Canolfan Gwasanaethau

Mae'r datganiad am hygyrchedd hwn yn berthnasol i https://swanseauniversity.service-now.com/sp

Mae’r Ganolfan Gwasanaethau wedi'i datblygu gan ServiceNow ac mae'n cael ei chynnal gan Brifysgol Abertawe. Hoffem i gynifer o bobl â phosib allu defnyddio'r Ganolfan Gwasanaethau, teimlo bod croeso iddynt a chael budd o’r profiad. Er enghraifft, mae hynny’n golygu y dylech chi allu:

• Chwyddo hyd at 200% heb i’r testun lifo oddi ar y sgrîn.
• Neidio i brif gynnwys y wefan yn ôl yr angen.
• Defnyddio darllenwyr sgrîn.
• Addasu'r bylchiadau yn y testun heb effeithio ar y drefn na'r defnyddioldeb.

Mae AbilityNet yn cynnig cyngor ar wneud eich dyfais yn haws ei defnyddio os oes gennych chi anabledd.

Pa mor hygyrch yw'r Ganolfan Gwasanaethau?

Mae’r Ganolfan Gwasanaethau, a ddatblygwyd gan ServiceNow, wedi cael ei gwerthuso'n allanol a chan ein harbenigwr mewnol, ac mae'r ddau yn tystio bod y Ganolfan Gwasanaethau'n cydymffurfio'n rhannol â safon AA Canllawiau Hygyrchedd Cynnwys y We fersiwn 2.2. Mae gan y platfform nifer cyfyngedig o ganlyniadau nad ydynt yn cydymffurfio ac felly dyna pam y mae wedi cael ei asesu fel ei fod yn cydymffurfio'n rhannol.

Rydym yn ymwybodol nad yw rhai rhannau o’r Ganolfan Gwasanaethau mor hygyrch ag y dylent fod:

• Nid yw marcio HTML yn cael ei ddefnyddio i'r safon ofynnol gyda defnydd o rinweddau ARIA a allai effeithio ar ddarllenwyr sgrîn.
• Mae rhai cyfuniadau o borwyr a dyfeisiau (Chrome ar ddyfeisiau Apple) yn effeithio ar lywio bysellfwrdd a chyda'r ddewislen lywio mae hyn yn effeithio ar yr holl dudalennau.
• Mae'r dudalen "Fy Ffefrynnau" yn gofyn am sgrolio llorweddol ar rai dyfeisiau.

Adborth a gwybodaeth gyswllt

Os oes angen gwybodaeth arnoch am y Ganolfan Gwasanaethau mewn fformat gwahanol megis PDF hygyrch, print bras, fersiwn hawdd ei darllen, recordiad sain neu braille, gallwch gysylltu â'n Canolfan Drawsgrifio:

• E-bost: braille@abertawe.ac.uk
• Twitter: @SUTranscription

Sut i ddod o hyd i'r Ganolfan Drawsgrifio: Canolfan Drawsgrifio Prifysgol Abertawe - Prifysgol Abertawe

Rhoi gwybod am broblemau hygyrchedd gyda'r Ganolfan Gwasanaethau

Rydym bob amser yn ceisio gwella hygyrchedd y Ganolfan Gwasanaethau. Os ydych yn cael unrhyw broblemau nad ydynt wedi'u rhestru ar y dudalen hon neu'n meddwl nad ydym yn bodloni gofynion hygyrchedd:

• E-bost: ITservicedesk@abertawe.ac.uk neu ffoniwch: +44 01792 60(4000)

Gweithdrefn Gorfodi

Mae’r Comisiwn Cydraddoldeb a Hawliau Dynol yn gyfrifol am orfodi Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018 (y 'rheoliadau hygyrchedd'). Os nad ydych yn hapus gyda'r ffordd yr ydym yn ymateb i'ch cwyn, cysylltwch â'r Gwasanaeth Cynghori a Chymorth Cydraddoldeb (EASS)

Cysylltu â ni dros y ffôn neu ymweld â ni'n bersonol

Nod y brifysgol yw darparu gwasanaethau gwybodaeth a chyfarwyddyd proffesiynol ar gyfer myfyrwyr anabl, myfyrwyr ag anghenion penodol a/neu gyflyrau meddygol. Gallwn roi cymorth i chi os hoffech ymweld â ni neu ein ffonio.
Cysylltwch â’r Gwasanaeth Anabledd:

Ffôn: +44 (0)1792 60 6617
E-bost: wellbeingdisability@abertawe.ac.uk

Gwybodaeth dechnegol am hygyrchedd y wefan

Mae Prifysgol Abertawe’n ymrwymedig i wneud ei holl wefannau'n hygyrch, yn unol â Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018.

Statws cydymffurfiaeth

MMae’r Ganolfan Gwasanaethau'n cydymffurfio’n rhannol â safon AA Canllawiau Hygyrchedd Cynnwys y We fersiwn 2.2., o ganlyniad i'r achosion diffyg cydymffurfiaeth a restrir isod.

Cynnwys nad yw’n hygyrch

Mae Prifysgol Abertawe'n ymrwymedig i ddarparu'r hygyrchedd ar lefel AA sy'n ofynnol. Mae'r wybodaeth ganlynol yn esbonio unrhyw rannau o'r Ganolfan Gwasanaethau nad ydynt yn cydymffurfio, hyd y gwyddom, a'r hyn rydym yn ei wneud i sicrhau y byddant yn cydymffurfio. Nid yw'r cynnwys a restrir isod yn hygyrch am y rhesymau canlynol.

Diffyg cydymffurfiaeth â'r rheoliadau hygyrchedd

Gwerthusodd yr archwiliad mewnol sampl o gynnwys y Ganolfan Gwasanaethau a gwelwyd nad oedd yn cydymffurfio â’r meini prawf canlynol.

• Maen prawf llwyddiant 2.1 WCAG: 1.1.1 Cynnwys nad yw'n destun - Erthyglau sylfaen gwybodaeth - Nid yw rhai delweddau yn defnyddio disgrifiadau amgen ar gyfer delweddau sy'n cyd-fynd â’r cyfarwyddiadau yn yr erthyglau.
• Maen prawf llwyddiant 2.1 WCAG: 1.4.1 Y Defnydd o Liw - Dynodir mewnbynnu cywir ac anghywir gan liw yn unig - Mae meysydd y ffurflen yn defnyddio seren goch i ddynodi meysydd gorfodol. Pan gwblheir y maes dan sylw mae’r seren yn troi’n llwyd.
• Maen prawf llwyddiant 2.1 WCAG: 4.1.1 Dosrannu - Rhinweddau HTML ansafonol ac ARIA - Cafodd y ffynhonnell ei chyflwyno i ddilysydd WS3, nodwyd nifer o rinweddau HTML unigryw a rhinweddau ARIA nad oeddent yn cael eu defnyddio'n gywir.

Baich anghymesur

Gwnaethpwyd asesiad gan ystyried maint y sefydliad a’r adnoddau sydd ar gael iddo a nodir cynnwys y tybir ei fod y tu allan i gwmpas y rheoliadau yn yr adran hon.

 Llywio a chyrchu gwybodaeth

Dim problemau neu ddim yn berthnasol.

 Offer rhyngweithiol a thrafodion

Dim problemau neu ddim yn berthnasol.

 Offer rhyngweithiol

Dim problemau neu ddim yn berthnasol.

 Cynnwys nad yw o fewn cwmpas y rheoliadau hygyrchedd

Gwnaethpwyd asesiad gan ystyried maint y sefydliad a’r adnoddau sydd ar gael iddo a nodir cynnwys y tybir ei fod y tu allan i gwmpas y rheoliadau yn yr adran hon.

PDF a dogfennau eraill

Nid yw'r wefan hon yn defnyddio PDF, PowerPoint na dogfennau Word ar yr adeg hon. Byddwn yn ymdrechu i sicrhau bod unrhyw ddogfennau PDF, ffeiliau PowerPoint neu ddogfennau Word newydd rydym yn eu cyhoeddi yn bodloni safonau hygyrchedd.