- Rhif y Swydd
- SU00519
- Math o Gytundeb
- Contract anghyfyngedig
- Cyflog
- £32,982 i £37,099 y flwyddyn
- Cyfadran/Cyfarwyddiaeth
- Gwasanaeth Ymchwil, Ymrwymiad a Chyfnewidiad
- Lleoliad
- Campws Singleton, Abertawe
- Dyddiad Cau
- 13 Medi 2024
- Interview Dates
- 30 Medi 2024 - 4 Hyd 2024
- Ymholiadau Anffurfiol
-
- Elizabeth Jones e.s.jones@swansea.ac.uk
- Sarah Bater s.l.bater@swansea.ac.uk
Y Brifysgol
Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.
Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.
Y rôl
Mae REIS yn uned gwasanaeth proffesiynol allweddol sy'n ymroddedig i wella effaith ddiwylliannol, gymdeithasol ac economaidd y Brifysgol drwy wasanaethau proffesiynol o safon.
Byddwch yn gweithio dan oruchwyliaeth y Rheolwr Contractau a'r Swyddogion Contractau yn y Tîm Contractau, i roi cyngor arbenigol ar ystod eang o gytundebau masnachol, sy'n ymwneud ag ymchwil a gynhelir gan y Brifysgol yn bennaf ar y cyd â phrifysgolion, diwydiant, masnach a sefydliadau llywodraeth eraill yn y DU, Ewrop ac yn fyd-eang. Mae'r cymorth hwn yn rhychwantu trafodaethau cychwynnol i gymeradwyaeth am lofnod.
Byddwch chi'n drafftio, yn adolygu ac yn negodi ar ystod eang o gytundebau masnachol yn benodol o ran ymchwil sy'n cynnwys ond heb fod yn gyfyngedig i:
• Addasu/diwygiadau/terfynu
• Cytundebau cydweithredu
• Cytundebau treialon clinigol
• Ymgynghori
• Cytundebau consortiwm
• Rhannu/mynediad at ddata
• Prynu/benthyg cyfarpar
• Cytundebau fframwaith
• Cytundebau cyllid
• Penawdau Telerau/Memorandwm o Ddealltwriaeth/Cytundebau Peidio â Datgelu
• Trwyddedu ac aseiniadau eiddo deallusol
• Trosglwyddo deunyddiau
• Cytundebau gwasanaeth
• Ysgoloriaethau ymchwil
• Isgontractau
Cyfrifoldebau allweddol:
• Arwain trafodaethau i sicrhau'r amodau gorau ar gyfer contractau, gan fynd i'r afael â meysydd megis eiddo deallusol, cyfrinachedd ac atebolrwydd.
• Cadw ar flaen y gad o ran materion y sector, polisïau'r brifysgol a deddfwriaeth berthnasol
• Dangos sgiliau trefnu cryf, hunanreolaeth a'r gallu i fodloni terfynau amser
• Dangos sgiliau cyfathrebu ardderchog, ymarferoliaeth a diplomyddiaeth
• Cynnal hyfedredd TG, yn enwedig gyda Microsoft Office
Gofynion:
• Cyfreithiwr cymwysedig sydd â phrofiad o gontractau neu'n gweithio tuag at gymhwyster drwy'r SQE neu gyfwerth.
• Gallu profedig wrth negodi, drafftio ac adolygu cytundebau cyfreithiol.
Os ydych yn weithiwr proffesiynol cyfreithiol rhagweithiol sy'n barod i gyfrannu at ragoriaeth ymchwil y Brifysgol, rydym yn eich gwahodd i gyflwyno cais.
Cydraddoldeb, Amrywiaeth a Chynhwysiant
Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.
Sgiliau Cymraeg
Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.
Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.
Gwybodaeth Ychwanegol
Gallwch gyflwyno CV a llythyr eglurhaol ar gyfer y swydd hon.