Mae Hannaford Turner LLP yn gwmni cyfreithiol dynamig sy'n tyfu'n gyflym, ac mae'n arbenigo mewn llongau, asedau a nwyddau.
Yn ddiweddar, mae'r cwmni wedi recriwtio tîm ymgyfreitha cyffrous, ac ers 2019, mae wedi noddi gwobr a ddyfernir i'r myfyriwr LLM sydd wedi perfformio orau ar fodiwl Cyllid Llongau ac Asedau Symudol Eraill Prifysgol Abertawe.
Yn ogystal â gwobr ariannol, mae'r wobr hon yn cynnig mewnwelediad amhrisiadwy i'r maes ymarfer cyffrous a niche hwn i'r myfyriwr buddugol drwy interniaeth a wneir yn swyddfeydd y cwmni yn Llundain.
Enillydd eleni oedd Dilşad Göktan. Mae Dilşad yn gyfreithiwr cymwys o Dwrci ac ar hyn o bryd mae'n astudio ar raglen LLM mewn Cyfraith Fasnachol a Morwrol Ryngwladol. Cyflwynwyd y wobr yn Llundain i Dilşad gan bartner sefydlu'r cwmni, Mr Matt Hannaford, mewn cinio a gynhaliwyd gan y cwmni, gyda Dilşad, yr Athro Barış Soyer a sawl hyfforddai arall o'r cwmni'n bresennol.
Yn siarad ar ôl y cinio, dywedodd Cyfarwyddwr IISTL, yr Athro Soyer:
"Mae IISTL yn eithriadol o ddiolchgar i Hannaford Turner am ei gefnogaeth a'i haelioni parhaus. Mae hwn yn gwmni cyfreithiol arbenigol a blaenllaw, a heb os mae'r wobr a'r interniaeth gysylltiedig a roddwyd i Dilşad yn gyfle gwych iddi symud ei gyrfa broffesiynol i lefel wahanol. Rydym yn dymuno pob dymuniad da iddi wrth iddi ymgymryd â'r interniaeth gyda'r cwmni hwn".