1. Hafan
  2. Y Brifysgol
  3. Staff
  4. Staff yn y Gyfadran Gwyddoniaeth a Pheirianneg
  5. Staff Ysgol y Biowyddorau, Daearyddiaeth a Ffiseg
  6. Ein Staff Daearyddiaeth
  7. Miss Rebecca Schlegel

Miss Rebecca Schlegel

Cyswllt Ymchwil Er Anrhydedd
Faculty of Science and Engineering

Cyfeiriad ebost

Twitter Account

229E
Ail lawr
Adeilad Wallace
Campws Singleton

Dolenni Ymchwil

ResearchGate
Google Scholar
ResearcherID

Trosolwg

Rhewlifegydd a geoffisegydd ydw i sy'n gweithio fel Cymrawd Ymchwil IMPACT yn yr adran ddaearyddiaeth ym Mhrifysgol Abertawe. Mae gennyf PhD mewn Daearyddiaeth Ffisegol (Prifysgol Abertawe, 2022), MSc mewn Gwyddor Daear (Prifysgol Bremen, 2017) a BSc yn y Gwyddorau Daear (Prifysgol Goethe Frankfurt, 2014).

Mae fy ymchwil bresennol yn canolbwyntio ar briodweddau gwelyau a thopograffi o dan ffrydiau iâ a'r ffordd y maent yn cydweithredu â dynameg iâ. Rwy'n defnyddio technegau geoffisegol gwahanol, ond yn canolbwyntio'n bennaf ar radar a seismig i fapio ffurfiau gwely tanrewlifol o dan ffrydiau iâ modern yng Ngorllewin Antarctica. Rwy'n ceisio deall y prosesau a'r amodau lle mae ffurfiau gwely tanrewlifol yn ffurfio a sut y gallwn ddefnyddio'r wybodaeth hon i fwydo modelau rhifiadol o ddeinameg iâ yn well.

Meysydd Arbenigedd

  • Geoffiseg gymhwysol
  • Geoffiseg Arwyneb Agos
  • Geomorffoleg
  • Ffurfiau gwely Tanrewlifol
  • Radar treiddio i'r ddaear
  • Seismeg adlewyrchiad a phlygiant
  • Gwaith maes yn Antarctica a'r Alpau Ewropeaidd
  • Cyfathrebu Gwyddoniaeth

Uchafbwyntiau Gyrfa

Ymchwil

Mae fy thesis PhD a'm gwaith presennol yn canolbwyntio ar ffurfiau gwely tanrewlifol (nodweddion topograffig sy'n ffurfio yn y gwely o dan iâ sy'n llifo). Mae ffurfiau gwely megis graeanfryniau a llinelliadau rhewlifol ar mega-raddfa i'w cael o dan ffrydiau iâ sy'n llifo'n gyflym, a gwyddys eu bod yn effeithio ar lif yr iâ a'i gofnodi, gan ddarparu mewnwelediad i’r berthynas dynameg iâ a'r amgylchedd tanrewlifol.

Er mwyn deall yr amodau a'r prosesau y mae'r ffurfiau gwely hyn yn esblygu oddi tanynt, rwy'n canolbwyntio ar ail-greu topograffi eglur iawn a gwybodaeth am briodweddau ffurfiau gwely o dan Ffrwd Iâ Rutford yng Ngorllewin Antarctica. I gyflawni hyn, rwy'n caffael data radar wedi'i ofodi’n ddwys sydd wedyn yn cael ei brosesu ar ffurf 3D (yn cynnwys mudo). Mae hyn yn arwain at ddelweddau eglur iawn o dopograffi'r gwely. Er mwyn tynnu sylw at nodweddion ar raddfa fach a materion cymhleth, rwy’n cyfrifo mesurau gwahanol ymhellach (a elwir yn briodoleddau) y gwely, megis y golethrau a chrymedd y topograffi.
Gan ddefnyddio'r wybodaeth a dderbyniaf o ddadansoddi priodweddau’r gwely (gwely meddal neu galed) yn ogystal â'r topograffi manwl, rwy'n ail-greu prosesau ac amodau ffurfio’r gwely. Rwy'n cymharu'r arsylwadau hyn o Ffrwd Iâ Rutford ymhellach â damcaniaethau presennol am eu ffurfiant.

Gan fod bwlch rhwng damcaniaeth ac arsylwadau, yn enwedig o ran ffurfiau gweld tanrewlifol, dechreuais i weithio gyda modelau rhifiadol (iâ Elmer) yn ddiweddar, i weld a all amodau a phrosesau a nodwyd gan ddefnyddio'r data geoffisegol gychwyn ffurfiau gwely.

Prif Wobrau Cydweithrediadau