Technegydd y Biowyddorau

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Dyma rôl barhaol, ran-amser i weithio ar ddydd Llun a dydd Mawrth yn unig.

Bydd deiliad y swydd yn gweithio fel rhan o dîm Technegol, Isadeiledd ac Amgylchedd y Gyfadran ac mewn cydweithrediad â chydweithwyr o Gyfarwyddiaethau ac Unedau Gwasanaeth Proffesiynol eraill y Brifysgol, er mwyn rhoi’r cynlluniau gweithredol sy'n gysylltiedig â'u hamgylchedd perthnasol ar waith, gan sicrhau eu bod yn cyd-fynd ac yn cysylltu â Chyfadrannau ac Unedau Gwasanaeth Proffesiynol eraill a strategaethau a chynlluniau trosfwaol i wella effeithlonrwydd ac ansawdd.

Bydd y Technegydd (Y Biowyddorau) yn gweithio'n agos gydag aelodau staff y Gyfadran a chydweithwyr mewn Unedau Gwasanaeth Proffesiynol/Cyfadrannau eraill, er mwyn sicrhau y caiff eu hamgylchedd perthnasol ei gynnal yn effeithiol o ddydd i ddydd; gan gynnwys offer, nwyddau traul a systemau eraill sy'n benodol i'r Gyfadran ac sy'n ofynnol er mwyn cyflawni ymdrechion addysgu ac ymchwil y Gyfadran. Gwneir hyn drwy ymgysylltu â rhwydwaith o unigolion sy'n cynnwys Tîm Technegol y Gyfadran, aelodau staff eraill y Brifysgol a'i chyflenwyr.

Yn ogystal, bydd yn ofynnol i ddeiliad y swydd gynnal a chadw, gwasanaethu, calibradu a thrwsio cyfarpar i ddiwallu anghenion. Cyflawni rôl gefnogol yng nghyfleusterau’r Biowyddorau mewn cydweithrediad â staff, myfyrwyr a chyfadrannau eraill yn ôl yr angen. Mae hyn yn cynnwys cyfleusterau Labordai a Rennir i sicrhau bod sesiynau ymarferol y Biowyddorau, Biocemeg, AMS a Fferylliaeth yn cael eu cynnal yn hwylus.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu

Lawrlwytho Disgrifiad swydd Lawrlwytho PS-Candidate-Brochure-(CY).pdf Argraffu'r dudalen hon Yn ôl at y rhestr