Cyfieithydd (cyfnod mamolaeth)

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

This is an advert for a Welsh Translator, where a high level of proficiency in the Welsh language is a core requirement

Dyma wahoddiad agored am geisiadau gan unigolion brwdfrydig, cymwys sydd am gyfle i weithio fel Cyfieithydd yn Uned Uned Cyfieithu a Chydymffurfiaeth Iaith, Academi Hywel Teifi. Mae’r gallu i weithio yn Gymraeg yn allweddol i’r swydd hon.

Prif nod y Cyfieithydd fydd cynorthwyo wrth ddarparu Gwasanaeth Cyfieithu Cymraeg o ansawdd uchel. Bydd deiliad y swydd yn darparu gwasanaethau i gymuned gyfan y Brifysgol gan weithio fel rhan o dîm i sicrhau bod gwasanaeth cyfieithu ysgrifenedig a gwasanaeth cyfieithu ar y pryd safonol ar gael i’r Brifysgol.

Mae’r gwaith yn amrywiol iawn o ran maes pwnc a thema, a bydd yn adlewyrchu ystod eang o ddisgyblaethau a meysydd ymchwil y Brifysgol. Bydd deiliad y swydd hefyd yn cael pob cyfle i ddatblygu’n broffesiynol yn y swydd. 

Mae Academi Hywel Teifi yn arwain ar y gwaith o wireddu strategaeth Camu Ymlaen – Strategaeth Iaith a Diwylliant Cymraeg Prifysgol Abertawe ac mae’n gartref i’r Uned Cyfieithu a Chydymffurfiaeth Iaith, Uned Dysgu Cymraeg - Ardal Bae Abertawe a’r Uned Darpariaeth Academaidd a Chreadigol.

Mae hon yn swydd cyfnod penodedig o flwyddyn i gyflenwi cyfnod mamolaeth cydweithiwr rhwng mis Mawrth 2025 a Mawrth 2026. Bydd y swydd yn cynnwys patrwm gweithio sy’n cyfuno gweithio o gartref a gweithio yn y swyddfa.

Y swydd

Ymhlith y dyletswyddau, ac mae’r manylion llawn yn yn Swydd Ddisgrifiad, mae:

• Cyfieithu deunydd ysgrifenedig o’r Gymraeg i’r Saesneg neu o’r Saesneg i’r Gymraeg gan ddarparu gwasanaeth cyfieithu o'r ansawdd uchaf a chadw o fewn terfynau amser cyflawni’r dasg.
• Gweithio’n effeithiol â thechnoleg er mwyn hwyluso’r gwaith gan ddefnyddio meddalwedd er mwyn derbyn a dychwelyd gwaith, rheoli llif gwaith, a sicrhau effeithiolrwydd trwy ddefnydd o gof cyfieithu.
• Meithrin arferion da wrth ddefnyddio offer ac adnoddau gramadegol amrywiol i gefnogi gwaith cyfieithwyr.
• Meithrin profiad o brawf-ddarllen a golygu cyfieithiadau cydweithwyr yn yr Uned Gyfieithu pan fo galw.
• Gwneud gwaith gweinyddol cyffredinol sy'n berthnasol i'r Gwasanaeth Cyfieithu, gan gynnwys cynnal a chadw cronfeydd data.
• Cefnogi'r gwaith o ddarparu adroddiadau gwybodaeth reoli mewn perthynas â thargedau a gofynion a bennir gan Lywodraeth Cymru, Comisiynydd y Gymraeg, CCAUC a chyrff eraill.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 3 - Rhugl. Bydd deiliad y swydd yn gallu cynnal sgwrs rugl yn y Gymraeg ar fater sy'n gysylltiedig â gwaith ac ysgrifennu deunydd Cymraeg gwreiddiol yn hyderus.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Y person

Bydd gan yr ymgeisydd llwyddiannus:

• Radd dda yn y Gymraeg neu gyfwerth a/neu brofiad gwaith cyfatebol.
• Sgiliau cyfathrebu llafar ac ysgrifenedig rhagorol yn Gymraeg a Saesneg.
• Sgiliau cyfieithu rhagorol o'r Saesneg i'r Gymraeg ac o'r Gymraeg i'r Saesneg a llygad am gywirdeb a chysondeb.
• Profiad blaenorol o weithio fel cyfieithydd.
• Profiad o ddefnyddio meddalwedd Microsoft gan gynnwys Word, Excel ac Outlook.
• Profiad o ddefnyddio technoleg cyfieithu (ôl-olygu cyfieithu peirianyddol ac allbwn cof cyfieithu, megis Déjà Vu) a meddalwedd i sicrhau cywirdeb, cysondeb a gwerth am arian o ran cyfieithiadau.
• Profiad o weithio'n annibynnol gan ddefnyddio eich menter eich hun, yn enwedig o ran ymgysylltu ag eraill.
• Sgiliau trefnu a rheoli amser ardderchog a'r gallu i flaenoriaethu gwaith ac i weithio'n effeithiol dan bwysau er mwyn bodloni dyddiadau cau a chanolbwyntio ar ganlyniadau.
• Dealltwriaeth o bwysigrwydd cyfrinachedd wrth ymgymryd â'r holl ddyletswyddau.
• Y gallu i ddatrys problemau'n annibynnol a defnyddio crebwyll a chreadigrwydd i awgrymu'r ffordd orau o ddatrys problemau wrth iddynt godi.
• Y gallu i weithio mewn amgylchedd gweinyddol strwythuredig, gan gynnwys gweithio trwy gronfeydd data/systemau rheoli dogfennau neu debyg.
• Sgiliau rhyngbersonol da - y gallu i gydweithio a meithrin perthnasoedd â rhanddeiliaid mewnol ac allanol.
• Dealltwriaeth o faterion sy'n ymwneud â'r Gymraeg a dwyieithrwydd

 

Canllaw i ymgeiswyr:
Gofynnir i ymgeiswyr ddarparu cais ar-lein wedi’i gwblhau sy’n dangos tystiolaeth o’r modd yr ydych yn ateb Meini Prawf Hanfodol y swydd. Gellir atodi dogfennau ychwanegol i gefnogi eich cais e.e. CV neu dystiolaeth ddogfennol berthnasol.

Ceir rhagor o wybodaeth am Academi Hywel Teifi ar wefan y Brifysgol.

Ar gyfer ceisiadau am swydd cyfnod penodol gan staff Prifysgol Abertawe sydd eisoes a chanddynt rôl o fewn y Brifysgol, bydd angen sicrhau cydsyniad eu rheolwr llinell ynghyd â ffurflen gais am Secondiad wedi’i llofnodi cyn ymgeisio am y swydd hon.

I gyrchu’r ffurflen gais am secondiad a manylion Polisi Secondiadau y Brifysgol, ewch i  Polisi Secondiad

Dylid uwchlwytho’r ffurflen gais am secondiad wedi’i llofnodi  yngyd â’ch CV i’r system recriwtio. Ni chaiff y cais ei brosesu heb y cais a’r ffurflen caniatad. Caiff eich cais ar gyfer y swydd hon ei adolygu yn unol â phrosesau recriwtio Prifysgol Abertawe.

Rhannu

Lawrlwytho Disgrifiad Swydd Lawrlwytho Llynfryn Argraffu'r dudalen hon Yn ôl at y rhestr