Gwerthoedd Gwasanaeth Proffesiynol

Ar gyfer ymgeiswyr sy’n dymuno cyflwyno cais am swyddi Gwasanaethau Proffesiynol a swyddi cynorthwyol, dylech chi ymgyfarwyddo â Gwerthoedd y Gwasanaethau Proffesiynol isod. Mae ein proses recriwtio yn ceisio gwerthuso ymgeiswyr yn erbyn y gwerthoedd hyn, ochr yn ochr â’r meini prawf sy’n gysylltiedig â’r swydd a nodwyd yn y disgrifiad swydd.

Os ydych chi’n cyflwyno cais am swydd Arweinyddiaeth, darllenwch ein Disgwyliadau Arweinyddiaeth

Os ydych chi’n ail-ymgeisio am swydd academaidd, efallai y byddai’n ddefnyddiol i chi adolygu ein Llwybrau Gyrfa Academaidd

Rydym ni’n Broffesiynol

Rydym ni’n ymfalchïo mewn cymhwyso ein gwybodaeth, ein sgiliau, ein gallu creadigol, ein huniondeb a’n gallu i farnu er mwyn darparu gwasanaethau arloesol, effeithiol, effeithlon a datrysiadau o ansawdd ardderchog

- enghreifftiau - Byddwn ni, staff gwasanaethau proffesiynol Prifysgol Abertawe, yn:

Teimlo balchder wrth dderbyn ac arddangos cyfrifoldeb personol wrth gwblhau pethau ar amser ac i’r safon a ddisgwylir
Darparu, ceisio a gwerthfawrogi adborth adeiladol rheolaidd, gan ei ddefnyddio i nodi datblygiad personol a gwella ein darpariaeth o ragoriaeth
Meddwl yn agored am syniadau a chynigion newydd er mwyn darparu a chreu atebion arloesol
Bod yn atebol am fethiant yn ogystal â llwyddiant, gan wneud penderfyniadau cytbwys a chymryd cyfrifoldeb drostyn nhw

- enghreifftiau - Ni fyddwn ni, staff gwasanaethau proffesiynol Prifysgol Abertawe, yn:

Methu â deall pwysigrwydd datblygiad proffesiynol parhaus wrth ddysgu sgiliau newydd, datblygu dealltwriaeth a gadael i bobl wybod beth sy’n digwydd; naill ai wrth osgoi cyfleoedd datblygu neu drwy fethu â rhoi sgiliau newydd ar waith
Methu terfynau amser, defnyddio pwysau amser fel esgus dros beidio â meddwl am bethau’n wahanol neu orffen pethau
Osgoi gwneud penderfyniadau a methu â chymryd cyfrifoldeb dros flaenoriaethu ein gwaith, sy’n arwain at waith o safon isel
Methu â gofyn am eglurdeb pan rydyn ni’n ansicr o’r hyn a ddisgwylir gennym ni, neu osgoi derbyn adborth

Rydym ni’n Gweithio gyda’n Gilydd

Rydym ni’n ymfalchïo ein bod yn gweithio mewn amgylchedd rhagweithiol, ar y cyd lle ceir cydraddoldeb, ymddiriedaeth, parch, cydweithrediad a her er mwyn darparu gwasanaethau sy’n ymdrechu i ragori ar anghenion a disgwyliadau cwsmeriaid.

- enghreifftiau - Byddwn ni, staff gwasanaethau proffesiynol Prifysgol Abertawe, yn:

Gweithio’n barchus gydag eraill, gan greu ymddiriedaeth drwy gyfathrebu a rhannu gwybodaeth a gadael iddyn nhw wybod yn rheolaidd beth sy’n digwydd
Deall a gwrando ar farn eraill fel y gellir darganfod yr atebion gorau
Bod yn ymwybodol o sut mae ein gweithredoedd yn effeithio ar eraill a herio sefyllfaoedd ble mae gweithredoedd anaddas yn tanseilio cydraddoldeb, ymddiriedaeth, parch a chydweithrediad
Bod yn atebol am weithio gydag eraill mewn ffordd ragweithiol sy’n ymdrechu i ragori ar anghenion a disgwyliadau cwsmeriaid

- enghreifftiau - Ni fyddwn ni, staff gwasanaethau proffesiynol Prifysgol Abertawe, yn:

Bod yn amharchus ac yn feirniadol tuag at gydweithwyr, ymddwyn yn hunanol, a methu â gweld y darlun mawr
Osgoi cyfrannu at drafodaethau grŵp neu ddiystyru eraill heb wrando
Bod yn anodd dod aton ni, gadael i’n hwyliau neu’n hamgylchiadau effeithio ar ein perthnasoedd gydag eraill
Rhoi ein blaenoriaethau o flaen rhai’r cwsmer, wrth beidio â chydweithredu â chydweithwyr, na herio ein hunain nac eraill i wella’r ffordd mae ein gwasanaeth yn cael ei ddarparu

Rydym ni’n Gofalu

Rydym ni’n derbyn cyfrifoldeb am wrando, deall ac ymateb yn hyblyg i’n myfyrwyr, ein cydweithwyr, ein partneriaid allanol a’r cyhoedd, fel bod pob cyswllt â gânt gyda ni yn brofiad personol, cadarnhaol.

- enghreifftiau - Byddwn ni, staff gwasanaethau proffesiynol Prifysgol Abertawe, yn:

Cymryd cyfrifoldeb personol dros wir wrando a llwyr ddeall pwy yw ein cwsmer a beth yw ei anghenion
Ymateb mewn modd gofalgar a hyblyg i sicrhau bod yr anghenion hyn yn cael eu diwallu, gan ofyn am gymorth os na allwn ni ddod o hyd i ateb, a hysbysu’r cwsmer o’r datblygiadau
Deall pwysigrwydd cadw addewidion, cydnabod pan aiff pethau o’i le a gweithio’n galed i’w gwella
Darparu cymorth a gwybodaeth glir, ddefnyddiol a phrydlon, sydd wedi eu teilwra i ddiwallu anghenion pob cwsmer unigol

- enghreifftiau - Ni fyddwn ni, staff gwasanaethau proffesiynol Prifysgol Abertawe, yn

Bod yn anymwybodol o bwy yw ein cwsmeriaid a’u hanghenion unigol
Methu â gwrando ar ein cwsmeriaid, deall, na pharchu eu barn.
Bod yn anhyblyg; beio polisïau, prosesau neu ddiffyg adnoddau am beidio â darparu gwasanaeth da
Bod yn anfoesgar, nawddoglyd, digymwynas, anghyfeillgar neu amharchus tuag at ein cwsmeriaid; methu â chyfathrebu ymlaen llaw os nad ydyn ni’n debygol o gwrdd â therfyn amser