Trosolwg
Rydw i’n fiolegydd morol ac yn canolbwyntio ar ecosystemau arfordirol trofannol, ac mae gen i 20 mlynedd o brofiad yn rheoli parthau arfordirol integredig gyda chyrff anllywodraethol, asiantaethau cyhoeddus a phreifat yn y Caribî, y Môr Coch a Chefnfor India. Mae gen i brofiad helaeth ym maes rheoli adnoddau naturiol a chadwraeth fel Rheolwr Parc Morol a Pharc Cenedlaethol (8 mlynedd yng Ngharibî’r Iseldiroedd). Mae fy mhrofiad ymchwil yn cynnwys asesiadau amgylcheddol, asesiadau o bysgodfeydd ac asesiadau o grwbanod môr.
Fel Ymchwilydd a chyn Ymgynghorydd i’r sector cyhoeddus a’r sector preifat, rydw i wedi cynhyrchu a chydgysylltu Cynlluniau Rheoli Ardaloedd Gwarchodedig, Cynlluniau Gweithredu Bioamrywiaeth ac Asesiadau o’r Effaith ar yr Amgylchedd, ac mae gen i ddiddordeb personol parhaus mewn cyd-reoli adnoddau naturiol, ymgysylltu â rhanddeiliaid mewn gwaith rheoli cadwraeth a chyfathrebu gweithgareddau cadwraeth ac ymchwil i’r cyhoedd yn ehangach.
Mae fy niddordebau ymchwil cyfredol yn ymwneud â gwella ein dealltwriaeth o ddefnydd ffawna morol o ofodau a chynefinoedd, gan ganolbwyntio ar grwbanod môr a physgodfeydd, yn y Caribî a Chefnfor India yn bennaf ond hefyd yn nes adref ym Mae Abertawe.
Rydw i’n Gymrawd yr Academi Addysg Uwch. Am fanylion am fy ngwaith yn goruchwylio addysgu ac ymchwil, gweler yr adrannau isod. Mae’r rhestr lawn o gyhoeddiadau ar gael ar Google Scholar.