Gwnewch Gais Nawr
Rhif y Swydd
SU00479
Math o Gytundeb
Contract anghyfyngedig
Cyflog
£22,681 i £24,533 y flwyddyn
Cyfadran/Cyfarwyddiaeth
Cyfadran Meddygaeth, Iechyd a Gwyddor Bywyd
Lleoliad
Campws Singleton, Abertawe
Dyddiad Cau
20 Awst 2024
Dyddiad Cyfweliad
3 Medi 2024
Ymholiadau Anffurfiol
Katarina Kusz k.e.kusz@swansea.ac.uk

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Swydd barhaol amser llawn yw hon.

Mae'r tîm technegol Sgiliau Clinigol am recriwtioperson trefnus a brwdfrydig sydd â sgiliau gwasanaeth cwsmeriaid ardderchog i gefnogi trefniadau addysgu ac arholiadau ar gyfer amryw o raglenni gofal iechyd yn y Gyfadran Meddygaeth, Iechyd a Gwyddor Bywyd.

Mae'r Technegydd Addysgu Ystwyth (Clinigol) yn gyfrifol am baratoi a threfnu ystafelloedd dosbarth ag offer a defnyddiau traul clinigol priodol, gan sicrhau bod gan gyd-weithwyr academaidd yr offer i ddarparu addysgu o safon uchel. Mae cyfrifoldebau hefyd yn cynnwys archebu stoc, rheoli storfeydd, ymgymryd â chynnal a chadw rheolaidd ac adweithiol i offer, a gweithio ar y cyd â chydweithwyr academaidd a gwasanaethau proffesiynol.

Mae cefndir mewn amgylchedd Addysg Uwch, clinigol, neu efelychu yn ddymunol ond nid yw'n hanfodol gan y bydd hyfforddiant llawn yn cael ei ddarparu. Rydym yn chwilio am rywun sydd â sgiliau rhyngbersonol profedig, lefel uchel o fedrusrwydd corfforol ar gyfer symud cyfarpar rhwng ystafelloedd ac adeiladau, a'r ysgogiad i ddysgu a datblygu sgiliau mewn rôl amrywiol a deinamig. Mae Prifysgol Abertawe'n cynnig ystod o gyrsiau ar gyfer eich datblygiad proffesiynol yn ogystal â chyfleoedd hyfforddiant sy'n benodol i'r rôl.

Dymunir bod yr ymgeisydd yn gweithio’n achlysurol yn y cyfleuster Anatomeg yn yr Ysgol Feddygaeth, yn gweithio gyda sbesimenau meinweoedd dynol o dan oruchwyliaeth ac yn unol â Deddf Meinweoedd Dynol 2004, gan gynnwys sleidiau patholeg, breichiau a choesau prosthetig, a chyrff marw. Er mai ar gampws Singleton y mae'r swydd yn bennaf, mae'n ofyniad i ddarparu cymorth technegol ar ein campws ym Mharc Dewi Sant, Caerfyrddin o bryd i'w gilydd. Mae'r gallu i yrru cerbyd yr adran yn ddymunol felly. Oriau craidd y tîm yw 8am i 4pm ond mae disgwyl i chi weithio'n hyblyg i gefnogi addysgu pan fo angen. Croesewir ymholiadau am weithio hyblyg.

Yn sgil natur y rôl, mae ymweliad anffurfiol cyn y cyfweliad yn cael ei argymell yn gryf. Mae croeso i chi gysylltu â Katarina Kusz drwy e-bost yn k.e.kusz@abertawe.ac.uk.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu

Lawrlwytho Llynfryn yr Ymgeisydd - Gwasanaethau Proffesiynol Lawrlwytho Disgrifiad swydd Argraffu'r dudalen hon Yn ôl at y rhestr