Rhestr Ddarllen i Israddedigion y Gyfraith

Awgrymiadau darllen

Os ydych chi wedi sicrhau eich lle ar gwrs y gyfraith yn Abertawe eisoes, neu os ydych chi’n chwilio am ddeunyddiau darllen cychwynnol i baratoi ar gyfer astudio am eich gradd yn y gyfraith, mae gennym restr ddarllen i chi.

Mae ein hacademyddion wedi darparu eu rhestr orau o lyfrau, podlediadau ac adnoddau ar-lein eraill y dylai pob myfyriwr eu darllen, er mwyn cael trosolwg o elfennau amrywiol o’r gyfraith a’n system gyfreithiol. Bwriad y rhain yw rhoi blas i chi ar y deunydd y gallech fod yn ymdrin ag ef wrth astudio’r gyfraith yn y brifysgol.

Pam dylwn i ddarllen y rhain?

Rydym wedi llunio’r rhestr hon o’r llyfrau a’r deunyddiau darllen gorau i fyfyrwyr y gyfraith er mwyn eich helpu yn y ffyrdd canlynol:

Byddant yn rhoi cyfle i chi ddod yn gyfarwydd â pheth o’r derminoleg a gaiff ei defnyddio yn ystod eich gradd yn y gyfraith, cyn i chi ddechrau astudio yn ysgol y gyfraith.
Os nad ydych chi wedi cyflwyno cais eto, gall yr achosion a’r wybodaeth a geir yn y ffynonellau hyn, ynghyd â’ch darllen eich hun, eich helpu i ysgrifennu datganiad personol cryf.
Bydd y cynnwys amrywiol, o hawliau dynol i gyfraith trosedd, yn eich helpu i ddechrau meddwl am gyfeiriad posib eich gyrfa, wrth i’ch diddordebau a’ch barn bersonol ddatblygu.

Rhestr ddarllen ac adnoddau ar-lein

Blogiau

The Law and Policy Blog – Blog sy’n canolbwyntio ar faterion a gwleidyddiaeth gyfredol o safbwynt y gyfraith.
Sylwebaeth ar y newyddion gan David Allen Green, a sut mae’n berthnasol i feysydd amrywiol y gyfraith a pholisi.
Blog Goruchaf Lys y DU – Ffynhonnell ddefnyddiol o wybodaeth am achosion diweddar a rhai sydd ar ddod yng Ngoruchaf Lys y DU.
Blog y gyfraith sy’n canolbwyntio ar Oruchaf Lys y Deyrnas Unedig ac yn rhoi cipolwg defnyddiol ar yrfaoedd cyfreithwyr a bargyfreithwyr dylanwadol sy’n cynnig eu sylwadau ar brosesau penderfynu’r Goruchaf Lys.

Llyfrau

Letters to a Law Student (Nicholas McBride, 2017)
Mae’n cynnwys gwybodaeth y mae angen i ddarpar fyfyrwyr y gyfraith ei gwybod cyn dechrau eu hastudiaethau, gan gynnig canllaw defnyddiol ar gyfer y rhai sy’n ystyried gradd yn y gyfraith, ac yn eich helpu i baratoi ar gyfer eich blwyddyn gyntaf o astudio.
The Secret Barrister (The Secret Barrister, 2018).
Llyfr am fargyfreithiwr iau sy’n arbenigo mewn cyfraith trosedd. Ei nod yw darparu esboniad hawdd ei ddarllen o’n system cyfiawnder cyfreithiol a sut mae’n gweithio i gyfreithwyr a bargyfreithwyr y dyfodol.
What About Law? Studying Law at University (Catherine Barnard, 2011)
‘Rhagflas’ byr, hawdd ei ddarllen, ar y gyfraith fel pwnc academaidd â’r nod o’ch helpu i benderfynu ai’r gyfraith yw’r dewis iawn i chi yn y brifysgol.

Podlediadau

Better Human – Podlediad am hawliau dynol gan Adam Wagner (ar gael gan iTunes)
Mae’n archwilio’r materion pwysicaf ym maes hawliau dynol drwy gyfweliadau hawdd eu deall â gwesteion proffil uchel a chanllawiau syml i gysyniadau a digwyddiadau allweddol i’r rhai sydd â diddordeb mewn cyfraith hawliau dynol.
The Law in Action – cyfres o bodlediadau Radio 4 (ar gael gan BBC Sounds)
Rhaglen hirsefydlog sy’n cynnwys adroddiadau a chyfweliadau am amrywiaeth o faterion a newyddion cyfreithiol, i’r rhai sydd am ddilyn y datblygiadau diweddaraf yn y gyfraith.
Law Pod UK - Mae bargyfreithwyr wrth eu gwaith yn trafod datblygiadau ym meysydd y gyfraith sifil a'r gyfraith gyhoeddus yn y DU. Maen nhw'n rhoi'r wybodaeth ddiweddaraf i ti am y gyfraith feddygol, sut mae'r gyfraith yn mynd i'r afael â newid yn yr hinsawdd a phroblemau gyda Deallusrwydd Artiffisial. Mae hyn wedi'i ategu gan gyngor ar sut i sicrhau tymor prawf byr a chael cyfweliadau gan weithwyr proffesiynol ac ymarferwyr blaenllaw yn eu maes.

Nothing but the Truth - P'un a wyt ti am wybod sut brofiad yw bod yn fargyfreithiwr, neu sut i weithio gyda bargyfreithiwr, bydd y podlediad hwn yn rhoi'r holl wybodaeth i ti, gan gynnwys mewnwelediadau gonest i fywyd wrth y bar.

Combatting Terrorists’ Online Activities - Yn y bennod hon o Bodlediad Archwilio Problemau Byd-eang Prifysgol Abertawe, mae'r Athro Stuart Macdonald yn trafod ei ymchwil i wrthderfysgaeth. Mae’r bennod yn archwilio gwaith Stuart ar ddefnydd terfysgwyr o'r rhyngrwyd, yn benodol seiberderfysgaeth a phropaganda a radicaleiddio ar-lein.

How Do We Prove Human Rights Violations - Yn y bennod hon o Archwilio Problemau Byd-eang, mae'r Athro Yvonne Mcdermott Rees ac ysgolheigion Heriau Byd-eang Hillary Rodham Clinton, Charlotte Morgan ac Andrea Stanišić, yn trafod tlodi plant, hawliau dynol amgylcheddol a sut y gellir defnyddio tystiolaeth o'r cyfryngau cymdeithasol i brofi atebolrwydd am dorri hawliau dynol torfol.

Gwefannau a Chynnwys Ar-lein

EachOther - gwefan hawliau dynol
Erthyglau, fideos a ffeithluniau gan newyddiadurwyr, adroddwyr straeon proffesiynol ac ymarferwyr creadigol i wella eich gwybodaeth am hawliau dynol.
Gwefan Human Rights Careers
Siop ‘popeth dan yr unto’ ar gyfer gwybodaeth am yrfaoedd ac addysg ym maes Hawliau Dynol, gan gynnwys darn sy’n cynnig 10 rheswm pam mae gyrfaoedd mewn hawliau dynol yn bwysig.
Adran y gyfraith y papur newydd The Guardian.
Gallwch ddilyn y datblygiadau diweddaraf ym mhob maes y gyfraith mewn perthynas â’r newyddion. Mae’n ymdrin â phob agwedd, o gyfraith tir a thrawsgludo i gyflogaeth a chyfraith trosedd.
UK Parliament: How it Works. PDF
Cyflwyniad defnyddiol i wleidyddiaeth y DU a sut mae’n berthnasol i gyfraith a llywodraeth y DU.

BUDDSODDI YN EICH DYFODOL

Yma yn Abertawe, rydym yn buddsoddi yn nyfodol pob un o’n myfyrwyr y gyfraith. Rydym yn darparu mynediad am ddim at gyfres o gronfeydd data ar-lein, sy’n arbed arian i’n myfyrwyr gan na fydd angen prynu copïau caled. Darparwn fynediad at yr adnoddau canlynol:

HeinOnline, i-Law, Law Trove, Legislation.co.uk, Lexis Library, Lexis PSL, Oxford Scholarship, Practical Law, a Westlaw

Darganfod Mwy am Ein Rhaglenni yn y Gyfraith