Yma ym Mhrifysgol Abertawe, rydym yn cynnig cyfleoedd anhygoel i fyfyrwyr sydd am barhau â'u hastudiaethau academaidd, ond gan ganlyn eu gyrfa rygbi ar yr un pryd.
Drwy ein rhaglen rygbi merched perfformiad uchel, rydym yn datblygu chwaraewyr i'w potensial uchaf mewn amgylchedd cadarnhaol, gan annog disgyblaeth, ymrwymiad, uniondeb ac anrhydedd, ar y cae ac oddi arno.
Rydym yn ceisio darparu'r profiad rygbi gorau posibl, gan roi'r cyfle i bob chwaraewr, boed yn brofiadol neu'n newydd i'r gêm, gyflawni ei botensial unigol llawn.
Os hoffech ymuno â'n tîm rygbi, ewch i dudalen y clwb ar wefan yr undeb myfyrwyr, neu os oes gennych unrhyw ymholiadau am ein rhaglen perfformiad uchel, cysylltwch â'n Rheolwr Perfformiad Rygbi drwy e-bost.
Hugh Gustafson, Rheolwr Perfformiad Rygbi
Mae Hugh yn rheoli ac yn cyfrannu at y gwaith o bennu cyfeiriad strategol, arwain a goruchwylio rygbi perfformiad ym Mhrifysgol Abertawe. Mae Hugh yn sicrhau llwyddiant parhaus mewn cystadlaethau BUCS a Farsiti, gan feithrin diwylliant ac amgylchedd rygbi perfformiad uchel. Mae'n sicrhau llwybr clir a chadarn i'r gêm broffesiynol ac i chwarae rygbi rhyngwladol ar draws y rhaglenni perfformiad rygbi dynion a merched. Mae Hugh yn un o hyfforddwyr sgiliau academi'r Gweilch ac yn brif hyfforddwr ar gyfer Prifysgol Abertawe a Chlwb Rygbi Abertawe. Bu'n chwarae yn y rheng flaen dros y Gweilch, y Dreigiau a thîm Cymru o dan 20 oed.
Mae Nick yn ymwneud â hyfforddiant llwybr â'r Gweilch, ac mae hefyd wedi bod yn hyfforddwr gyda Phen-y-bont ar Ogwr o fewn Uwch-gynghrair Cymru.
Rydym yn cynnig amrywiaeth o gyfleoedd i chi mewn perthynas â'n tîm rygbi dynion ac i gefnogi'r tîm neu chwaraewyr, gan adeiladu eich brand eich hun ar yr un pryd.
E-bostiwch ni
.png)
