyrwyr newid neu ddatblygu eu maes arbenigedd o'r hyn mae’r ymgeisydd wedi’i astudio ar lefel israddedig.
• Yn aml, bydd rhaglen a addysgir yn golygu mynychu darlithoedd a seminarau, neu, o bosibl, gweithio yn y labordy os yw'n gwrs gwyddonol.
• Fel arfer, seilir yr asesu ar arholiadau ac aseiniadau ysgrifenedig ar ddiwedd pob modiwl. Yn aml, er mwyn ennill gradd Meistr, disgwylir i fyfyrwyr gwblhau traethawd hir.
• Fel arfer, bydd cwrs gradd a addysgir yn para am flwyddyn ar sail amser llawn, neu am 2/3 blynedd ar sail ran-amser.

Mae gradd ymchwil yn rhoi cyfle i fyfyrwyr ymchwilio i faes neu bwnc penodol yn ddwys.

• Mae gradd ymchwil yn canolbwyntio mwy ar astudio annibynnol.
• Mae elfen a addysgir mewn rhai graddau ymchwil, yn enwedig y Radd Meistr drwy Ymchwil (gan gynnwys EngD).
• Caiff myfyrwyr ymchwil gyfarwyddyd a chymorth gan eu goruchwyliwr, yn ogystal â'r cyfleusterau i wneud eu hymchwil. Dylai eu hymchwil arwain at ddarn unigryw o waith sy'n cynnwys gwybodaeth newydd yn y maes a ddewiswyd ganddynt.
• Seilir yr asesu ar draethawd ymchwil terfynol y myfyriwr ac arholiad llafar (viva voce).

Mae hyd graddau ymchwil yn amrywio. Fel arfer, mae'r radd MRes a'r radd Meistr drwy Ymchwil yn para am flwyddyn ar sail amser llawn neu 2 flynedd ar sail ran-amser. Mae'n cymryd o leiaf 3 blynedd (amser llawn) neu 6 blynedd (rhan-amser) i wneud PhD.

Byddwn yn anfon e-bost i’ch cyfrif myfyriwr (ym mis Tachwedd neu fis Mawrth fel arfer) yn eich gwahodd i gyflwyno cais ar-lein ar gyfer cwrs Meistr priodol drwy ein proses ymgeisio Llwybr Carlam. Ni fydd angen trawsgrifiad o'ch marciau hyd yma gan ein bod eisoes yn cadw gwybodaeth am eich perfformiad academaidd.

Cyflwynwch gais ar-lein

Sylwer bod prosesau ymgeisio gwahanol ar gyfer rhai cyrsiau:

• Rhaid cyflwyno ceisiadau amser llawn ar gyfer ein cyrsiau proffesiynol yn y Gyfraith drwy'r Bwrdd Derbyn Myfyrwyr Canolog (CAB):
  • PGDip mewn Ymarfer Cyfreithiol (a elwir yn ‘LPC’ weithiau’)
  • LLM Ymarfer Cyfreithiol a Drafftio Uwch
  • LLM yn y Gyfraith ac Ymarfer Cyfreithiol
  • LLM Ymarfer Cyfreithiol Proffesiynol 
• MSc Gwaith Cymdeithasol, MSc Astudiaethau Cydymaith Meddygol, TAR (Tystysgrif Addysg i Ôl-raddedigion) a'r MBBCH Meddygaeth (i Raddedigion) Rhaid cyflwyno ceisiadau drwy UCAS.
• MA Moeseg ac Uniondeb Chwaraeon – cyflwynwch gais drwy KU Leuven, Gwlad Belg

Oes, gweler: Dyddiadau cau ar gyfer cyflwyno cais - Prifysgol Abertawe

Gallwch ddod o hyd i ofynion mynediad ar gyfer pob rhaglen ôl-raddedig ar dudalennau'r cwrs unigol - dewch o hyd i'ch cwrs ar y rhestr A-Z o raglenni Ôl-raddedig a Addysgir. Dylai ymgeiswyr o'r UE ac ymgeiswyr rhyngwladol ddarllen ein harweiniad sy'n benodol i'r wlad.

Fel arfer ym mis Medi a mis Ionawr. Bydd y dudalen cwrs briodol yn dweud wrthych a yw'r cwrs ar gael ym mis Ionawr (neu ddyddiad dechrau arall).

• Copi o'ch trawsgrifiadau academaidd cyfredol neu derfynol (a chyfieithiadau swyddogol, os nad yw’r rhain yn Gymraeg neu Saesneg)
• Copi o'ch gradd Baglor a/neu Feistr (a chyfieithiadau swyddogol, os nad yw yn Gymraeg neu Saesneg)
• Datganiad personol yn amlinellu eich rhesymau dros ddilyn eich cwrs astudio
• Curriculum Vitae (rhaid i chi gynnwys hwn os ydych chi'n cyflwyno cais ar sail profiad)
• Ffurflen adroddiad prawf IELTS (os nad Saesneg yw eich iaith gyntaf) neu brawf Saesneg cydnabyddedig arall (gweler Gofynion Saesneg - Prifysgol Abertawe.
• Copi o dudalen manylion personol eich pasbort (ymgeiswyr nad ydynt o'r DU/Gweriniaeth Iwerddon yn unig)

Na chewch. Nid ydym yn derbyn hyn yn brawf o'ch canlyniadau. Mae arnom angen trawsgrifiad swyddogol gan eich Prifysgol.  Dylech allu cael hwn o Swyddfa Academaidd neu Gofrestrfa eich prifysgol. Os yw'n drawsgrifiad terfynol, mae angen iddo nodi'ch canlyniad cyffredinol terfynol.

Os nad yw'ch trawsgrifiadau gwreiddiol yn Saesneg, bydd angen i ni gael cyfieithiad Saesneg swyddogol o'ch dogfennau. Ni fyddwn yn gallu prosesu'ch cais cyn i ni dderbyn copi o'ch dogfennau gwreiddiol a chyfieithiad swyddogol.

Gallwch ddarparu geirdaon yn y dulliau hyn:

• Gallwch lanlwytho llythyron cefnogol "agored" i Apply; neu
• Cewch gyflwyno manylion llawn eich canolwyr enwebedig ar eich ffurflen gais ar-lein (gan wneud yn siŵr eich bod yn teipio cyfeiriadau e-bost eich canolwyr yn ofalus, heb unrhyw wall). Gall y Swyddfa Derbyn Myfyrwyr anfon e-bost at eich canolwyr yn uniongyrchol drwy Apply.
• Os byddwch yn derbyn cynnig sy'n amodol ar dderbyn geirda boddhaol, eich cyfrifoldeb chi fydd mynd ar ôl unrhyw lythyr cefnogaeth sydd heb gyrraedd.

Ffurflen Geirda Ôl-raddedig

1. Trosglwyddo Credydau: Efallai y bydd modd eich derbyn i raglen meistr a addysgir ar sail eich cymhwyster uwch yn y maes ar sail modiwlau lefel M a astudiwyd yn rhywle arall yn y Deyrnas Unedig yn ystod y pum mlynedd flaenorol. Cyflwynwch gais drwy ddefnyddio'r ffurflen gais safonol a nodwch yn adran y datganiad personol eich bod chi am gael eich ystyried drwy bolisi Trosglwyddo Credyd y Brifysgol.  Gwnewch yn siŵr eich bod yn cynnwys eich trawsgrifiadau academaidd blaenorol ynghyd â chopi o faes llafur y cwrs gan roi manylion am ddeilliannau dysgu a phwysoli credydau fel y gellir ystyried y cais am drosglwyddo credyd ochr yn ochr â'ch cais am y cwrs.
2. Dysgu drwy brofiad: Anogir ymgeiswyr sy'n dymuno cael eithriad ar sail profiad blaenorol i gysylltu â Thiwtor Derbyn perthnasol y rhaglen am drafodaeth anffurfiol cyn cyflwyno cais. Cyfrifoldeb yr ymgeisydd yw cyflwyno tystiolaeth i ategu ei gais am dysgu drwy brofiad.  Mae'n rhaid i ymgeiswyr ddangos eu bod wedi cyflawni profiad dysgu perthnasol. Gallai hyn fod drwy un neu fwy o'r canlynol, i'w benderfynu gan y Tiwtor Derbyn perthnasol:
   • ymgymryd ag un neu fwy o asesiadau cymeradwy ar gyfer pob modiwl (gallai hyn fod ar ffurf asesiadau safonol neu arholiadau atodol); neu asesiadau wedi'u dylunio a'u cymeradwyo'n benodol etc.); neu
   • gyflwyno portffolio o dystiolaeth i ddangos bod yr ymgeisydd wedi cyflawni deilliannau dysgu'r modiwl(au) a myfyrdod personol yr ymgeisydd am sut mae'r profiad wedi cynyddu ei ddealltwriaeth o'r maes pwnc perthnasol: gall hyn gynnwys cadarnhad gan reolwyr llinell o'r disgrifiad swydd/cyfrifoldebau'r swydd a galluoedd yr ymgeisydd.

Ar ôl i'r portffolio gael ei gyflwyno, bydd y Tiwtor Derbyn yn penderfynu a yw'r dystiolaeth a ddarparwyd yn dangos bod ymgeisydd wedi cyflawni deilliannau dysgu'r modiwlau yn Abertawe mae'n ceisio eithriad ar eu cyfer a bydd yn gwneud argymhelliad ynghylch dysgu drwy brofiad i Banel Matriciwleiddio'r Brifysgol. Gallai gymryd hyd at 10 wythnos i gwblhau'r ceisiadau hyn.

Os ystyrir bod canlyniad y dysgu drwy brofiad yn llwyddiannus, dylai ymgeiswyr wedyn gyflwyno cais safonol trwy Apply ynghyd ag e-bost yn cadarnhau bod eu cais i gydnabod dysgu blaenorol wedi’i gymeradwyo.