Sut i wneud cais am raglen ymchwil Ôl-raddedig

Mae'n hawdd cwblhau ein ffurflen gais ar-lein

Gellir cyflwyno cais am y rhan fwyaf o'n rhaglenni ymchwil ôl-raddedig ar-lein drwy ein Porth Ceisiadau 'Porth Dysgwyr'. Sylwer bod proses wahanol ar gyfer cyflwyno cais am ein cyrsiau ysgoloriaeth a ariennir yn llawn gan Brifysgol Abertawe:

https://www.swansea.ac.uk/cy/ol-raddedig/ysgoloriaethau/ysgoloriaethau-ymchwil-/

Cysylltwch â'r Swyddfa Derbyn drwy e-bost os oes gennych broblemau wrth ddefnyddio system cyflwyno cais ar-lein y Porth Ceisiadau 'Porth Dysgwyr'.

SYLWER: Ymgeiswyr ar gyfer PhD/EngD/ProfD/EdD - i gefnogi ein hymrwymiad i ddarparu amgylchedd sy'n rhydd o wahaniaethu a dathlu amrywiaeth ym Mhrifysgol Abertawe mae'n ofynnol i chi lenwi Ffurflen Monitro Cydraddoldeb, Amrywiaeth a Chynhwysiant yn ogystal â ffurflen gais eich rhaglen. Cliciwch ar y ddolen ganlynol i lenwi eich Ffurflen Monitro Cydraddoldeb, Amrywiaeth a Chynhwysiant:

• Ffurflen Monitro Cydraddoldeb, Amrywiaeth a Chynhwysiant (ffurflen ar-lein)

Sylwer bod cwblhau'r Ffurflen Monitro Cydraddoldeb, Amrywiaeth a Chynhwysiant yn orfodol; efallai na fydd eich cais yn cael ei ystyried/brosesu os nad yw'r wybodaeth hon wedi'i chyflwyno.

• dewiswch y cwrs rydych chi am gyflwyno cais amdano - chwiliwch yn ein rhestr A-Y o gyrsiau ymchwil ôl-raddedig
• gwiriwch ofynion mynediad y cwrs ar dudalen y cwrs neu yn y prosbectws.
• Cyflwyno Cais Ar-lein
• Cyflwynwch eich cais ynghyd â'r holl ddogfennau atodol  - gweler ein 'rhestr wirio dogfennau' isod. Efallai y bydd oedi wrth brosesu’ch cais os na fyddwch yn darparu'r holl ddogfennau angenrheidiol.
• Ar ôl i chi gyflwyno eich cais, byddwch yn derbyn e-bost sy'n cynnwys eich rhif myfyriwr. Rhaid cadw hwn mewn man diogel a'i ddefnyddio ym mhob gohebiaeth â ni yn y dyfodol.
• Bydd y tîm dethol perthnasol yn ystyried eich cais. Byddwn yn cysylltu â chi os bydd angen rhagor o wybodaeth arnom.
• Rydym yn ceisio gwneud penderfyniad ar eich cais cyn gynted â phosibl. Yn y rhan fwyaf o achosion, bydd hyn yn digwydd o fewn 15 niwrnod gwaith.
• Byddwch yn derbyn e-bost pan fydd penderfyniad wedi'i wneud ar eich cais.