Cynorthwy-ydd Ymchwil Prosiect Chwaraeon Modur

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Rydym yn chwilio am Gynorthwy-ydd Ymchwil llawn ysgogiad i ymuno â'n tîm. Yn y rôl hon, byddwch yn gweithio gyda phartneriaid o'r diwydiant chwaraeon modur i ateb cwestiynau a geir yn y maes hwn, gan gyfrannu at brosiectau sy'n llywio arferion yn y byd go iawn sy'n ymwneud ag iechyd ffisiolegol a pherfformiad. Mae ffocws y gwaith ymchwil ar bynciau sy'n ymwneud ag iechyd a pherfformiad gyda phwyslais ar agweddau ffisiolegol a maethol. Bydd angen i chi gyfrannu at gyfres amrywiol o ddulliau profi ac asesu, gan gynnwys dulliau delweddu megis amsugniametreg pelydr x ynni deuol (DXA) a sonograffeg uwch, yn ogystal â phrotocolau profi ffisioleg ymarfer corff (e.e. uchafswm V̇O₂, pŵer critigol, trothwy cyfnewid nwy). Bydd canlyniadau'r astudiaethau hyn yn ein helpu i lywio arferion gorau mewn lleoliadau cymhwysol yn enwedig amgylchoedd perfformiad uchel.

Mae'r rôl hon yn ddelfrydol i rywun sydd â diddordeb mewn ymchwil, ffisioleg chwaraeon ac ymarfer corff, a gweithio ar brosiectau arloesol sy'n cael effaith uniongyrchol ar bobl broffesiynol yn y maes.  Rhaid i'r ymgeisydd delfrydol feddu ar MSc (neu gyfwerth) yn y Gwyddorau Chwaraeon ac Ymarfer Corff/Ffisioleg gyda phrofiad o berfformio dulliau delweddu megis DXA ac uwchsain (cyhyrysgerbydol a fasgwlaidd), gan gynnal profion ffisioleg ymarfer corff (e.e. uchafswm V̇O₂, pŵer critigol, trothwy cyfnewid nwyon), cynnal asesiadau cardiofasgwlaidd manwl gan gynnwys ecocardiogramau ac electrocardiogramau, sy'n pennu asesiadau cryfder uchaf ar gyfer y breichiau a'r coesau a rhan serfigol yr asgwrn cefn, gan gynnal asesiadau sy'n ymwneud â ffisioleg thermol, gan gynnwys y defnydd o siambr amgylcheddol, asesiadau tymheredd y craidd a'r croen. Dylech hefyd allu dangos y gallu i gymryd rhan mewn ysgrifennu a chyhoeddi erthyglau ymchwil a chyfrannu atynt mewn cyfnodolion a adolygir gan gymheiriaid. Dylai ymgeiswyr feddu ar PhD yn y Gwyddorau Chwaraeon ac Ymarfer Corff (e.e. ffisioleg ymarfer corff neu faeth) a meddu ar brofiad yn cynnal dadansoddiad maeth manwl a dulliau dadansoddi moleciwlaidd sylfaenol ac uwch, mae hyn oll yn ddymunol ond nid yn hanfodol.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Mae menywod wedi’u tangynrychioli yn y byd ymchwil a byddem yn croesawu ceisiadau gan fenywod yn benodol ar gyfer y swydd hon. Hefyd mae unigolion o gefndiroedd lleiafrifoedd ethnig wedi’u tangynrychioli a byddem yn annog ceisiadau gan y grwpiau hyn.Penodir ar sail teilyngdod bob amser. 

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu

Lawrlwytho FSE-Candidate-Brochure-(CY).pdf Lawrlwytho Disgrifiad swydd.docx Argraffu'r dudalen hon Yn ôl at y rhestr