Polisi Cymdeithasol/Gofal Cymdeithasol: Ysgoloriaeth Ymchwil PhD Ysgol Graddedigion Gwyddorau Cymdeithasol Cymru (WGSSS) yr ESRC ar y llwybr Polisi Cymdeithasol/Gofal Cymdeithasol (RS705)

Darparwr neu ddarparwyr y cyllid: WGSSS yr ESRC 50%; Prifysgol Abertawe 50% 

Maes pwnc/pynciau: Ysgoloriaeth ymchwil WGSSS yr ESRC ar y llwybr Polisi Cymdeithasol/Gofal Cymdeithasol 

Dyddiad(au) dechrau'r prosiect (dileer fel y bo'n briodol): 1 Hydref 2025 (bydd cofrestru'n dechrau yng nghanol mis Medi) 

Goruchwylwyr: 

Dyfarniad ‘agored’ yw'r ysgoloriaeth ymchwil hon. Dylai ymgeiswyr siarad â darpar oruchwyliwr cyn cyflwyno cais, er mwyn cadarnhau bod gallu goruchwylio priodol ar gael yn y Brifysgol ac er mwyn trafod eu cais drafft. Mae gwybodaeth am ddiddordebau ymchwil ein staff ar gael ar dudalennau gwe Prifysgol Abertawe. Mae disgrifiadau byr o bob llwybr achrededig i'w gweld ar wefan Partneriaeth Hyfforddiant Doethurol Cymru yr ESRC.  

Mae'n bosib y bydd cynrychiolydd y llwybr yn Abertawe, Dr Christala Sophocleous, yn gallu eich cynghori.  

Arweinydd y Llwybr: Christala Sophocleous  

Rhaglen astudio sy'n cydweddu: Polisi Cymdeithasol/Gwaith Cymdeithasol 

Dull astudio: Mae modd astudio’n amser llawn neu'n rhan-amser. 

Sylwer na chaiff deiliaid dyfarniad ysgoloriaeth ymchwil amser llawn yr ESRC fod mewn swydd amser llawn, swydd ran-amser barhaol neu rôl dros dro am gyfnod hir, yn ystod cyfnod eu dyfarniad. Ni chaiff deiliaid ysgoloriaeth ymchwil ran-amser ESRC weithio mewn swydd amser llawn. 

Disgrifiad o'r prosiect:  

Mae Prifysgol Abertawe, wedi'i chefnogi gan Ysgol Graddedigion Gwyddorau Cymdeithasol Cymru (WGSSS) yr ESRC yn gwahodd ceisiadau i astudio am PhD mewn Polisi Cymdeithasol, Gofal Cymdeithasol a Gwaith Cymdeithasol, gyda'r posibilrwydd o ennill ysgoloriaeth ymchwil a ariennir yn llawn gan WGSSS yr ESRC i ddechrau ym mis Hydref 2025.  

Ers blynyddoedd lawer, mae'r ESRC wedi cefnogi ymchwil ôl-raddedig ym Mhrifysgol Abertawe drwy roi ysgoloriaethau ymchwil a ariennir drwy ei gystadleuaeth flynyddol. Caiff ymgeiswyr eu cefnogi gan dîm dynodedig o weithwyr ymchwil ôl-raddedig proffesiynol a'u goruchwylio gan academyddion hynod brofiadol mewn Polisi Cymdeithasol, Gofal Cymdeithasol neu Waith Cymdeithasol.  

Mae Polisi Cymdeithasol yn rhan o Ysgol y Gwyddorau Cymdeithasol a'r Adran Troseddeg, Cymdeithaseg a Pholisi Cymdeithasol. Mae'r Adran hefyd yn gartref i'r Ganolfan Newid Cymdeithasol, sy'n cynnal seminarau rheolaidd gan academyddion o Abertawe, cydweithredwyr ac academyddion eraill ledled y byd. Mae Prifysgol Abertawe'n cynnal Canolfan Ymchwil Data Gweinyddol (Cymru) yr ESRC, sy'n hwyluso mynediad at ddata gweinyddol dienw cysylltiedig mewn amgylchedd diogel.  

Mae Gofal Cymdeithasol a Gwaith Cymdeithasol yn rhan o'r Ysgol Iechyd a Gofal Cymdeithasol, ac mae'n gartref i fenter arobryn DEEP, sy'n ymroddedig i ddyfeisio ffurfiau newydd o gasglu tystiolaeth drwy gyfranogiad, mewn ffyrdd sy'n addas ar gyfer llywio polisi.  

Mae diddordeb gan y timau Polisi Cymdeithasol a Gwaith Cymdeithasol mewn goruchwylio gwaith PhD ar draws meysydd y pynciau. Mae'r meysydd penodol o arbenigedd ymchwil yn cynnwys:  

• anghydraddoldebau a chyfiawnder cymdeithasol 
• tlodi 
• gwleidyddiaeth lles cymdeithasol 
• cysylltiadau rhwng y wladwriaeth a chymdeithas sifil 
• eiriolaeth 
• heneiddio 
• astudiaethau anabledd 
• datganoli 
• materion moesegol mewn polisi cymdeithasol 
• plant a hawliau plant  
• y teulu 
• cymunedau a gofal cymdeithasol 
• rolau polisi cymdeithasol y trydydd sector 
• cydgynhyrchu  
• canlyniadau gwasanaethau i blant, pobl ifanc a theuluoedd 
• hawliau grwpiau sydd wedi'u heithrio (e.e. ceiswyr lloches, teuluoedd Roma a theithwyr)  
• arferion cynhwysol ym maes ymchwil gofal cymdeithasol 
• profiadau o'r system gofal 
• profiadau o bobl sy'n gadael gofal 
• rhywioldeb a gofal cymdeithasol 
• diogelu ac amddiffyn plant 
• pobl hŷn 

Bydd myfyrwyr sy'n dilyn llwybr ‘1+3’ yn ymgymryd â'r cwrs MSc Dulliau Ymchwil Gymdeithasol sy'n datblygu gallu methodolegol eang yn ogystal â modiwlau arbenigol a thraethawd hir dan oruchwyliaeth sy'n fwy penodol i'r pwnc. Bydd myfyrwyr yn astudio ym Mhrifysgol Abertawe'n bennaf, er y cânt eu gwahodd i ddigwyddiadau Partneriaeth Hyfforddiant Doethurol Cymru mewn lleoliadau eraill yng Nghymru. Drwy'r PhD, bydd holl fyfyrwyr Partneriaeth Hyfforddiant Doethurol Cymru'n dod ynghyd am weithdai ar y cyd, cyrsiau preswyl a chynadleddau blynyddol. Yn y digwyddiadau hyn a rhai eraill, gall myfyrwyr weithio a chyflwyno ochr yn ochr ag ymchwilwyr sefydledig.

Hyd astudio: 

Mae hyd yr astudiaeth yn dibynnu ar brofiad ymchwil blaenorol ac anghenion hyfforddi a asesir drwy gwblhau Dadansoddiad Cychwynnol o Anghenion Datblygu pan gaiff y cais ei gyflwyno a dadansoddiad llawn cyn dyfarnu os bydd y cais yn llwyddiannus.  

Gall yr astudiaeth bara rhwng tair blynedd a hanner a phedair blynedd a hanner amser llawn (neu gyfnod cyfatebol os yw'n rhan-amser) gan ddibynnu ar eich profiad ymchwil blaenorol.  

Bydd Prifysgol Abertawe, ar y cyd â chydweithwyr yn YGGCC, yn asesu anghenion hyfforddiant ymgeiswyr llwyddiannus ac yn gweithio gyda nhw i deilwra'r hyfforddiant sy'n cael ei gynnig iddynt i ddiwallu eu hanghenion ymchwil. Gallai hyn fod ar ffurf cwrs Meistr llawn, neu gallai fod ar sail cyrsiau unigol wedi'u cynllunio i wella'r sgiliau angenrheidiol ar gyfer y maes astudio dan sylw. 

Mae'n ofynnol i bob myfyriwr a ariennir gan WGSSS gwblhau lleoliad Ymchwil ar Waith a ariennir o 3 mis i gyd (neu gyfwerth rhan-amser). Bydd pob myfyriwr yn cael y cyfle i gwblhau lleoliad mewn sefydliadau academia, polisi, busnes neu gymdeithas sifil.

I dderbyn cyllid ysgoloriaeth ymchwil gan yr ESRC, rhaid bod gennych gymwysterau neu brofiad sy'n gyfwerth â gradd anrhydedd ar lefel dosbarth cyntaf neu ail ddosbarth uwch, neu radd Meistr gan sefydliad ymchwil academaidd yn y DU.  

Croesewir ceisiadau hefyd gan fyfyrwyr â chefndiroedd academaidd anhraddodiadol.

Mae'r Ysgoloriaeth ar agor i ymgeiswyr sy'n gymwys am ffïoedd y DU a ffïoedd rhyngwladol.

Mae ysgoloriaethau ymchwil YGGCC ar gael i fyfyrwyr cartref a rhyngwladol. Gall hyd at 30% o'n carfan fod yn fyfyrwyr rhyngwladol. Ni fydd yn rhaid i fyfyrwyr rhyngwladol dalu'r gwahaniaeth rhwng ffïoedd i fyfyrwyr o'r DU a'r gyfradd ryngwladol. Rhaid i ymgeiswyr fodloni gofynion cymhwysedd UKRI.    

Mae YGGCC yn ymrwymedig i gefnogi a hyrwyddo cydraddoldeb ac amrywiaeth ac i greu amgylchedd cynhwysol i bawb. Rydym yn croesawu ceisiadau gan holl aelodau’r gymuned fyd-eang, heb ystyried oedran, anabledd, rhyw, hunaniaeth rhywedd, ailbennu rhywedd, statws priodasol neu bartneriaeth sifil, beichiogrwydd neu famolaeth, crefydd neu gred a chyfeiriadedd rhywiol.  

Rydym yn croesawu ceisiadau i astudio'n amser llawn ac yn rhan-amser. 

Am ddisgrifiad llawn, cliciwch ar y ddolen i'r Saesneg.

Gwerth y cyflog: Cyflog UKRI (£19,237 ar hyn o bryd). 

Mae'r ysgoloriaeth ymchwil a ariennir gan yr ESRC yn talu ffïoedd dysgu, ac yn darparu cyflog byw, di-dreth, blynyddol yn unol â lleiafswm cyfraddau UKRI (sef £19,237 ar hyn o bryd). 

Os oes gennych anabledd, efallai y bydd gennych hawl i'r Lwfans i Fyfyrwyr Anabl ar ben eich ysgoloriaeth ymchwil.

Bydd gan fyfyrwyr fynediad at Grant Cymorth Hyfforddiant Ymchwil. 

Gwerth: £940 (2024/25) y flwyddyn. 

I gyflwyno cais, cwblhewch eich cais ar-lein gan fewnbynnu'r wybodaeth ganlynol:

1. Dewis Cwrs –  dewiswch:
   
   Gwaith Cymdeithasol a Gofal Cymdeithasol/ Ph.D./ Amser llawn / 3 Blynedd / Hydref
   Gwaith Cymdeithasol a Gofal Cymdeithasol/ Ph.D./ Rhan-amser / 6 Blynedd / Hydref
   
   Os ydych chi eisoes wedi cyflwyno cais am y rhaglen hon, mae’n bosib y bydd y system ymgeisio’n rhoi hysbysiad rhybuddio a’ch atal rhag cyflwyno cais. Os bydd hyn yn digwydd, e-bostiwch pgrscholarships@abertawe.ac.uk lle bydd staff yn hapus i’ch helpu i gyflwyno eich cais.

1. Blwyddyn dechrau - Dewiswch 2025
2. Cyllid (tudalen 8) -

• 'Ydych chi’n ariannu'ch astudiaethau eich hun?' - dewiswch Nac ydw
• 'Rhowch enw'r unigolyn neu'r sefydliad sy'n darparu'r cyllid astudio' - nodwch ‘RS705 - WGSSS 12'

*Cyfrifoldeb yr ymgeisydd yw rhestru’r wybodaeth uchod yn gywir wrth gyflwyno cais. Sylwer na chaiff ceisiadau sy’n cael eu derbyn heb yr wybodaeth uchod eu hystyried am yr ysgoloriaeth.

Mae angen cyflwyno un cais yn unig ar gyfer pob dyfarniad ysgoloriaeth ymchwil a arweinir gan Brifysgol Abertawe; ni fydd ceisiadau sy’n rhestru mwy nag un dyfarniad ysgoloriaeth ymchwil a arweinir gan Brifysgol Abertawe yn cael eu hystyried.

SYLWER: Ymgeiswyr ar gyfer PhD/EngD/ProfD/EdD - i gefnogi ein hymrwymiad i ddarparu amgylchedd sy'n rhydd o wahaniaethu a dathlu amrywiaeth ym Mhrifysgol Abertawe mae'n ofynnol i chi lenwi Ffurflen Monitro Cydraddoldeb, Amrywiaeth a Chynhwysiant yn ogystal â ffurflen gais eich rhaglen. Cliciwch ar y ddolen ganlynol i lenwi eich Ffurflen Monitro Cydraddoldeb, Amrywiaeth a Chynhwysiant:

Ffurflen Monitro Cydraddoldeb, Amrywiaeth a Chynhwysiant (EDI) (ffurflen ar-lein) 

Sylwer bod cwblhau'r Ffurflen Monitro Cydraddoldeb, Amrywiaeth a Chynhwysiant yn orfodol; efallai na fydd eich cais yn cael ei ystyried/brosesu os nad yw'r wybodaeth hon wedi'i chyflwyno.

Cofiwch gynnwys y dogfennau canlynol yn eich cais:   

• Ffurflen Gais yr WGSSS 
• CV academaidd (dim mwy na dwy dudalen). 
• Dau eirda academaidd neu broffesiynol (mae’n rhaid i ymgeiswyr gysylltu â chanolwyr a chynnwys y geirdaon yn eu cais. Mae’n rhaid i'r geirdaon fanylu ar gryfderau ymchwil yr ymgeisydd. 
• Tystysgrifau a thrawsgrifiadau gradd (gan gynnwys cyfieithiadau os yw'n berthnasol)   
• Os yw'n berthnasol, prawf o Gymhwysedd yn y Saesneg (gweler gofynion mynediad y sefydliad)  
• Cadarnhad o gyflwyno'r ffurflen Cydraddoldeb, Amrywiaeth a Chynhwysiant

Am ddisgrifiad llawn, cliciwch ar y ddolen i'r Saesneg.