Cynorthwy-ydd Ymchwil Ôl-ddoethurol

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Dyma gyfle ar gyfer ymchwilydd ôl-ddoethurol llawn ysgogiad i weithio ar gwestiwn pwysig sydd heb ei ateb o ran lliw primatiaid: pam mae lliw epil cynifer o rywogaethau primat mor amlwg. Er enghraifft, mae oedolion langwriaid Hatinh (Trachypithecus hatinhensis) yn ddu tra bod yr epil yn oren llachar. Bydd y prosiect yn ymchwilio i sawl damcaniaeth pam y gallai fod yn fanteisiol i aelodau mwyaf diamddiffyn grŵp cymdeithasol fod yn weladwy.

Bydd yr ymgeisydd llwyddiannus yn ymuno â'r Labordy Ecoleg Esblygiadol a Synhwyraidd i weithio ar brosiect a ariennir gan yr NSF-BBSRC “Primate natal coats: Form and function” ar y cyd â grŵp Ecoleg ac Esblygiad Primatiaid ym Mhrifysgol Efrog Newydd. Bydd yr ymgeisydd yn ymuno hanner ffordd drwy'r prosiect cyffredinol, ac yn cael y cyfle i arwain prosiect byr ar liw genedigol primatiaid ar y cyd ag ymchwilwyr arweiniol a chyfrannu at gydrannau eraill y prosiect sy'n mynd rhagddo. Bydd hyn yn cynnwys dadansoddi data a pharatoi llawysgrifau, a byddai'n addas ar gyfer ymgeisydd sydd am ddatblygu arbenigedd a chofnod o gyhoeddiadau mewn ecoleg synhwyraidd ac esblygol.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu

Lawrlwytho FSE-Candidate-Brochure-(CY).pdf Lawrlwytho Disgrifiad swydd Argraffu'r dudalen hon Yn ôl at y rhestr