Dosbarthu bwyd ffres a fyddai'n mynd yn wastraff, i'r Gymuned
Mae ein partneriaeth â'r Goleudy wedi bod yn mynd o nerth i nerth dros y blynyddoedd diwethaf, wrth i ni ddarparu digwyddiadau Oergell Gymunedol bob tymor! Nod yr Oergell Gymunedol yw dosbarthu bwyd a fyddai'n mynd yn wastraff fel arall, sy'n helpu mynd i’r afael â thlodi bwyd ac mae'n agored i bawb.
Yn ein digwyddiad Oergell Gymunedol diweddaraf, roedd y Goleudy wedi dosbarthu dros 400kg o fwyd, am rodd awgrymedig fach o £2, i gael dros £20 o fwyd yn gyfnewid. Daeth gwirfoddolwyr o'r gymuned leol a myfyrwyr ar y campws ynghyd i greu amgylchedd cefnogol a chroesawgar ar gyfer y digwyddiad, gan helpu cymuned ein prifysgol i gael mynediad at fwyd ffres ac iach, mynd i’r afael ag ansicrwydd bwyd, a lleihau gwastraff bwyd.
Mae hefyd yn ffordd wych i fyfyrwyr ofyn am ragor o gymorth gan y Brifysgol ac i ni fel tîm rannu gwybodaeth am ddigwyddiadau cynaliadwy eraill, fel Caffis Atgyweirio, Sesiynau Garddio ac Ymgyrchoedd SOS, sy'n helpu i addysgu arferion cynaliadwy, ond hefyd i ddarparu sgiliau byw y mae eu hangen i fyw yn ein byd esblygol.
Mae'r Oergell Gymunedol hefyd yn rhoi cyfle i fyfyrwyr sy'n gweithio tuag at y Wobr Dinesydd Byd Eang wedi’i chydnabod gan HEAR i ennill profiad gwirfoddoli sy’n ofynnol ar gyfer y wobr. Gall myfyrwyr ddarllen rhagor am y Wobr Dinesydd Byd Eang a Nodau Datblygu Cynaliadwy’r Cenhedloedd Unedig ar Canvas.
Gallwch ddarllen rhagor am waith elusennol y Goleudy yma.
Dilynwch ni ar Eventbrite i fod ymhlith y cyntaf i wybod am ddigwyddiad nesaf yr Oergell Gymunedol a gynhelir ar y campws.