- Rhif y Swydd
- SU00466
- Math o Gytundeb
- Contract cyfyngedig
- Cyflog
- £28,759 i £32,332 y flwyddyn
- Cyfadran/Cyfarwyddiaeth
- Cyfadran Meddygaeth, Iechyd a Gwyddor Bywyd
- Lleoliad
- Campws Singleton, Abertawe
- Dyddiad Cau
- 28 Awst 2024
- Dyddiad Cyfweliad
- 12 Medi 2024
- Ymholiadau Anffurfiol
-
- Amy Williams Amy.williams3@swansea.ac.uk
- Nerys James n.w.james@swansea.ac.uk
Y Brifysgol
Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.
Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.
Y rôl
Swydd am gyfnod penodol yw hon tan fis Rhagfyr 2025, yn gweithio ar sail amser llawn.
Mae Banc Data SAIL yn gyfleuster blaenllaw ar raddfa fyd-eang sy’n storio ac yn defnyddio data di-enw yn seiliedig ar bobl, mewn modd diogel a chadarn, ar gyfer ymchwil sy'n gwella iechyd, lles a gwasanaethau. Mae ei fanc data o ddata di-enw am boblogaeth Cymru wedi cael sylw rhyngwladol. Wedi'i gefnogi a'i gymeradwyo gan y Llywodraeth, mae Banc Data SAIL yn derbyn cyllid craidd gan Ymchwil Iechyd a Gofal Cymru, a gefnogwyd gan Lywodraeth Cymru.
Mae biliynau o gofnodion dienw sy'n seiliedig ar y person yn cael eu storio ym Manc Data SAIL, yn amodol ar fesurau diogelu a chymeradwyaeth; gellir cysylltu'r rhain er mwyn mynd i'r afael â chwestiynau ymchwil pwysig.
Er bod y data a gedwir gan SAIL eisoes yn ei wneud yn unigryw ac yn adnodd sy'n arwain y byd, mae gofynion y gymuned ymchwil i gynyddu ein storfa ddata yn parhau i dyfu a newid. Mae'n hanfodol bod SAIL yn parhau i ehangu ei storfa ddata i ddiwallu'r anghenion cynyddol a newidiol hyn.
Bydd gwaith y swydd hon gyda thîm Caffael Data SAIL yn hwyluso caffael data newydd, yn gweithio gyda darparwyr data presennol i geisio cymeradwyaeth berthnasol i ddefnyddio eu data a chynnal gwybodaeth gyfoes am asedau data SAIL.
Rhestrir diben y rôl a'r dyletswyddau cyffredinol isod (ceir rhestr lawn yn y Disgrifiad Swydd):
- Gweinyddu swyddogaethau caffael data o ran casglu a defnyddio data SAIL yn unol â gweithdrefnau gweithredu safonol, gyda chymorth gan y Swyddog Caffael Data.
- Sicrhau bod yr holl ddogfennaeth sy'n ymwneud â setiau data'n gyfoes ac yn cael eu cadw, eu prosesu a'u dileu'n unol â gweithdrefnau gweithredu SAIL a gofynion cyfreithiol megis y Rheoliad Cyffredinol ar Ddiogelu Data (GDPR).
- Gweinyddu agweddau ar broses caffael a darparu data SAIL yn unol â gweithdrefnau gweithredu safonol, gyda chymorth gan y Swyddog Caffael Data.
- Helpu gyda'r broses o gymeradwyo Achrediadau Ymchwil ar gyfer prosiectau sy'n dymuno cael mynediad at ddata SAIL (gan gynnwys ceisiadau newydd a cheisiadau i addasu), gan ddarparu arweiniad syml ar y broses neu drwy ymateb i ymholiadau gan ymgeiswyr pan fo angen.
- Darparu cymorth gweinyddol, gan gynnwys trefniadau ar gyfer cyfarfodydd a chymryd cofnodion.
Cydraddoldeb, Amrywiaeth a Chynhwysiant
Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.
Sgiliau Cymraeg
Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.
Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.
Gwybodaeth Ychwanegol
Gallwch gyflwyno CV a llythyr eglurhaol ar gyfer y swydd hon.
Gwnewch yn siŵr eich bod yn nodi tystiolaeth yn eich CV a'ch llythyr eglurhaol o ran sut rydych yn bodloni'r meini prawf hanfodol a dymunol.