Fferylliaeth, MPharm (Hons)

I fod yn gymwys i wneud cais i astudio Fferylliaeth, rhaid i chi gael y graddau disgwyliedig canlynol:

• Graddau Safon Uwch AAB-BBB, sy'n cynnwys Cemeg ac o leiaf un pwnc STEM arall, h.y. Bioleg, Ffiseg, Mathemateg neu Seicoleg. 
• Bydd Tystysgrif Her Sgiliau Uwch (Bagloriaeth Sgiliau Cymru Uwch) yn cael ei hystyried yn lle 3^ydd cymhwyster Safon Uwch
• Ar gyfer ymgeiswyr nad Saesneg yw eu hiaith gyntaf, gofynnir am sgôr gyffredinol IELTS o 6.5 (neu gyfwerth) ac o leiaf 6.0 ar gyfer pob elfen. Cewch ragor o wybodaeth ar ein tudalennu Myfyrwyr Rhyngwladol. 

Bydd angen geirda addysgol boddhaol ar bob ymgeisydd.

Bydd ymgeiswyr sy'n bodloni'r gofynion mynediad a'r meini prawf dethol yn cael eu gwahodd i gyfweliad, y gellir ei gynnal wyneb yn wyneb neu dros y ffôn/galwad fideo. Mae ein Cyngor Cyfweliadau yn esbonio mwy am yr hyn y gallwch ei ddisgwyl.

Os ydych yn llwyddiannus yn y cyfweliad, bydd unrhyw gynnig lle yn amodol ar wiriad y Gwasanaeth Datgelu a Gwahardd/yr Heddlu boddhaol neu gyfwerth gan eich gwlad gartref yn ogystal â datganiad iechyd galwedigaethol ac asesiad cyn dechrau eich astudiaethau. Darperir rhagor o fanylion os byddwch yn derbyn cynnig.

Rhestrir gofynion mynediad Addasrwydd i Ymarfer o dan y Gofyniad Derbyn Ychwanegol.

Beth am ystyried cwrs gradd Sylfaen?

Os yw’r cwrs hwn o ddiddordeb i chi ond nid ydych chi’n meddu ar y cymwysterau mynediad gofynnol ar gyfer ymuno â’n rhaglen radd MPharm, gellir ystyried ein rhaglen radd Mpharm gyda Blwyddyn Sylfaen.  

Egwyddor ein Gradd Fferylliaeth MPharm (Anrhydedd) yw eich paratoi at yrfa fel fferyllwyr cofrestredig yn y dyfodol. Mae ein dull yn cydnabod bod Fferyllwyr yn aelodau allweddol o dîm gofal iechyd amlddisgyblaethol.

Mae'r dulliau addysgu a dysgu a ddefnyddir yn mynd i'r afael â'r wybodaeth a'r gallu sy'n ofynnol ar gyfer cyfrifoldebau amrywiol Fferyllwyr. Byddwch yn dysgu trwy amrywiaeth o ddulliau addysgu gan gynnwys darlithoedd, dysgu yn seiliedig ar achosion, gweithdai, dosbarthiadau labordy, dysgu trwy brofiad a phrosiect ymchwil dan arweiniad annibynnol. 

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i anghenion penodol eich cwrs. 

Cynhelir sesiynau sgiliau ymarferol, gweithdai, astudiaethau achos integredig a sesiynau efelychu profiad ymarferol wedi'u hefelychu wyneb yn wyneb yn bennaf, sy'n galluogi gwaith grŵp ac arddangosiadau. Fodd bynnag, mae ein hymagwedd hefyd yn cynnwys defnyddio dysgucymorth ar-lein i ategu ac atgyfnerthu addysgu wyneb yn wyneb traddodiadol, ac mae hyn yn cynyddu yn y drydedd flwyddyn a'r flwyddyn olaf wrth i chi dreulio mwy o amser oddi ar y campws ar leoliad gwaith.

 Gall dysgu ar-lein ddigwydd ‘yn fyw’ gan ddefnyddio meddalwedd fel Zoom, sy'n eich galluogi i ryngweithio â'r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailedrych ar ddeunydd, i adolygu at asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol ar Canvas, megis fideos, sleidiau a chwisiau sy'n galluogi astudiaeth hyblyg bellach.

Dim darpariaeth

Yn anffodus, does dim darpariaeth cyfrwng Cymraeg ffurfiol ar y cwrs hwn ar hyn o bryd. Os hoffech roi gwybod i ni bod gennych ddiddordeb mewn dilyn elfen trwy gyfrwng y Gymraeg, e-bostiwch astudio@abertawe.ac.uk gan nodi eich blwyddyn mynediad i’r Brifysgol ac fe wnawn ein gorau i weld beth sy’n bosib.

Er nad yw'r cwrs hwn yn darparu cynnwys academaidd trwy'r Gymraeg ar hyn o bryd, mae'r Brifysgol yn gallu darparu'r canlynol ar eich cyfer, ac mae cefnogaeth ar gael i chi trwy Academi Hywel Teifi:

• Cyfle am gyfweliad trwy gyfrwng y Gymraeg wrth wneud cais am le.
• Cyfle i dderbyn gohebiaeth bersonol yn Gymraeg, yn Saesneg neu'n ddwyieithog.
• Cyfle i ysgrifennu a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os ydych chi wedi dewis astudio yn Saesneg), a bydd eich gwaith yn cael ei farcio yn Gymraeg.
• Tiwtor Personol Cymraeg ei iaith.
• Cefnogaeth un i un i wella eich sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o'ch gallu yn yr iaith Gymraeg i gyflogwyr.
• Cyfle i fod yn aelod o Gangen Prifysgol Abertawe o'r Coleg Cymraeg Cenedlaethol.
• Cyfle i gyfrannu at weithgaredd a bywiogrwydd cymuned Gymraeg y Brifysgol ac ennill Gwobr Academi Hywel Teifi

I ddysgu mwy am yr uchod ac am yr holl gyfleoedd sydd ar gael i chi trwy gyfrwng y Gymraeg, ewch i dudalennau israddedig Academi Hywel Teifi

Gweithiwn tuag at achrediad gyda'r Cyngor Fferyllol Cyffredinol (GPhC). Mae'r cwrs wedi'i achredu dros dro nes bod y rhaglen wedi'i hachredu'n llawn.

Gallwch weld ein hadroddiad achrediad Cam 5 YMA.

Bydd myfyrwyr fferylliaeth yn cael eu dysgu gan ystod o ymchwilwyr a staff academaidd fwyaf blaenllaw'r byd yn yr Ysgol Feddygaeth yn ogystal â fferyllwyr sy'n ymarfer o amrywiaeth o wahanol sectorau.

Mae'r prif staff addysgu ar y rhaglen Fferylliaeth fel a ganlyn:

• Pennaeth Fferylliaeth: Yr Athro Andrew Morris
• Cyfarwyddwr y Rhaglen ac Uwch-ddarlithydd: Dr Amira Guirguis

Grŵp Addysgu Cyffuriau a Meddygaeth:

• Pennaeth Fferylliaeth: Yr Athro Andrew Morris
• Uwch-ddarlithydd: Dr Salvatore Ferla
• Darlithydd: Dr Zi Hong Mok
• Darlithydd: Dr Michael McKeever
• Darlithydd: Dr Gilda Padalino
• Athro er Anrhydedd: Yr Athro Neil Hartman

Grŵp Addysgu Iechyd, Clefydau a Chleifion:

• Athro Cyswllt: Dr Suresh Mohankumar
• Uwch-ddarlithydd: Dr Rhian Thomas
• Uwch-ddarlithydd: Dr Melanie Healey
• Darlithydd: Dr Giulio Nannetti

Grŵp Addysgu Ymarfer Fferylliaeth:

• Cyfarwyddwr y Rhaglen ac Uwch-ddarlithydd: Dr Amira Guirguis
• Uwch-ddarlithydd: Dr Adam Turner
• Athro Cyswllt: Mr Simon Wilkins
• Athro Cyswllt: Mrs Kate Spittle
• Uwch-ddarlithydd: Dr Juman Dujaili
• Uwch-ddarlithydd: Mr Carywyn Jones
• Uwch-ddarlithydd: Dr Georgina Marsh
• Darlithydd: Dr Gillian Phua
• Athro Ymarferydd: Sophie Croucher
• Athro Ymarferydd: Gwenno Williams
• Athro er Anrhydedd: Yr Athro Mair Davies

Gellir codi ffioedd myfyrwyr Israddedig y DU llawn amser yn chwyddiannol mewn blynyddoedd astudio i ddod. Penderfynir ar y swm gan Lywodraeth Cymru.

Bydd ffioedd ar gyfer myfyrwyr UE/Rhyngwladol Israddedig yn cynyddu 3% ar gyfer pob blwyddyn ddilynol o astudio.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

• Gwiriad y Gwasanaeth Datgelu a Gwahardd a chost brechiadau a/neu ddilysu cofnodion iechyd gan eich Meddyg Teulu 
• Trafnidiaeth a/neu lety sy’n gysylltiedig â lleoliadau gwaith 
• Testunau a chyfarpar archwilio clinigol sylfaenol   
• Cyfarpar diogelu personol (PPE) h.y. cotiau labordy, gogls/sbectol diogelwch, sgrybs meddygol  

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyngor ac arweiniad ar astudio a chyllid i fyfyrwyr ôl-raddedig.
• Ariannu i gefnogi cyfleoedd interniaethau myfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Eich Gyrfa Fel Fferyllydd

Fel fferyllydd, fe welwch fod vaio rolau gofal iechyd ar gael fel aelod gwerthfawr o'r tîm clinigol, sy'n amrywio o fferyllfa gymunedol, fferyllfa ysbyty, fferyllfa ddiwydiannol ac academia. Mae'r rhan fwyaf o fferyllwyr yn gweithio mewn fferylliaeth gymunedol, fferyllfa ysbyty neu faes gofal sylfaenol, h.y. mewn meddygfa leol neu Fwrdd Iechyd Lleol (neu gyfuniad o'r rhain). Fodd bynnag, mae gradd mewn Fferylliaeth a chofrestru fel fferyllydd yn cynnigagor posibiliadau o gyflogaeth yn y diwydiant fferyllol, y byd academaidd, y fyddin, y gwasanaeth carchardai a llawer o rolau eraill.

Mae gan y Gymdeithas Fferyllol Frenhinol fwy o wybodaeth am y llwybrau gyrfa i fferyllwyr.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Tiwtor Personol:

Cewch chi Diwtor Personol o'r tîm academaidd Fferylliaeth craidd yn yr Ysgol Feddygaeth.

Mentoriaid Academaidd Personol yw eich pwynt cyswllt cyntaf wrth astudio yn yr Ysgol Feddygaeth a gallant ddarparu cymorth a chyngor ar amrywiaeth o faterion a allai effeithio ar eich lles, eich presenoldeb a'ch cynnydd addysgol. Hefyd, gall Tiwtor Personol eich helpu gyda'ch cynllunio datblygu personol a chyngor  ar yrfaoedd. Gall eich mentor hefyd eich cyfeirio at wasanaethau lles a gwasanaeth cymorth eraill fel y bo’n briodol.  

Swyddog Bywyd Myfyrwyr:

Mae ein Swyddog Bywyd Myfyrwyr yn canolbwyntio ar gymorth myfyrwyr ac adnabod myfyrwyr a allai fod angen cael eu cyfeirio at wasanaethau tu fewn i’r Brifysgol a thu allan ohoni, a chyd-weithio â’r myfyrwyr hyn i sefydlu cynllun i leoli eu lles.  Mae’r swyddog wedi’i hyfforddi i ddelio â materion amrywiol, o adnabod arwyddion cam-drin domestig a throsedd casineb i hiraeth am adref a materion bugeiliol eraill.

Swyddfa Wybodaeth yr Ysgol Feddygaeth:

Mae ein tîm o weinyddwyr a chydgysylltwyr gwybodaeth myfyrwyr wrth law i roi cymorth gyda’ch ymholiadau academaidd a’ch cyfeirio at wasanaethau ychwanegol lle bo angen. 

I ddysgu mwy am astudio dramor, ewch i'n tudalennau gwe Go Global. Nid yw cofrestru ar raglen sy'n cynnwys semester/blwyddyn dramor yn gwarantu lleoliad gwaith semester/blwyddyn dramor yn awtomatig. Mae nifer gyfyngedig o leoedd ar gael ac yn amodol ar broses ddethol gystadleuol. Os na fyddwch chi'n llwyddo i ennill lleoliad gwaith semester/blwyddyn dramor, cewch chi eich trosglwyddo i gwrs safonol eich cynllun gradd heb semester neu flwyddyn dramor.

Mae rhaglenni rhyngwladol yr haf ar agor i fyfyrwyr o bob ysgol. Fel arfer, mae rhaglenni'n para o 2 i 6 wythnos, ar draws cyrchfannau megis Sri Lanka, De Corea, Fiji, Bali, UDA a ledled Ewrop. Am ragor o wybodaeth ynghylch rhaglenni a chymhwysedd, ewch i'n Haf Dramor.

Rydym yn awr yn recriwtio ar gyfer mynediad 2021, i ddarganfod mwy am fferyllfa yn llyfr Abertawe ar un o'n diwrnodau agored i israddedigion

Archebwch ddiwrnod agored i israddedigion

Gwahoddir ymgeiswyr cymwys i gyfweliad a chynhelir cyfweliadau ar gyfer y cwrs hwn trwy Zoom. Edrychwch ar ein Awgrymiadau Cyfweld am ragor o wybodaeth am yr hyn i'w ddisgwyl.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Newidiadau i Addysg Gychwynnol a Hyfforddi Fferyllwyr 

Mae maes proffesiynol fferylliaeth yn profi cyfnod cyffrous o newid. Bydd safonau newydd ar gyfer addysg gychwynnol a hyfforddi fferyllwyr a gyhoeddwyd gan y Cyngor Fferyllol Cyffredinol – corff rheoleiddio fferylliaeth – yn sicrhau bod fferyllwyr yn barod i bresgripsiynu’n annibynnol wrth gofrestru. Bydd angen i addysg israddedig ym maes fferylliaeth a hyfforddiant Sylfaenol (cyn cofrestru) addasu i gyd-fynd â’r safonau newydd hyn ac, yn anochel, bydd hyn yn golygu y bydd strwythur y cwrs gradd MPharm yn newid i ymgorffori mwy o hyfforddiant clinigol. 

Addasrwydd i ymarfer:

Proffesiwn gofal iechyd cofrestredig yw fferylliaeth, ac mae ganddi ei hawliau a'i chyfrifoldebau. Felly, mae gweithdrefnau Addasrwydd i Ymarfer ar waith er mwyn sicrhau bod gan fferyllwyr (a myfyrwyr Fferylliaeth) y sgiliau, yr wybodaeth, y cymeriad a'r iechyd angenrheidiol er mwyn gwneud eu swydd yn ddiogel ac yn effeithiol.

Mae'r Cyngor Fferyllol Cyffredinol wedi cyhoeddi Safonau ar gyfer Gweithwyr Fferyllol Proffesiynol, y mae'n rhaid i fyfyrwyr Fferylliaeth lynu wrthynt os byddant yn dymuno cofrestru fel Fferyllydd yn y pen draw.

Bydd angen ichi gwblhau ffurflen hunan-ddatganiad Addasrwydd i Ymarfer fel rhan o'r broses ymgeisio. Mae'r ffurflen hon yn cynnwys datganiad ysgrifenedig o faterion iechyd neu ymddygiad, e.e. cyflyrau meddygol, euogfarnau troseddol a allai fod gennych. Os oes gennych  bryderon o gwbl o ran gweithdrefnau Addasrwydd i Ymarfer, rydym yn eich annog i gysylltu â ni er mwyn inni roi cyngor.

Os byddwch yn cael cynnig lle i astudio, bydd arnoch angen hefyd:

Wiriad gan y Gwasanaeth Datgelu a Gwahardd (neu gyfwerth, os byddwch yn fyfyriwr rhyngwladol, e.e. tystysgrif ymddygiad da gan heddlu eich gwlad/y Swyddfa Gartref).

Gwiriad Iechyd Galwedigaethol, a allai gynnwys yr angen i gadarnhau imiwnedd a/neu dderbyn brechiadau.

Os byddwch yn amau bod gennych alergeddau, e.e. latecs, cnau daear, cyffuriau/meddyginiaeth, trafodwch hyn â'r Adran Iechyd Galwedigaethol cyn ymgeisio.

Profiad ym maes Fferylliaeth

Bydd profiad gwaith ym maes fferylliaeth yn ddefnyddiol, ond nid yn hanfodol. Fodd bynnag, bydd yn eich helpu i ennill dealltwriaeth o'r proffesiwn yr ydych yn bwriadu ymuno ag ef.

Bydd pob cais i astudio Fferylliaeth yn Ysgol Feddygaeth Prifysgol Abertawe yn cael ei ystyried yn ôl ei deilyngdod ei hun a gwahoddir ymgeiswyr cymwys addas i ddod i Ganolfan Asesu yn Abertawe i'w cyfweld a'u dewis. 

Mae'r broses gyfweld ar gyfer Fferylliaeth ar ffurf Cyfweliadau Byr Lluosog (MMI). Gofynnir i'r ymgeiswyr dreulio 3-4 munud wrth amrywiaeth o wahanol "orsafoedd". Bydd pob gorsaf yn canolbwyntio ar gymhwysedd yr ydym yn teimlo sy'n gwneud Fferyllydd da. 

Bydd y broses MMI yn cwmpasu meysydd megis: Cyfathrebu, Moeseg a Phroffesiynoldeb. Bydd y gorsafoedd yn amrywio o drafodaethau wyneb yn wyneb gydag academydd, ymarferion ysgrifenedig “distaw” ac ymarferion yn seiliedig ar dasgau. 

Ni ddylai'r rhan MMI o'r broses asesu gymryd dim mwy na 30 munud. Bydd yna ymarfer grŵp hefyd lle bydd nifer o ymgeiswyr yn gweithio gyda'i gilydd i ddatrys problem.

Gellir trefnu cyfweliadau dros Skype ar gais i Fyfyrwyr Rhyngwladol ac i fyfyrwyr y DU sy'n methu â theithio i Abertawe am gyfweliad, ar sail cais unigol. 

Profiad mewn Fferyllfa

Byddai peth profiad o waith fferyllol yn ddefnyddiol, ond nid yn hanfodol. Bydd y profiad hwn yn eich helpu gyda'r cyfweliad derbyn ac yn eich helpu i benderfynu a yw Fferylliaeth yn yrfa yr ydych am ei dilyn. 

Ystyrir cymwysterau DU a Rhyngwladol eraill ar sail achos unigol - cysylltwch â ni i drafod hyn. 

Am ragor o wybodaeth ynghylch yr hyn rydyn ni’n chwilio amdano yn ystod cyfweliad, ewch i’n tudalen Paratoi ar gyfer eich MMI.

Mae Prifysgol Abertawe'n sefydliad cyfle cyfartal ac mae'n annog ceisiadau gan bobl o bob gallu. Ar gyfer Fferylliaeth, caiff pob cais ei asesu yn unigol, ar sail gallu'r ymgeisydd i gyflawni'r deilliannau dysgu, y sgiliau a'r cymwyseddau sy'n ofynnol i gwblhau'r Rhaglen MPharm ac i fodloni'r Cyngor Fferyllol Cyffredinol.

Mae'n hanfodol bod pob ymgeisydd yn gallu cwblhau'r cwricwlwm Fferylliaeth llawn, ac wrth ystyried ymgeiswyr ag anableddau, cyflyrau meddygol neu anghenion penodol eraill, mae'r Ysgol yn dilyn safonau'r Cyngor Fferyllol Cyffredinol a nodir yn ei ddogfen ‘Future pharmacists; Standards for the initial education and training of pharmacists’ (mae hon ar gael ar wefan y Cyngor Fferyllol Cyffredinol). Mae'r Brifysgol yn monitro'r broses ddethol yn ofalus er mwyn sicrhau nad oes ymgeiswyr sydd dan anfantais.

Y Cyngor Fferyllol Cyffredinol sy'n rheoleiddio fferyllwyr, technegwyr fferyllol a mangreoedd fferyllol.

Mae angen i ddeiliaid graddau MPharm gymryd camau pellach cyn iddynt gael cofrestru fel fferyllydd gyda'r Cyngor Fferyllol Cyffredinol. Mae'r camau hyn yn cynnwys blwyddyn o hyfforddiant sylfaenol a chwblhau'r asesiad cofrestru'n llwyddiannus. Mae rhagor o fanylion am gofrestru fel fferyllydd ar gael yn adran Cofrestru gwefan y Cyngor Fferyllol Cyffredinol.

Hefyd, bydd y Cyngor Fferyllol Cyffredinol yn cynnal ei wiriadau ei hun o ran iechyd, cymeriad da a hunaniaeth cyn cofrestru graddedig fel fferyllydd. Mae'r gwiriadau hyn yn berthnasol i gofrestru, ac maent yn ychwanegol at wiriadau'r prifysgolion a'r cyflogwyr. Efallai na fydd y Cyngor Fferyllol Cyffredinol yn cofrestru graddedig os bydd yn methu gwiriad, hyd yn oed os yw wedi llwyddo mewn gwiriadau blaenorol.

Ni all y Cyngor Fferyllol Cyffredinol gynnig cyngor i ddarpar ymgeiswyr. Gall graddedig apelio os caiff ei gais cofrestru ei wrthod, a bydd yn rhaid cyflwyno'r apêl hwnnw i Bwyllgor Apeliadau'r Cyngor Fferyllol Cyffredinol.