1. Hafan
  2. Y Brifysgol
  3. Bywyd y campws
  4. Y Neuadd Fawr
  5. Am Y Neuadd Fawr

Am Y Neuadd Fawr

Am Y Neuadd Fawr

Lleoliad celfyddydau diwylliannol amlbwrpas ar gyfer y Brifysgol a'r gymuned ehangach gan gynnwys awditoriwm â 700 o seddi, darlithfeydd o’r radd flaenaf, ystafelloedd cyfarfod a chaffi hyfryd sy’n cynnig golygfeydd godidog dros Fae Abertawe.

Dyluniwyd y cyfleuster hwn gwerth £32m gan y pensaer byd-enwog Dr Demetri Porphyrios fel gofod amlbwrpas a’r gobaith yw y bydd yn ymestyn allan y tu hwnt i’r Brifysgol i’r gymuned ehangach.

Dyluniwyd y Neuadd Fawr i ddarparu cartref newydd i’r celfyddydau yn y Brifysgol; ac adeiladu ar gynigion presennol y celfyddydau diwylliannol sef theatr, dawns, cerddoriaeth, y celfyddydau gweledol, crefft a sinema a ddarperir gan theatr Taliesin ar Gampws Parc Singleton.

Lleoliad cymunedol aml-bwrpas

Picnicking on the lawn behind the Great Hall during the British Gerontology Conference

Lleoliad cymunedol aml-bwrpas

Mae’r Neuadd Fawr yn ofod ysbrydoledig, aml-bwrpas lle y gall aelodau’r cyhoedd uno â chymuned y campws a chymryd rhan mewn gwledd o ddigwyddiadau a gweithgareddau; o berfformiadau cerddoriaeth a’r celfyddydau, darlithoedd cyhoeddus a mentrau allgymorth cymunedol, i wyliau, cynadleddau, arddangosfeydd a dathliadau.

Lleoliad Neilltuol ar Lan y Môr

Y Neuadd Fawr yw’r adeilad blaenllaw wrth galon Campws y Bae newydd sbon Prifysgol Abertawe sydd wedi’i lleoli mewn lleoliad neilltuol ar safle 65 o erwau a oedd yn gyn-safle tramwy BP ar ochr ddwyreiniol Abertawe.

Mae’r campws wedi’i leoli wrth ymyl Traeth Abertawe a cheir mynediad uniongyrchol i’w draeth preifat a’i bromenâd glan môr ei hun. Mae hefyd wedi’i leoli cyferbyn â Safle o Ddiddordeb Gwyddonol Arbennig Twyni Crymlyn y mae’r Brifysgol yn berchen arno ac yn gyfrifol am ei ddiogelu.

 

Couple have their wedding photos taken on beach in front of Great Hall
Students on the SSSI

Safle o Ddiddordeb Gwyddonol Arbennig Twyni Crymlyn

Ychydig i’r Dwyrain o’r Neuadd Fawr ar Gampws y Bae ceir Safle o Ddiddordeb Gwyddonol Arbennig y mae’r Brifysgol yn berchen arno.

Mae’r cynefinoedd gwarchodedig yn Nhwyni Crymlyn yn cynnwys twyni tywod, morfa heli a’r traeth ei hun.

Cewch wybodaeth bellach am y Safle o Ddiddordeb Gwyddonol Arbennig yma. 

Awditoriwm Syr Stanley Clarke

Y gofod allweddol o fewn cyfadeilad syfrdanol Neuadd Fawr Prifysgol Abertawe yw Awditoriwm ysblennydd Syr Stanley Clarke a enwir yn ôl sefydlwr datblygwr arweiniol y safle sef St Modwen.

Mae’r lleoliad cyngherddau â phaneli pren syfrdanol a’i seddi coch gwahaniaethol a’i fanyleb ddylunio technegol ac acwsteg o’r radd flaenaf yn darparu lleoliad aml-bwrpas ar gyfer perfformiadau, datganiadau, cyngherddau, cynadleddau a digwyddiadau.

Awditoriwm Syr Stanley Clarke
On the terrace - GH Cafe

Cafe GH

Wedi’i leoli yng nghefn cyfadeilad y Neuadd Fawr mae’r Caffi yn y Neuadd Fawr yn lleoliad soffistigedig ond ymlaciedig lle gallwch fwynhau bwyd a diod ardderchog gyda ffrindiau a chydweithwyr wrth fwynhau golygfeydd godidog dros y Bae.