Darlithydd mewn Troseddeg

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Bydd yr ymgeisydd llwyddiannus yn ymrwymedig i ddatblygu enw da rhyngwladol yr Adran Troseddeg, Cymdeithaseg a Pholisi Cymdeithasol am ymchwil ac effaith arloesol, ac adeiladu ei safonau rhagorol mewn addysgu a phrofiad y myfyrwyr.

Mae ein hamgylchedd dysgu sy'n canolbwyntio ar fyfyrwyr yn canolbwyntio ar ddiwylliant staff yn blaenoriaethu hygyrchedd i fyfyrwyr a chyflwyno rhaglenni astudio deniadol ac arloesol.Yn ogystal â phortffolio israddedig sy'n cynnwys pob un o'n meysydd pwnc craidd yn ogystal â chyd-anrhydedd, rydym yn cynnig rhaglenni ôl-raddedig rhyngddisgyblaethol a addysgir mewn Seiberdroseddu a Therfysgaeth, Dulliau Ymchwil Gymdeithasol a Chyfiawnder Troseddol Gymhwysol a Throseddeg.

Mae'r Adran yn cynnal amrywiaeth o brosiectau ymchwil amlddisgyblaethol o safon ryngwladol sy'n arwain y ffordd yn fyd-eang, a Chanolfan am Newid Cymdeithasol a sefydlwyd yn ddiweddar. Er bod ffocws llawer o'n hymchwil yn empirig (yn ansoddol ac yn feintiol) ac yn gymhwysol, fel Adran a Chanolfan, ein nod ni drwy ein gwaith yw cyfuno effaith byd go iawn â dimensiwn beirniadol cryf a sensitifrwydd i ddatblygiadau damcaniaethol presennol.  Rydym yn ymrwymedig i gynnal lefel o ragoriaeth ymchwil sy'n gymesur â phroses y Fframwaith Rhagoriaeth Ymchwil (REF).

Rydym yn croesawu ceisiadau gan droseddegwyr mewn unrhyw faes sydd â diddordeb mewn gweithio ar draws y disgyblaethau yn ein hadran.   Gallai deiliad y swydd gyfrannu at feysydd presennol o gryfder yn ogystal â datblygu ei faes diddordeb personol a bydd disgwyl iddo ddenu cyllid ymchwil allanol er mwyn gwella enw da'r Adran.

Cefnogir gweithgareddau ymchwil yr Adran gan:

• Hyb Ymchwil sy'n darparu cymorth ar gyllid ymchwil
• Cymorth ysgrifenydd ceisiadau penodol ar gyfer cyflwyno ceisiadau am grantiau
• Lwfans ymchwil a datblygu personol
• Rhaglen sabothol

Rydym yn rhan o Ysgol Graddedigion Gwyddorau Cymdeithasol Cymru a ariennir gan yr ESRC, a sefydlwyd i hyrwyddo rhagoriaeth mewn hyfforddiant ôl-raddedig yng Nghymru.

Mae rhagor o wybodaeth am yr Adran ar gael yma. 

Llwybr Gyrfa Academaidd

Mae'r swydd hon ar lwybr Addysg ac Ymchwil (Rmchwil). Dyluniwyd cynllun y Llwybrau Gyrfa Academaidd i sicrhau bod cryfderau academaidd, boed mewn ymchwil, addysgu, profiad ehangach y myfyrwyr, arweinyddiaeth, neu arloesi ac ymgysylltu, i gyd yn cael eu cydnabod, eu datblygu, eu gwerthfawrogi a'u gwobrwyo mewn modd priodol. Mae gwybodaeth bellach ar gael yma.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Mae menywod a chydweithwyr o leiafrifoedd ethnig wedi'u tangynrychioli yn y byd academaidd a byddem yn annog ceisiadau  gan y grwpiau hyn yn benodol. Penodir ar sail teilyngdod bob tro.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gofynnir i ymgeiswyr lenwi ffurflen gais ar-lein gan ddarparu tystiolaeth yn erbyn y meini prawf hanfodol yn y ddogfennaeth recriwtio. Dylai ymgeiswyr atodi'r dogfennau canlynol i'r cais hefyd:

• Curriculum Vitae a rhestr lawn o fodiwlau a addysgwyd a chyhoeddiadau;
• Agenda ymchwil dros bum mlynedd;
• Datganiad sy'n amlinellu eich profiad, athroniaeth a'ch uchelgeisiau addysgu, gan nodi unrhyw fodiwlau presennol yn yr Adran byddech chi'n fwyaf cyfforddus yn cyfrannu atynt yn eich barn chi.

Rhannu

Lawrlwytho Disgrifiad Swydd Lawrlwytho Llyfryn Argraffu'r dudalen hon Yn ôl at y rhestr