Astudiaethau Achos Am Ein Myfyrwyr Ol-raddedig

“Mae’r cwrs gradd LLM mewn Hawliau Dynol ym Mhrifysgol Abertawe yn canolbwyntio ar yr heriau mwyaf y mae’r gymdeithas yn eu hwynebu heddiw gan gynnwys materion gwyliadwriaeth ddigidol, diogelu amgylchedd, terfysgaeth, a lloches a mudo. Mae’r cwrs hwn yn trafod heriau manwl ar gyfer hawliau dynol ar draws y byd a’r ymatebion posib trwy ddeddfwriaeth, polisi ac ymarfer. 

Os ydych chi’n chwilio am addysg o safon, os ydych chi’n mwynhau gweithgareddau awyr agored a theithiau cerdded hir mewn tirweddau rhagorol ac os hoffech chi fyw mewn dinas amlddiwylliannol, byddaf yn argymell yn fawr eich bod chi’n ymuno â Phrifysgol Abertawe." 

Yunus Asafri, LLM mewn Hawliau Dynol

"Dewiswch Abertawe - ni fyddwch yn difaru! Mae'r rhaglen LLM wedi'i strwythuro'n dda, mae'r academyddion yn gwybod yn iawn beth maen nhw'n ei wneud ac mae cyfleoedd gwych am ysgoloriaethau gwych ar gael. Mae'r ddinas yn groesawgar iawn i'r myfyrwyr, mae'r costau byw yn rhesymol... ac mae'r traeth yn atyniad hefyd!"

Rahul Miranda, LLM mewn Cyfraith Forol Ryngwladol

"Mae Prifysgol Abertawe yn cynnig profiad amlddiwylliannol - mae gen i ffrindiau ar fy nghwrs o bob cwr o'r byd. Mae hyn wedi bod yn gyfle gwych i gael fy nghyflwyno i ddiwylliannau ac ieithoedd newydd, tra'n adeiladu rhwydweithiau rhyngwladol a pherthnasau gwych."

Marija Mihejeva, LLM mewn Cyfraith Forol Ryngwladol

"Cyn dechrau'r cwrs hwn, roeddwn i'n wynebu rhwystrau ariannol, ond gwnes i oresgyn y rhain drwy dderbyn ysgoloriaeth gan y Brifysgol. Mae'r gefnogaeth gan y staff yn Ysgol y Gyfraith wedi bod yn anhygoel. Mae'r staff wir yn cefnogi pob myfyriwr ar y rhaglen, er mwyn sicrhau bod gan y myfyrwyr bopeth y mae ei angen arnyn nhw am eu hastudiaethau."

Rebecca Rowe, LLM mewn Cyfraith Forol Ryngwladol

"Yr adnoddau academaidd yw'r peth gorau am yr ysgol; o ddeunyddiau addysgu i seminarau rhyngweithiol, cyfleoedd cyflogadwyedd a'r sesiynau tiwtor personol un i un. Mae'n cynnwys staff a myfyrwyr o lu o gefndiroedd diwylliannol ac addysgol sy'n cyfrannu at gyfoethogi eich profiad dysgu a'ch bywyd fel myfyriwr."

Sean Ebenezer Marte Markwei, LLM Cyfraith Fasnachol Ryngwladol a Chyfraith Forol Ryngwladol