Cwestiynnau Cyffredin Systemau Adnabod Rhifau Cerbydau Awtomatig

Rydym ni’n cynghori’r holl fyfyrwyr i ddewis dulliau llesol a chynaliadwy o deithio i’r campws pryd bynnag y bo modd. Os gallwch chi gerdded neu feicio, rydym ni’n eich annog i wneud hynny – mae’n fforddiadwy, yn gynaliadwy ac yn dda i’ch iechyd a’ch lles. I’r rhai sy’n byw ymhellach i ffwrdd, rydym ni’n eich argymell eich bod yn defnyddio cludiant cyhoeddus. Nid ydym yn argymell i fyfyrwyr ddod â’u ceir i’r brifysgol oherwydd bod parcio ar y campws ac o amgylch y ddinas yn gyfyngedig. I’r rhai mae’n rhaid iddynt yrru, mae gwybodaeth am barcio’n agos i’r campws ar gael ar-lein.  

Mae parcio ar y campws yn ystod oriau craidd (8am tan 4pm o ddydd Llun i ddydd Gwener ac ar y penwythnos (4pm ar ddydd Gwener tan 8am ar ddydd Llun) yn gyfyngedig i ddeiliaid hawlenni blynyddol a deiliaid hawlenni talu wrth barcio’n unig.

Os oes gennych chi hawlen ar gyfer parcio y tu allan i oriau craidd (sydd ar gael am y pris o £20 y flwyddyn), gallwch barcio ar y campws y tu allan i oriau craidd rhwng 4pm ac 8am o ddydd Llun i ddydd Gwener, ac o 4pm ar ddydd Gwener tan ddydd Llun am 8am. Does dim angen i chi dalu i barcio; bydd eich hawlen y tu allan i oriau craidd yn cynnwys hyn.

Os nad oes gennych chi hawlen i barcio y tu allan i oriau craidd, gallwch barcio ar y campws wedi 4pm a than 8am y bore canlynol yn ystod dyddiau’r wythnos, a rhwng 4pm ar ddydd Gwener ac 8am ar ddydd Llun, ar yr amod eich bod chi’n talu i barcio gan ddefnyddio’r ap neu’r peiriannau talu am barcio.

Gellir rhoi mynediad i gerbydau â hawlenni dilys eraill (e.e. sy’n bodloni meini prawf meddygol penodol neu lle mae angen addasiadau rhesymol) i ddod i’r campws yn ystod oriau craidd a dylent gyfeirio at amodau defnyddio eu hawlen.

Sylwer y byddwn yn rhoi tocyn parcio os byddwch chi'n dod â'ch cerbyd i'r campws neu'n ei adael ar y campws rhwng 8am a 4pm o ddydd Llun i ddydd Gwener, hyd yn oed os byddwch chi wedi talu i barcio. Bydd y camerâu ANPR a osodir ar y campws yn nodi nad yw'r cerbyd i fod ar y safle rhwng 8am a 4pm o ddydd Llun i ddydd Gwener.

Na allwch. Mae'r maes parcio ar Gampws y Bae ar gyfer parcio i ddeiliaid hawlenni parcio staff yn ystod oriau craidd. O 1 Mehefin, os byddwch chi'n parcio yn y maes parcio hwnnw heb hawlen ddilys, byddwch yn derbyn hysbysiad o dâl parcio.

Na allwch.  

Bydd eich hawlen y tu allan i oriau craidd yn rhoi'r hawl i chi barcio ar y campws am ddim rhwng 4pm ac 8am o ddydd Llun i ddydd Gwener a rhwng 4pm ar ddydd Gwener ac 8am ar ddydd Llun.

Bydd angen symud eich cerbyd oddi ar y campws cyn 8am bob dydd (dydd Llun i ddydd Gwener) ac ni fydd modd i chi ddychwelyd tan wedi 4pm. Byddwch yn derbyn tocyn parcio os byddwch chi'n dod â'r cerbyd i'r campws rhwng yr oriau hynny, hyd yn oed os byddwch chi wedi talu i barcio, a bydd y camerâu ANPR a osodir ar y campws yn nodi nad yw'r cerbyd wedi’i awdurdodi i fod ar y safle rhwng 8am a 4pm o ddydd Llun i ddydd Gwener.

Na, ni fydd yn rhaid i chi dalu i barcio ar ben eich hawlen y tu allan i oriau craidd. Mae honno'n caniatáu i chi barcio ar y campws wedi 4pm a than 8am y bore nesaf ac ar y penwythnos am gost o £20 y flwyddyn.

Gallwch gyflwyno cais am hawlen y tu allan i oriau craidd ar ein tudalen Teithio mewn Car unrhyw bryd yn ystod eich blwyddyn academaidd, ond ni fydd y ffi o £20 i barcio y tu allan i oriau craidd ar gael ar sail pro rata.

Mae'r holl hawlenni ar gyfer oriau y tu allan i oriau craidd yn ddilys am 12 mis, o 30 Medi bob blwyddyn.

Nac oes. Os oes gennych chi hawlen sy'n rhoi'r hawl i chi barcio ar y campws, ni fydd yn rhaid i chi dalu i barcio'n ychwanegol at hynny.

Ni fydd yn rhaid i chi arddangos tocyn oherwydd nid yw pob dull talu yn creu tocyn talu ac arddangos. 

Caiff hysbysiadau o daliadau cosb eu rhoi am sawl rheswm, gan gynnwys:

• Parcio ar y campws heb hawlen ddilys rhwng 8am a 4pm o ddydd Llun i ddydd Gwener (mae hyn yn berthnasol hyd yn oes os ydych chi wedi talu i barcio oherwydd bod yn rhaid i chi feddu ar hawlen i barcio ar y campws yn ystod oriau craidd ar ddyddiau'r wythnos. 
• Parcio ar y campws a pheidio â thalu i barcio gyda'r hwyr ac ar y penwythnos, oni bai bod gennych chi hawlen i barcio y tu allan i oriau craidd.
• Parcio y tu allan i gilfach wedi’i marcio
• Aros yn rhy hir os ydych chi wedi talu i barcio 

Mae gwybodaeth fanwl am hysbysiadau o daliadau cosb ar gael ar-lein.  

Oes. Rhaid arddangos eich hawlen ar ochr dde eich sgrîn wynt.

Caiff camerâu eu lleoli ger pob mynedfa ac allanfa ar draws y ddau gampws, ac mewn mannau amrywiol ar draws y meysydd parcio.

Nid ydym yn annog myfyrwyr i yrru i'r campws ond os bydd yn rhaid i chi yrru, mae sawl maes parcio dynodedig sy'n agos i'r campws. Mae'r rhain yn cynnwys:  

• Maes Hamdden y Rec 
• Pub on the Pond 
• Parcio a Theithio Ffordd Fabian

Os ydych chi'n parcio oddi ar y campws, defnyddiwch y cyfleusterau parcio dynodedig a dylech chi bob amser parcio'n ystyriol, yn ddiogel ac yn gyfreithlon a bod yn ofalus i barchu ein cymdogion sy'n byw yn y gymuned leol.

Rhaid cyflwyno gwrthwynebiad i'r Hysbysiad o Dâl Parcio o fewn 28 niwrnod i ddyddiad yr Hysbysiad o Dâl Parcio. Dylid cyflwyno apêl yn uniongyrchol i Total Parking Solutions.  Y cwmni hwnnw fydd yn ymateb i'r apêl, gan ymgynghori â Chyfarwyddiaeth Ystadau a Rheoli Cyfleusterau'r Brifysgol os bydd angen. 

I apelio yn erbyn eich Hysbysiad o Dâl Parcio, ewch i  www.tpstickets.co.uk/appeals, neu e-bostiwch pcn@totalparking.co.uk.

Fel arall, gallwch ysgrifennu i'r cyfeiriad canlynol: 

Total Parking Solutions Ltd 

Parking Enforcement Department 

PO BOX 7135 Kettering 

NN16 6BP 

Gellir talu â siec neu archeb bost i'r cyfeiriad uchod. Sicrhewch eich bod yn ysgrifennu rhif y tocyn a'ch cyfeiriad ar gefn y siec neu'r archeb bost. Peidiwch â cheisio talu staff Ystadau a Chyfleusterau, gan nad ydynt wedi'u hawdurdodi i dderbyn taliadau. 

Cewch hyd i wybodaeth am barcio o amgylch Campws Singleton ar y dudalen Teithio mewn Car

Cewch hyd i fanylion parcio o amgylch Campws y Bae ar y dudalen teithio mewn Car.