Trosolwg
O 1981-1984, darllenodd Mario Athroniaeth a Diwinyddiaeth yng Ngholeg y Brenin Llundain, gan raddio gyda gradd B.A. Anrhydedd ac A.K.C. (Cydymaith Coleg y Brenin) ym 1984. Yn y flwyddyn ganlynol (1984-1985), astudiodd Athroniaeth, Cymdeithaseg a Gwyddor Addysgol ym Mhrifysgolion Bielefeld a Berlin (Yr Almaen). Ym 1985, cychwynnodd ar raglen ymchwil M.Phil. mewn Theori Foesol Gyfoes ac Athroniaeth Gwleidyddol ym Mhrifysgol St Andrews. Yn 1987, dychwelodd i Brifysgol Rydd Berlin ar gyfer astudiaethau pellach mewn Athroniaeth, Cymdeithaseg a Theori Addysgol. Yn ystod haf 1988, trosglwyddodd i Brifysgol Illinois yn Urbana-Champaign (UDA) i wneud doethuriaeth mewn Athroniaeth ac, ym 1992, fe’i penodwyd yn Ddarlithydd Athroniaeth yn Abertawe. Ymunodd â’r Adran Astudiaethau Gwleidyddol a Diwylliannol yn hydref 2009. Mae Mario yn Olygydd Cyswllt y cyfnodolyn rhyngwladol Philosophical Investigations (Prif Olygydd: H.O. Mounce), ac yn Aelod Anrhydeddus o Gymdeithas Wittgenstein Prydain.