Dod yn Osteopath

Darganfyddwch fwy am Clirio

Cofrestrwch nawr

PAM ASTUDIO OSTEOPATHI YM MHRIFYSGOL ABERTAWE?

Wedi'i gymeradwyo gan y Cyngor Osteopathig Cyffredinol, mae'r cwrs hwn yn eich galluogi i gofrestru i wneud cais am ymarfer ar raddio. Mae ein cyfleusterau o'r radd flaenaf yn yr Ysgol Iechyd a Gofal Cymdeithasol yn cynnwys clinig osteopathig amlddisgyblaethol yn yr Academi Iechyd a Llesiant arobryn.

Mae gennym enw da rhagorol, gan ein bod yn 1af yn y DU am Feddygaeth Gyflenwol (Complete University Guide, 2024).

Eich Opsiynau

Nid yw'n rhy hwyr i gyflwyno cais drwy UCAS Extra. Gweler ein harweiniad ar UCAS Extra i gael gwybod sut mae Extra yn gweithio ac a allech chi fod yn gymwys i roi cynnig arall ar gyflwyno cais i'ch cwrs delfrydol.

Arweiniad ar UCAS Extra
Fel arall, os ydych chi'n poeni am eich graddau sydd ar ddod, gallwch chi rag-gofrestru ar gyfer clirio nawr.

Beth mae osteopath yn ei wneud?

Mae osteopathi yn system o ddiagnosis a thriniaeth ar gyfer ystod eang o gyflyrau meddygol. Gweithia gyda strwythur a swyddogaeth y corff ac mae'n seiliedig ar yr egwyddor bod llesiant unigolyn yn dibynnu ar y sgerbwd, y cyhyrau, y gewynnau a'r meinweoedd cyswllt yn gweithredu'n llyfn gyda'i gilydd.

I osteopath, er mwyn i'ch corff weithio'n dda, rhaid i'w strwythur weithio'n dda hefyd. Felly gweithia osteopathiaid i adfer eich corff i gyflwr o gydbwysedd, lle bo modd heb ddefnyddio cyffuriau na llawdriniaeth. Mae osteopathiaid yn defnyddio cyffwrdd, trin corfforol, ymestyn a thylino i gynyddu symudedd cymalau, i leddfu tensiwn yn y cyhyrau, i wella'r cyflenwad gwaed a nerfau i feinweoedd, ac i helpu mecanweithiau iachau eich corff eich hun. Gallant hefyd roi cyngor ar osgo ac ymarfer corff i gynorthwyo adferiad, hybu iechyd ac atal symptomau rhag digwydd eto.

Beth fedra i ei wneud gyda chymhwyster osteopathi?

Gallwch chi sefydlu eich practis eich hun cyn gynted ag y byddwch chi'n graddio a rhedeg eich busnes eich hun, gallwch chi weithio'n rhan-amser fel aelod cyswllt yn gweithio i rywun arall tra byddwch chi'n adeiladu eich ymarfer, mae hyn yn digwydd fel arfer. Gallech fynd ymlaen i'r cwrs Cydymaith Meddyg graddedig yn Abertawe sy'n cymryd dwy flynedd arall, neu gallech fynd ar gwrs Meddygaeth i raddedigion am bedair blynedd arall. Gall osteopathiaid yn Lloegr weithio yn y GIG fel osteopathiaid, mae mwy a mwy o swyddi ar gael o fewn y GIG fel Ymarferwyr Osteopath neu Gyswllt Cyntaf

Pa gymwysterau sydd eu hangen arnaf i fod yn osteopath?

Mae angen 3 lefel A, a rhaid i un ohonyn nhw fod yn lefel A (neu gyfwerth) mewn Addysg Gorfforol neu Fioleg, gall y 2 Lefel A arall fod mewn unrhyw bwnc arall. Derbynnir Bagloriaeth Cymru hefyd. I gael dadansoddiad llawn a chynhwysfawr o'n gofynion mynediad byddwch yn gallu dod o hyd i'r rhain ar ein tudalen cwrs.

A yw osteopathi yr un peth â cheiropracteg?

Na, maent yn feysydd gwahanol o therapi llaw, ond nid ydynt yr un peth.

Techneg a Ddefnyddir

Mae osteopathiaid yn gwneud diagnosis o'u cleientiaid gan ddefnyddio technegau amrywiol fel teimlad cyffyrddol, cyffwrdd ac arsylwi. Unwaith y byddant wedi nodi'r meysydd sy'n peri problemau, maent yn defnyddio tylino i ryddhau a lleddfu cyhyrau, a’r gallu i symud eich cymalau trwy eu hystod naturiol o symudiadau. Ar y llaw arall, mae triniaeth ceiropracteg yn defnyddio dyfeisiau llaw a gwahanol fathau o sganiau corff i nodi meysydd problem. Mae rhai o'r technegau a ddefnyddir gan geiropractyddion yn cynnwys gwthiadau cyflymder uchel i'r asgwrn cefn, ymestyn cyhyrau i wahanol gyfeiriadau, a llacio cymalau anystwyth i gynyddu ystod y symudiad.

Er hynny, gall y ddau ddull triniaeth ddefnyddio technegau ysgafn neu rymus yn seiliedig ar anghenion pob claf.

Cyflwr Iechyd a Symptomau

Canolbwyntia ceiropractyddion ar driniaethau penodol a thechnegau llawdriniol yn seiliedig ar aliniad yr asgwrn cefn. Maent yn trin poenau yn y cymalau a chyhyrau, nerfau wedi'u pinsio, poenau yng ngwaelod y cefn, a materion eraill o fewn y system nerfol. Mae triniaeth ceiropracteg yn dal y gred bod addasu fertebra'r asgwrn cefn yn helpu i leddfu poen a symptomau eraill sy'n effeithio ar y system nerfol ganolog. Bwriad osteopathi yw trin y corff cyfan ac felly mae'n datrys ystod ehangach o broblemau o'i gymharu â thriniaeth ceiropracteg.

Hyd y Driniaeth

Mae triniaeth ceiropracteg yn gymharol fyr gan ei fod yn cynnwys addasiad penodol yn seiliedig ar symptomau presennol claf. Gall y driniaeth bara 10-20 munud a gellir gweld y claf ddwywaith yr wythnos. Gall sesiynau osteopathig bara 30 munud ac fel arfer gwelir cleifion unwaith yr wythnos. Mae'r gwahaniaeth yn hyd y driniaeth yn digwydd o ganlyniad i'r gweithdrefnau diagnostig a'r dull triniaeth a ddefnyddir yn y ddau bractis.

Ein Straeon myfyrwyr

Megan Nicole Wickham

"Dewisais astudio ym Mhrifysgol Abertawe gan ei fod yn cynnig y cwrs yr oeddwn am ei astudio. Roedd nid yn unig yn un o'r ychydig Brifysgolion a oedd yn cynnig Osteopathi, ond roedd hefyd yn gyntaf yn y DU ar gyfer meddygaeth gyflenwol.

Roedd yn ofynnol i mi wneud blwyddyn sylfaen yn Y Coleg, Prifysgol Abertawe, ac yna integreiddio i'r rhaglen Osteopathi. Roedd cael yr opsiwn hwn ar gael yn golygu fy mod yn gallu dilyn y cwrs yr oeddwn am ei wneud, er nad oeddwn yn bodloni'r holl ofynion mynediad israddedig ar yr adeg y gorffennais fy ysgol. Roedd y ffordd o fyw y mae Abertawe'n ei chynnig hefyd yn gwneud dilyn Osteopathi ym Mhrifysgol Abertawe yn ddeniadol."

Darganfod mwy am stori Megan

Ble gallai gradd Osteopathi yn Abertawe fynd â fi?

Pennir eich cyflog gan nifer y cleifion a welwch, a ph'un a ydych yn sefydlu eich practis eich hun neu'n ymuno â phractis sydd eisoes wedi'i sefydlu fel partner cyswllt, ond ar gyfartaledd gallwch ddisgwyl cyflog cychwynnol o oddeutu £25,000.

Sawl blwyddyn o astudio mae'n ei gymryd i ddod yn osteopath?

Pedair blynedd o astudio amser llawn. Gallwch ddarganfod mwy am y modiwlau a sut mae'r cwrs yn cael ei addysgu ar ein tudalen cwrs Osteopathi, MOst.

Pa broblemau mae osteopath yn eu trin?

Mae cleifion osteopathiaid yn cynnwys yr ifanc, pobl hŷn, gweithwyr llaw, gweithwyr swyddfa proffesiynol, menywod beichiog, plant a mabolgampwyr. Mae cleifion yn ceisio triniaeth ar gyfer amrywiaeth eang o gyflyrau, gan gynnwys poen cefn, newidiadau i ystum yn ystod beichiogrwydd, problemau osgo a achosir gan straen gyrru neu waith, poen arthritis a mân anafiadau chwaraeon.

Faint mae osteopathiaid yn cael ei dalu?

Yn y flwyddyn gyntaf £25,000, gall hyn wedyn godi i £35,000 - £40,000 o fewn 3 blynedd. Mae 10% o osteopathiaid yn ennill mwy na £100,000, yn enwedig os ydych yn rhedeg practisau lluosog.

AWGRYMIADAU DA GAN RINA, EIN MYFYRIWR OSTEOPATHI

Mae ein myfyriwr Osteopathi, Rinal, yn rhannu ei chynghorion gorau i ddarpar fyfyrwyr sydd am astudio Osteopathi ym Mhrifysgol Abertawe...

“Gall y broses o wneud cais i’r Brifysgol fod yn broses gofidus! Er hynny, un peth rydw i wedi'i ddysgu o fy mhrofiad yw bod y bobl ym Mhrifysgol Abertawe yn gyfeillgar iawn. Mae'r staff addysgu Osteopathi mor barod i helpu a byddant yno bob amser os bydd angen help arnoch chi.

“Hefyd, mwynhewch y traethau syfrdanol sydd gan Abertawe i'w cynnig!”

Am wybod mwy?

Mae gennym ni gymaint mwy rydyn ni eisiau ei rannu gyda chi, beth am archwilio ein tudalen cwrs Osteopathi neu archebu lle ar ein diwrnod agored nesaf.