Lleoedd i fwyta ar y campws

Rydym wrth ein boddau i'ch hysbysu bod y gwaith i adnewyddu cegin Tŷ Fulton wedi cael ei gwblhau!

Diolch am eich amynedd gyda ni yn ystod y datblygiad pwysig hwn ar y campws a diolch yn fawr iawn i bawb sydd wedi bod ynghlwm wrth y prosiect buddsoddi hanfodol hwn sy'n cefnogi datblygiad ein strategaeth arlwyo.

Mae'r gegin newydd wedi'i thrawsnewid yn gegin fasnachol fodern a fydd yn ein helpu i wireddu ein huchelgeisiau i ddarparu profiad arlwyo cynaliadwy o safon uchel ar y campws, sy'n diwallu anghenion ein cymuned amrywiol o fyfyrwyr, staff ac ymwelwyr.

Dyma hefyd gam terfynol gwireddu Harbwr Fulton, ac rydym yn falch iawn o weld ein gofod bwyta a chymdeithasu diweddaraf ar Gampws Singleton yn barod i agor.

Bwyta ac Yfed yn Harbwr

Gallwch weld beth sy'n cael ei gynnig yn Harbwr ar ap Uni Food Hub, lle gallwch archwilio mannau arlwyo ar y campws, pori bwydlenni, archebu eich bwyd ar-lein a chael cynigion a gwobrwyon, i gyd mewn un lle - gallwch hefyd archebu o'r ciosg y tu mewn i'r lleoliad.

Rydym wir yn gobeithio eich bod yn mwynhau'r gofod newydd hwn ar y campws. Os nad ydych wedi cael y cyfle i ymweld â Harbwr eto, rydym yn eich annog i gymryd cipolwg!

Yn y cyfamser, mae popeth sydd angen i chi ei wybod am fwyta ac yfed yn Abertawe, yn cynnwys manylion am oriau agor y tu allan i ddyddiau'r tymor, ar wefan y Brifysgol: www.swansea.ac.uk/cy/y-brifysgol/amdanom-ni/gwasanaethau-arlwyo/ . Ac i gael yr holl newyddion diweddaraf am fwyd, dilynwch @swanseaunifood ar Instagram.

Gwaith Dymchwel y Gegin dros dro - Gwybodaeth Bwysig

O 12 Mehefin, bydd y gegin dros dro a leolir ar ochr ddwyreiniol Tŷ Fulton ar gau ac bydd gwaith  paratoi i'w dymchwel yn dechrau. Bydd y gwaith i ddymchwel yr uned yn digwydd ddydd Mercher 19 a dydd Iau 20 Mehefin, a bydd craen ar y safle. Bydd mynediad i'r ffordd sydd ar ochr ddwyreiniol Tŷ Fulton lle lleolir y gegin ar gau i gerbydau a cherddwyr, ac ni fydd modd defnyddio’r rheseli beiciau - bydd rhwystrau yn eu lle a bydd y Gwasanaethau Diogelwch ar ddyletswydd yn yr ardal i sicrhau diogelwch defnyddwyr y campws. Ni fydd modd parcio ychwaith yn y cilfannau gollwng y tu cefn i Dŷ Fulton yn ystod y cyfnod hwnnw. Sylwer, yn dilyn dymchwel y gegin, bydd y ffordd fynediad ar gau ar gyfer gwaith hanfodol dros y penwythnos, o ddydd Gwener 21 Mehefin. Bydd y ffordd yn ailagor yn ystod yr wythnos sy’n dechrau 24 Mehefin.

Bydd y ffordd at faes parcio Taliesin yn parhau ar agor, fodd bynnag gall fod cyfnodau byr pan na fydd mynediad iddi.

Sefydliad 80 mlynedd oed sy'n dod â brechdanau ffres a chrwst pwff euraidd i chi.

Eich hoff siop Starbucks, sy'n cynnig coffi Starbucks, teisenni, brechdanau a mwy. 

Yn gweini coffi 'change please', brechdanau, byrbrydau a mwy.

Yn darparu burritos a thacos Mecsicanaidd ffres.

Canolfan y celfyddydau orau Abertawe.
📅 Ar agor i ddigwyddiadau'n unig

Y tro nesaf y byddwch chi'n ymweld â Phwll Cenedlaethol Cymru Abertawe, beth am fanteisio ar ein cyfleusterau caffi.

Mae'r Guddfan yng nghanol Campws y Bae, lle gallwch chi gael blas ar amrywiaeth eang o fwydydd sy'n dod o'r gegin.

Gallwch chi fwynhau coffi nodweddiadol Costa yn y Coleg, ynghyd ag amrywiaeth o frechdanau a byrbrydau.

P'un a oes awydd brechdan chwe modfedd neu droedfedd o hyd arnoch chi, mae amrywiaeth o frechdanau blasus ar gael i chi roi cynnig arnynt.

Tafarn Tawe yw'r dafarn i fyfyrwyr ar Gampws y Bae, sy'n darparu popeth y mae ei angen arnoch chi i fwynhau digwyddiad cymdeithasol.

Coffeeopolis, sydd yn Adeilad Canolog Peirianneg, yw'r lle perffaith i chi brynu eich hoff ddiodydd 'Change Please'. Diodydd poeth ac oer, brechdanau a mwy.

Gallwch chi fwynhau ein bar, sydd â thrwydded lawn, yn ystod eich digwyddiad, wrth i chi fwynhau'r golygfeydd anhygoel ar draws y Bae.

📅 Ar agor ar gyfer digwyddiadau yn unig