Swyddog Datblygu Busnes

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Mae BioHYB Cynhyrchion Naturiol yr Economi Werdd yn brosiect cydweithredol rhwng diwydiant a'r byd academaidd sydd â'r nod o gyflymu’r gwaith o ddatblygu ac arloesi cynhyrchion o organeddau byw sy'n ddichonol yn economaidd. Bydd y Swyddog Datblygu Busnes yn chwarae rôl hollbwysig wrth greu a chynnal ecosystem gydweithredol sy'n sbarduno arloesi a masnacheiddio cynhyrchion naturiol. Bydd y rôl hon yn cynorthwyo wrth gyflymu twf economaidd, creu swyddi a chynaliadwyedd economaidd, yn unol â nodau'r Ganolfan. Bydd deiliad y swydd yn gweithio'n agos gyda staff academaidd, timau gwasanaeth proffesiynol a phartneriaid allanol i ddatgloi potensial diwydiannol microbau ewcaryotig, ffyngau ac algâu yn benodol, gan fynd â nhw o'r cam darganfod i fasnacheiddio. Yn ogystal â meithrin twf busnes, bydd y Swyddog Datblygu Busnes yn cynnig cyngor strategol a chymorth i egin fusnesau, cwmnïau deillio allan, cwmnïau deillio i mewn a busnesau sefydledig yn y Ganolfan, gan roi pwyslais cryf ar gynaliadwyedd ac arloesi.

 Mae'r rôl yn hollbwysig i ysgogi masnacheiddio allbynnau ymchwil y Ganolfan, gan sicrhau bod y Brifysgol yn uchafu effaith a gwerth ei hasedau eiddo deallusol gan gefnogi datblygiad mentrau busnes cynaliadwy ac arloesol sy'n cyfrannu at dwf economaidd rhanbarthol, cenedlaethol a byd-eang.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu

Lawrlwytho PS-Candidate-Brochure-(CY).pdf Lawrlwytho Disgrifiad swydd.docx Argraffu'r dudalen hon Yn ôl at y rhestr